ಪೀಣ್ಯ ಇಂಡಸ್ಟ್ರಿ-ನಾಗಸಂದ್ರ ಮೆಟ್ರೋ ಸಂಚಾರ ಮೇ 1ರಿಂದ
ಬೆಂಗಳೂರು, ಏ. 24 : ಪೀಣ್ಯ ಇಂಡಸ್ಟ್ರಿ ಮತ್ತು ನಾಗಸಂದ್ರದ ನಡುವಿನ ನಮ್ಮ ಮೆಟ್ರೋ ರೈಲು ಸಂಚಾರಕ್ಕೆ ಮೇ 1 ರಂದು ಚಾಲನೆ ಸಿಗಲಿದೆ. ಈ ಮಾರ್ಗದಲ್ಲಿ ರೈಲು ಸಂಚಾರ ಆರಂಭಿಸಲು ರೈಲ್ವೆ ಇಲಾಖೆ ಕೆಲವು ದಿನಗಳ ಹಿಂದೆ ಒಪ್ಪಿಗೆ ನೀಡಿತ್ತು.
ಬಿಎಂಆರ್ಸಿಎಲ್
ವ್ಯವಸ್ಥಾಪಕ
ನಿರ್ದೇಶಕ
ಪ್ರದೀಪ್
ಸಿಂಗ್
ಕರೋಲಾ
ಅವರು
ಈ
ಕುರಿತು
ಮಾಹಿತಿ
ನೀಡಿದ್ದಾರೆ.
ಮೇ
1
ರಂದು
ಬೆಳಗ್ಗೆ
10
ಗಂಟೆಗೆ
ಕೇಂದ್ರ
ಸಚಿವ
ವೆಂಕಯ್ಯ
ನಾಯ್ಡು
ಮತ್ತು
ಮುಖ್ಯಮಂತ್ರಿ
ಸಿದ್ದರಾಮಯ್ಯ
ಅವರು
ನಾಗಸಂದ್ರ
ನಿಲ್ದಾಣದಲ್ಲಿ
ರೈಲು
ಸಂಚಾರಕ್ಕೆ
ಹಸಿರು
ನಿಶಾನೆ
ತೋರಿಸಲಿದ್ದಾರೆ.
[ಪೀಣ್ಯ-ನಾಗಸಂದ್ರ
ರೈಲು
ಸಂಚಾರಕ್ಕೆ
ಒಪ್ಪಿಗೆ]
ಮೇ 1ರ ಶುಕ್ರವಾರ ಸಂಜೆ ನಾಗಸಂದ್ರ ನಿಲ್ದಾಣದಿಂದ ಪ್ರಯಾಣಿಕರನ್ನು ಹೊತ್ತ ಮೊದಲ ರೈಲು ಪೀಣ್ಯ ಇಂಡಸ್ಟ್ರಿ ನಿಲ್ದಾಣಕ್ಕೆ ಸಂಚಾರ ನಡೆಸಲಿದೆ. 3.7 ಕಿ.ಮೀ ರೀಚ್ 3ಬಿ ಹಸಿರು ಮಾರ್ಗದಲ್ಲಿ ಟಿ.ದಾಸರಹಳ್ಳಿ ಮತ್ತು ಜಾಲಹಳ್ಳಿ ನಿಲ್ದಾಣಗಳಿವೆ. [ಎಂಜಿ ರಸ್ತೆಯಿಂದ ಮಾಗಡಿ ರಸ್ತೆ ತಲುಪಿತು ಮೆಟ್ರೋ]
ಸಂಪಿಗೆ ರಸ್ತೆಯಿಂದ ಪೀಣ್ಯದವರೆಗಿನ ಹಸಿರು ಮಾರ್ಗದಲ್ಲಿ ಈಗಾಗಲೇ ನಮ್ಮ ಮೆಟ್ರೋ ರೈಲು ಸಂಚಾರ ನಡೆಸುತ್ತಿದೆ. ಈಗ ಮಾರ್ಗವು ನಾಗಸಂದ್ರದ ತನಕ ವಿಸ್ತರಣೆಯಾಗಲಿದೆ. ಕಳೆದ 15 ದಿನಗಳಿಂದ ಮಾರ್ಗದಲ್ಲಿ ಮೆಟ್ರೋ ರೈಲು ಪ್ರಾಯೋಗಿಕ ಸಂಚಾರವನ್ನು ನಡೆಸುತ್ತಿದೆ.
ಪೀಣ್ಯ ಕೈಗಾರಿಕಾ ನಿಲ್ದಾಣದಿಂದ ನಾಗಸಂದ್ರವರೆಗಿನ ನಮ್ಮ ಮೆಟ್ರೋ ಕಾಮಗಾರಿ ಡಿಸೆಂಬರ್ನಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆ ಇತ್ತು, 2015ರ ಫೆಬ್ರವರಿಗೆ ಸಂಚಾರ ಮುಕ್ತಗೊಳಿಸಲಾಗುವುದು ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದ್ದರು. ಆದರೆ, ಮೇನಲ್ಲಿ ಸಂಚಾರ ಆರಂಭವಾಗುತ್ತಿದೆ.