ಓಲಾ ಶೇರ್, ಉಬರ್ ಪೂಲ್ ಸೇವೆಗಳ ಮೇಲೆ ನಿಷೇಧದ ತೂಗುಗತ್ತಿ

ಓಲಾ ಶೇರ್ ಮತ್ತು ಉಬರ್ ಪೂಲ್ ಕಾನೂನು ಬಾಹಿರ ಎಂದು ಸಾರಿಗೆ ಆಯುಕ್ತರು ಹೇಳಿರುವುದರಿಂದ ಶೇರ್ ಕ್ಯಾಬ್ ಗಳ ಸೇವೆ ಸದ್ಯದಲ್ಲೇ ಸ್ಥಗಿತಗೊಳ್ಳುವ ಲಕ್ಷಣಗಳಿವೆ.

Subscribe to Oneindia Kannada

ಬೆಂಗಳೂರು, ಜನವರಿ 27: ಪ್ರಮುಖ ಕ್ಯಾಬ್ ಸರ್ವಿಸ್ ಕಂಪೆನಿಗಳಾದ ಓಲಾ ಮತ್ತು ಉಬರ್ ತಮ್ಮ 'ಶೇರ್' ಸೇವೆಯನ್ನು ಸದ್ಯದಲ್ಲೇ ಸ್ಥಗಿತಗೊಳಿಸುವ ಸಾಧ್ಯತೆ ಇದೆ.

ಕರ್ನಾಟಕ ರಾಜ್ಯ ಸಾರಿಗೆ ಆಯುಕ್ತರು ಶೇರ್ ಸೇವೆಯನ್ನು ಕಾನೂನು ಬಾಹಿರ ಎಂದು ಪರಿಗಣಿಸಿರುವುದರಿಂದ ಈ ನಿರ್ಧಾರಕ್ಕೆ ಮುಂದಾಗುವ ಸಾಧ್ಯತೆ ಇದೆ. ಇದು ಎರಡೂ ಕಂಪೆನಿಗಳ ಆದಾಯದ ಮೇಲೆ ಪ್ರಮುಖ ಹೊಡೆತ ನೀಡಲಿದೆ. ಅಲ್ಲದೆ ಶೇರ್ ಸೇವೆ ಅವಲಂಬಿಸಿರುವ ಜನರಿಗೂ ಇದರಿಂದ ತೊಂದರೆಯಾಗಲಿದೆ. [ಓಲಾ, ಉಬರ್ ವಿರುದ್ಧ ಚಾಲಕರ ಪ್ರತಿಭಟನೆ]

Ola Share, UberPool May Stop Soon

ಕರ್ನಾಟಕ ಸಾರಿಗೆ ಇಲಾಖೆಯ ಸಾರಿಗೆ ಪರ್ಮಿಟ್ ನಿಯಮದ ಪ್ರಕಾರ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಡ್ರಾಪ್ ಕೊಡಲು ಮಾತ್ರ ಕ್ಯಾಬ್ ಗಳಿಗೆ ಅವಕಾಶ ಇದೆ. ದಾರಿ ಮಧ್ಯದಲ್ಲಿ ಪ್ರಯಾಣಿಕರನ್ನು ಇಳಿಸಲು ಅವಕಾಶ ಇಲ್ಲ. ಈ ರೀತಿ ಎಲ್ಲೆಂದರಲ್ಲಿ ಪಿಕ್ ಅಪ್ ಮಾಡಿ ಪ್ರತ್ಯೇಕವಾಗಿ ಪ್ರಯಾಣಿಕರನ್ನು ಇಳಿಸುವ ಅವಕಾಶ ಬಿಎಂಟಿಸಿಗೆ ಮಾತ್ರ ನೀಡಲಾಗಿದೆ. [ಹುಬ್ಬಳ್ಳಿ ಸೇರಿ 75 ನಗರಗಳಿಗೆ ಓಲಾ ಕ್ಯಾಬ್ ವಿಸ್ತರಣೆ]

ಬುಧವಾರ ಸಾರಿಗೆ ಆಯುಕ್ತ ಎಂ.ಕೆ ಅಯ್ಯಪ್ಪ, ಓಲಾ ಹಾಗೂ ಉಬರ್ ಪ್ರತಿನಿಧಿಗಳು ಮತ್ತು ಚಾಲಕರ ಸಭೆ ನಡೆಸಿದ್ದಾರೆ. ಓಲಾ ಮತ್ತು ಉಬರ್ ವಿರುದ್ಧ ಪ್ರತಿಭಟನೆ ನಡೆಸುವ ಚಾಲಕರಿಗಾಗಿ ಈ ಸಭೆ ಕರೆದಿದ್ದರು. ಈ ಸಭೆಯಲ್ಲಿ ಈ ವಿಷಯವನ್ನು ಅವರೆಲ್ಲರ ಗಮನಕ್ಕೆ ತರಲಾಗಿದೆ.

ಮತ್ತೊಮ್ಮೆ ಚಾಲಕರು ಮತ್ತು ಕಂಪೆನಿಗಳ ಪ್ರತನಿಧಿಗಳ ಸಭೆಯನ್ನು ಅಯ್ಯಪ್ಪ ಸೋಮವಾರ ಕರೆದಿದ್ದಾರೆ. ಈ ಸಭೆಯಲ್ಲಿ ಶೇರಿಂಗ್ ಸೇವೆಯ ಭವಿಷ್ಯ ನಿರ್ಧಾರವಾಗಲಿದೆ.

ಈ ಕುರಿತು ಉಬರ್ ಪ್ರತಿಕ್ರಿಯೆ ನೀಡಿದ್ದು ನಮ್ಮ ಸೇವೆ ಕಾನೂನಿನ ಪರಿಮಿತಿಯಲ್ಲೇ ಇದೆ. ಸರಕಾರಕ್ಕೆ ನಾವಿದನ್ನು ಮನವರಿಕೆ ಮಾಡಿಕೊಡುತ್ತೇವೆ ಎಂದು ಹೇಳಿದೆ.

English summary
After the state transport commissioner deemed Ola and Uber’s ride-sharing services are illegal, they may have to stop the service soon.
Please Wait while comments are loading...