ಸೆಕ್ಸ್ ದಾಸಿಯರು -ಇರಾಕಿ ಉಗ್ರರ ಪ್ರಮುಖ ಅಸ್ತ್ರ

ಬೆಂಗಳೂರು, ಅಕ್ಟೋಬರ್ 04: 'ಸೆಕ್ಸ್ ದಾಸಿಯರು ಈ ಭೂಮಿಗಾಗಿ, ಕನ್ಯೆಯರು ಸ್ವರ್ಗಕ್ಕಾಗಿ' ಎಂಬ ಮೂಲ ಅಸ್ತ್ರವನ್ನು ಇರಾಕಿ ಉಗ್ರ ಸಂಗಘನೆ ಈಗಲೂ ಬಳಸುತ್ತಿದೆ. ಭಾರತದಲ್ಲಿ ಐಎಸ್ಐಎಸ್ ವಿರುದ್ಧದ ಕೇಸುಗಳನ್ನು ತನಿಖೆ ಮಾಡುತ್ತಿರುವ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್ಐಎ) ಈ ಅಂಶವನ್ನು ಬಹಿರಂಗಪಡಿಸಿದೆ.

ಎರಡು ದಿನಗಳ ಹಿಂದೆ ತಮಿಳುನಾಡು ಹಾಗೂ ಕೇರಳದಲ್ಲಿ ದಾಳಿ ನಡೆಸಿ, ಇರಾಕಿ ಉಗ್ರ ಸಂಘಟನೆಗೆ ನೆರವಾಗುತ್ತಿದ್ದ 6 ಮಂದಿಯನ್ನು ಬಂಧಿಸಲಾಗಿತ್ತು. ಬಂಧಿತ ವಿಚಾರಣೆ ವೇಳೆ ಬಾಯ್ಬಿಟ್ಟ ವಿಷಯಗಳು ಈಗ ಮತ್ತೊಮ್ಮೆ ಕರ್ನಾಟಕದ ಭಟ್ಕಳದತ್ತ ತಿರುಗಿ ನೋಡುವಂತೆ ಮಾಡಿವೆ.[ಐಎಸ್ಐಎಸ್ ಗೆ ಭಾರತೀಯರೆಂದರೆ ಲೈಂಗಿಕ ಗುಲಾಮರಂತೆ!]

ಸೆಕ್ಸ್ ದಾಸಿಯರ ನೇಮಕ: ಈ ಆರು ಮಂದಿ ಯಾರ ಜತೆಗೆ ಸಂಪರ್ಕ ಹೊಂದಿದ್ದರು. ಹೇಗೆಲ್ಲ ಚಾಟ್ ಮಾಡುತ್ತಿದ್ದರು ಎಂಬ ಮಾಹಿತಿ ಕಲೆ ಹಾಕಿದ್ದು, ಸೈಬರ್ ಲ್ಯಾಬಿನಿಂದ ಹೆಚ್ಚಿನ ವಿವರ ನಿರೀಕ್ಷಿಸಲಾಗಿದೆ.[ಐಸಿಸ್ ನ ಲೈಂಗಿಕ ಕ್ರೌರ್ಯಕ್ಕೆ ನಲುಗಿದವಳ ಕರುಳು ಹಿಂಡುವ ಕಥೆ]

ಕರ್ನಾಟಕದ ಭಟ್ಕಳ ಮೂಲದ ಸುಲ್ತಾನ್ ಆರ್ಮಾರ್ ನ ಸೋದರ ಶಫಿ ಆರ್ಮಾರ್ ಈ ಸೆಕ್ಸ್ ದಾಸಿಯರ ನೇಮಕಾತಿ ಹೊಣೆ ಹೊತ್ತಿದ್ದ ಎಂದು ತಿಳಿದು ಬಂದಿದೆ. ಇಂಡಿಯನ್ ಮುಜಾಹಿದ್ದೀನ್ ನಿಂದ ದೂರಾಗಿ ಅನ್ಸರ್ ಉಲ್ ತಾವ್ಹಿದ್ ಎಂಬ ನೇಮಕಾತಿ ಘಟಕ ಸ್ಥಾಪಿಸಿದ್ದ ಈತ, ಭಾರತದಿಂದ ಐಎಸ್ಐಎಸ್ ಗೆ ನೇಮಕಾಗಿ ಮಾಡುವ ಜವಾಬ್ದಾರಿ ಹೊತ್ತುಕೊಂಡಿದ್ದ.[ಇರಾಕಿ ಉಗ್ರರ ಕಣ್ಣು ದಕ್ಷಿಣ ಭಾರತದ ಮೇಲೆ ಏಕಿದೆ?]

ಇಲ್ಲಿಂದ ಆಯ್ಕೆಯಾದವರನ್ನು ನೇರವಾಗಿ ಸಿರಿಯಾ ಅಥವಾ ಇರಾಕ್ ನಲ್ಲಿರುವ ತರಬೇತಿ ಶಿಬಿರಗಳಿಗೆ ಕಳಿಸುವ ಹೊಣೆ ಈ ಸೋದರರು ಹೊತ್ತುಕೊಂಡಿದ್ದಾರೆ.[ಇರಾಕಿ ಉಗ್ರರಿಂದ 'ಏಡ್ಸ್ ಬಾಂಬ್' ಬೀಳಲಿದೆ ಎಚ್ಚರ!]

ಈ ಹೋರಾಟದಲ್ಲಿ ನೀವು ಮಡಿದರೆ ಕನ್ಯೆಯರಿಗಾಗಿ ಸ್ವರ್ಗದಲ್ಲಿ ಉಳಿಯುತ್ತೀರಿ ಎಂದು ಬೋಧನೆ ಮಾಡಲಾಗುತ್ತಿತ್ತು. ಭಾರತದಿಂದ ಉಗ್ರ ಸಂಘಟನೆ ಸೇರುವವರಿಗೆ ಒಳ್ಳೆಯ ಸೌಲಭ್ಯಗಳನ್ನು ನೀಡುವ ಭರವಸೆ ನೀಡಲಾಗುತ್ತಿತ್ತು.

English summary

Sex slaves on earth and virgins in heaven. This continues to be the main selling point for the ISIS. The National Investigation Agency which is investigating various cases relating to the ISIS in India has found that time and again it is the same old promise that is made to prospective recruits.