ಮೆಟ್ರೋ ನಿಲ್ದಾಣಗಳಲ್ಲಿ ಇನ್ನು ಮುಂದೆ ಓಲಾ, ಉಬರ್ ಸೇವೆ
ಮೆಟ್ರೋ ಪ್ರಯಾಣಿಕರಿಗೆ ತಮ್ಮ ತಮ್ಮ ಪ್ರದೇಶಗಳಿಗೆ ಪ್ರಯಾಣಿಸಲು ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ನಿಲ್ದಾಣಗಳಲ್ಲಿ ಆ್ಯಪ್ ಆಧಾರಿತ ಟ್ಯಾಕ್ಸಿ ಸೇವೆಗಳಿಗೆ ಚಾಲನೆ ನೀಡಲಾಗಿದೆ.
ಬೆಂಗಳೂರು, ಮಾರ್ಚ್ 24: ಮೆಟ್ರೋ ಪ್ರಯಾಣಿಕರಿಗೆ ತಮ್ಮ ತಮ್ಮ ಪ್ರದೇಶಗಳಿಗೆ ಪ್ರಯಾಣಿಸಲು ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ನಿಲ್ದಾಣಗಳಲ್ಲಿ ಆ್ಯಪ್ ಆಧಾರಿತ ಟ್ಯಾಕ್ಸಿ ಸೇವೆಗಳಿಗೆ ಚಾಲನೆ ನೀಡಲಾಗಿದೆ.
'ಲಾಸ್ಟ್ ಮೈಲ್ ಕನೆಕ್ಟಿವಿಟಿ' ಹೆಸರಿನಲ್ಲಿ ಮೆಟ್ರೋ ನಿಲ್ದಾಣಗಳಲ್ಲಿ ಉಬರ್ ಮತ್ತು ಓಲಾ ತಮ್ಮ ಸೇವೆ ಆರಂಭಿಸಿವೆ.
ಈಗಾಗಲೇ 7 ನಿಲ್ದಾಣಗಳಲ್ಲಿ ಓಲಾ ತನ್ನ ಸೇವೆ ಆರಂಭಿಸಿದೆ. ಇಂದು ಉಬರ್ ಕ್ಯಾಬ್ ಸೇವೆಗಳಿಗೆ ನಗರಾಭಿವೃದ್ಧಿ ಸಚಿವ ಕೆ.ಜೆ ಜಾರ್ಜ್ ಚಾಲನೆ ನೀಡಿದ್ದಾರೆ.[ಓಲಾ, ಉಬರ್ ಗೆ ಸಡ್ಡು ಹೊಡೆಯಲು ಬರ್ತಿದೆ 'ಎಚ್.ಡಿ.ಕೆ ಕ್ಯಾಬ್ಸ್'!]
ಕಳೆದ ಡಿಸೆಂಬರಿನಲ್ಲಿ 30 ಮೆಟ್ರೋ ನಿಲ್ದಾಣಗಳಲ್ಲಿ ಕಿಯೋಸ್ಕ್ ಸೇವೆ ಸ್ಥಾಪನೆ ಮಾಡಲು ಬಿಎಂಆರ್'ಸಿಎಲ್ ಟೆಂಡರ್ ಕರೆದಿತ್ತು. ಅದರಂತೆ ಟೆಂಡರಿನಲ್ಲಿ ಭಾಗವಹಿಸಿದ್ದ ಓಲಾ ಮತ್ತು ಉಬರ್ ತಮಗೆ ಇಷ್ಟ ಬಂದ ನಿಲ್ದಾಣಗಳನ್ನು ಆಯ್ಕೆ ಮಾಡಿಕೊಂಡಿದ್ದವು. ಇದೀಗ ಈ ನಿಲ್ದಾಣಗಳಲ್ಲಿ ತಮ್ಮ ಸೇವೆಯನ್ನು ಆರಂಭಿಸಿವೆ.[ದೈತ್ಯ ಓಲಾ, ಉಬರ್ ಗೆ ಸಡ್ಡು ಹೊಡೆಯಲು ಚಾಲಕರಿಂದ ಮಾಸ್ಟರ್ ಪ್ಲಾನ್!]
ಇದರಿಂದ ಇನ್ನು ಮುಂದೆ ಆ್ಯಪ್ ಇಲ್ಲದಿದ್ದರೂ ಮೆಟ್ರೋ ನಿಲ್ದಾಣದಲ್ಲೇ ಟಾಕ್ಸಿ ಬುಕ್ ಮಾಡಬಹುದು. ಕಂಪೆನಿಗಳ ಕಿಯೋಸ್ಕ್ ಗೆ ಹೋಗಿ ಅಲ್ಲಿ ಬುಕ್ ಮಾಡಿ ಟ್ಯಾಕ್ಸಿಗಳನ್ನು ಪಡೆಯಬಹುದು.