ಏಪ್ರಿಲ್ 15ಕ್ಕೆ ಫೀನಿಕ್ಸ್ ಮಾರ್ಕೆಟ್ ಸಿಟಿಯಲ್ಲಿ ಶರ್ವಿ ಯಾದವ್ ಸಂಗೀತ
ಬೆಂಗಳೂರು, ಏಪ್ರಿಲ್ 12: ಏಪ್ರಿಲ್ 15ರಂದು ಸಂಜೆ 6 ಗಂಟೆಗೆ ಶರ್ವಿ ಯಾದವ್ ರ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿದೆ. ಬೆಂಗಳೂರಿನ ವೈಟ್ ಫೀಲ್ಡ್ ಮುಖ್ಯರಸ್ತೆಯಲ್ಲಿರುವ ಫಿನಿಕ್ಸ್ ಮಾರ್ಕೆಟ್ ಸಿಟಿಯ ಕನ್ಸರ್ಟ್ ಲೇನ್ (ಕೋರ್ಟ್ ಯಾರ್ಡ್)ನಲ್ಲಿ ಕಾರ್ಯಕ್ರಮ ನಡೆಯಲಿದೆ.
ಕಲರ್ಸ್ ಇನ್ ಫಿನಿಟಿ ಚಾನೆಲ್ ನವರು ನಡೆಸಿದ 'ದ ಸ್ಟೇಜ್ 2' ಕಾರ್ಯಕ್ರಮದಲ್ಲಿ ವಿಜೇತೆಯಾಗಿದ್ದವರು ಶರ್ವಿ ಯಾದವ್. ಆ ಕಾರ್ಯಕ್ರಮದ ತೀರ್ಪುಗಾರರಾಗಿದ್ದ ವಿಶಾಲ್ ದದ್ಲಾನಿ, ಮೋನಿಕಾ ಡೋಗ್ರಾ, ಎಹ್ಸಾನ್ ನೂರಾನಿ ಮತ್ತು ಯುನಿವರ್ಸಲ್ ಮ್ಯೂಸಿಕ್ ಇಂಡಿಯಾದ ಮುಖ್ಯಸ್ಥ ದೇವರಾಜ್ ಸನ್ಯಾಲ್ ಕೂಡ ಬೆಂಗಳೂರಿನ ಫೀನಿಕ್ಸ್ ಮಾರ್ಕೆಟ್ ಸಿಟಿಗೆ ಬರಲಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಭಾಗವಹಿಸಬೇಕು ಅಂದರೆ ನೋಂದಣಿಗಾಗಿ ಇಲ್ಲಿ ಕ್ಲಿಕ್ ಮಾಡಿ. 21 ವರ್ಷದ ಅದ್ಭುತ ಗಾಯಕಿ ಶರ್ವಿ ಯಾದವ್ ಸಂಗೀತ ಕೇಳುವುದು ಒಂದೊಳ್ಳೆ ಅನುಭವ.
ಇನ್ನೇನು ಸದ್ಯದಲ್ಲೇ ಕಮರ್ಷಿಯಲ್ ಮ್ಯೂಸಿಕ್ ಆಲ್ಬಂಗಳಲ್ಲೂ ಶರ್ವಿ ಯಾದವ್ ಕಾಣಿಸಿಕೊಳ್ಳಲಿದ್ದಾರೆ. ಅವರಿಗೆ ಮಾರ್ಗದರ್ಶನ ನೀಡುವುದಕ್ಕೆ ವಿಶಾಲ್ ದದ್ಲಾನಿ ಸೇರಿದಂತೆ ಹಲವರಿದ್ದಾರೆ.