ಬೆಂಗಳೂರಿನ ರಸ್ತೆ ಗುಡಿಸಲು ಬಂದವು ದೈತ್ಯಾಕಾರದ ಮೆಷೀನ್!

ಬೆಂಗಳೂರು ರಸ್ತೆಗಳನ್ನು ಸ್ವಚ್ಛಗೊಳಿಸಲು ಸುಮಾರು 500 ಕೋಟಿ ವೆಚ್ಛದಲ್ಲಿ ಬಿಬಿಎಂಪಿಯು ಈ ಯಂತ್ರಗಳನ್ನು ಖರೀದಿಸಿದೆ.

ಬೆಂಗಳೂರು, ಮೇ 22: ಬೆಂಗಳೂರು ರಸ್ತೆಗಳನ್ನು ಸ್ವಚ್ಛಗೊಳಿಸುವುದು ಹಾಗೂ ಧೂಳು ರಹಿತವನ್ನಾಗಿ ಮಾಡಲು ಅನುಕೂಲವಾಗುವಂತೆ, 15 ದೈತ್ಯಾಕಾರದ ರಸ್ತೆ ಗುಡಿಸುವ ಯಂತ್ರಗಳನ್ನು ರಾಜ್ಯ ಸರ್ಕಾರ ಖರೀದಿ ಮಾಡಿದ್ದು, ಅವುಗಳಿಗೆ ಸೋಮವಾರ ಅಧಿಕೃತ ಚಾಲನೆ ನೀಡಲಾಯಿತು.

ವಿಧಾನ ಸೌಧದ ಮುಂದೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು, ಈ ಯಂತ್ರಗಳಿಗೆ ಚಾಲನೆ ನೀಡಿದರು. ಅದೇ ವೇಳೆ, ಅವರಿಗೆ ಯಂತ್ರದ ಕಾರ್ಯವೈಖರಿಯ ಬಗ್ಗೆ ಪ್ರಾತ್ಯಕ್ಷಿಕೆ ಮೂಲಕ ವಿವರಿಸಲಾಯಿತು.

ಈ 15 ಯಂತ್ರಗಳಲ್ಲಿ ಎಂಟು ದೈತ್ಯ ಗಾತ್ರದವು. ಇನ್ನು 5 ಯಂತ್ರಗಳು ಮಧ್ಯಮ ಗಾತ್ರದ್ದು. ರಸ್ತೆ ಸ್ವಚ್ಛತೆಯಲ್ಲಿ ಅತೀವ ಕ್ಷಮತೆ ತೋರುವ ಈ ಯಂತ್ರಗಳು ದಿನವೊಂದಕ್ಕೆ ಸುಮಾರು 50 ಕಿ.ಮೀ. ರಸ್ತೆಗಳನ್ನು ಸ್ವಚ್ಛ ಮಾಡಬಲ್ಲ ಸಾಮರ್ಥ್ಯ ಹೊಂದಿವೆ.

13ನೇ ಹಣಕಾಸು ಆಯೋಗದ ಅನುದಾನದಲ್ಲಿ ಸುಮಾರು 50 ಕೋಟಿ ರು. ವೆಚ್ಛ ಮಾಡಿ ಈ ಯಂತ್ರಗಳನ್ನು ಖರೀದಿಸಲಾಗಿದೆ. ರಸ್ತೆಗಳು ಮಾತ್ರವಲ್ಲ, ಪಾದಚಾರಿಗಳ ಮಾರ್ಗ, ವಿಭಜಕ ಹಾಗೂ ರಸ್ತೆಯ ಟಾರಿನ ಅಕ್ಕಪಕ್ಕದಲ್ಲಿ ಸಂಗ್ರಹವಾಗುವ ಮಣ್ಣು, ಕೆಸರು, ಧೂಳು, ಕೊಳೆಗಳನ್ನೂ ಈ ಯಂತ್ರಗಳು ಸ್ವಚ್ಛ ಮಾಡಲಿವೆ.

ಜಿಪಿಎಸ್ ವ್ಯವಸ್ಥೆಯನ್ನು ಈ ಯಂತ್ರಗಳಿಗೆ ಅಳವಡಿಸಲಾಗಿದ್ದು, ಪ್ರತಿನಿತ್ಯ ಎಷ್ಟು ಕಿ.ಮೀ. ಸ್ವಚ್ಛವಾಗಿದೆ ಎಂಬುದನ್ನು ಪರಿಶೀಲಿಸಬಹುದಾಗಿದೆ.

English summary

The state government has purchased road cleaning machines to clean up Bengaluru roads. Total 15 machines are purchased, out of which 8 machines are giant machines and remaining 5 are medium in size. All together they cost Rs. 500 crores.