ನಂದಿ ಬೆಟ್ಟದಡಿ 6 ಕಿಮೀ ಓಡಿ, ತಾಣ ಉಳಿವಿಗೆ ನೆರವು ನೀಡಿ

ಬೆಂಗಳೂರು, ಮೇ 31: "ನಂದಿ ಹಿಲ್ಲಥಾನ್" ಆಯೋಜಿಸಿರುವ ಯುನೈಡೆಡ್ ವೇ ಬೆಂಗಳೂರು ಮತ್ತೊಂದು ಹೆಜ್ಜೆ ಮುಂದಕ್ಕೆ ಹೋಗಿ ನಾಗರಿಕರಿಗೆ ಭಾಗವಹಿಸಲು ಮುಕ್ತ ಅವಕಾಶ ತೆರೆದಿಟ್ಟಿದ್ದು 'ನಂದಿ ಓಟ' ಆಯೋಜಿಸಿದೆ.

ನಂದಿ ಹಿಲ್ಲಥಾನ್ 21 ಕಿಮೀಯದ್ದಾಗಿದ್ದರೆ ನಂದಿ ಓಟ 6 ಕಿಲೋ ಮೀಟರ್ ನದ್ದು. ಇದಕ್ಕೆ ಕೇವಲ 100 ರು. ಶುಲ್ಕ ಇರಲಿದೆ. ನಂದಿ ಹಿಲ್ಲಥಾನ್ ಗೆ 500 ರು. ಶುಲ್ಕ ಇದೆ. ನಂದಿ ಬೆಟ್ಟದ ಸಹಜ ಸೌಂದರ್ಯ ಕಾಪಾಡುವುದಕ್ಕೂ ನೀವು ನೆರವು ನೀಡಬಹುದು. [ನಂದಿ ಹಿಲ್ಲಥಾನ್ : ಯಾಕಾಗಿ? ಏನಿದರ ಮಹತ್ವ?]

ಸುತ್ತಮುತ್ತಲ 14 ಹಳ್ಳಿಯ 200 ಯುವಕರು ಭಾಗವಹಿಸಲಿದ್ದಾರೆ. ಯುವತಿಯರಿಗೆ ನೋಂದಣಿ ಶುಲ್ಕ ಸಹ ಇಲ್ಲ. ನಂದಿ ಓಟ ಕಣಿವೆ ಬಸವೇಶ್ವರ ದೇವಾಲಯದಿಂದ ಆರಂಭವಾಗಲಿದ್ದು ಭೋಗನಂದೀಶ್ವರ ದೇವಾಲಯದವರೆಗೆ ಸಾಗಿ ಕೊನೆಯಾಗಲಿದೆ. ಒಟ್ಟು ಆರು ಕಿಮೀ ದೂರದ ಓಟ ನಡೆಯಲಿದೆ.[ಬುಗುರಿ, ಗೋಲಿ, ಗಿಲ್ಲಿದಾಂಡು ಆಡುತ್ತ ಮ್ಯಾರಥಾನ್ ಓಡಿ]

ಕರೇಹಳ್ಳಿ, ಕರೇಹಳ್ಳಿ ಕ್ರಾಸ್, ಹೆಗ್ಗಡೆಹಳ್ಳಿ, ಸರಹಳ್ಳಿ, ಕುಡುವತ್ತಿ, ಯಲ್ಲೇಹಳ್ಳಿ, ನಂದಿ, ಸುಲ್ತಾನ್ ಪೇಟ್, ಮಡಗೇನಹಳ್ಳಿ, ಸಿಂಗವಾರಾ, ಹೀರೇನಹಳ್ಳಿ ಮತ್ತು ಚಿಕ್ಕಬಳ್ಳಾಪುರ ನಗರದ ನಾಗರಿಕರು ನೋಂದಣಿ ಮಾಡಿಕೊಳ್ಳಲು ಸಾಧ್ಯವಿದೆ. ಹೆಚ್ಚಿನ ಮಾಹಿತಿಗೆ
www.nandihillathon.in ತಾಣಕ್ಕೆ ಭೇಟಿ ನೀಡಬಹುದು. ಸಂಪರ್ಕ: David Kumar-9449787912.

ಯಾವಾಗ ಮ್ಯಾರಥಾನ್:
"ನಂದಿ ಹಿಲ್ಲಥಾನ್ " ಜೂನ್ 12 ಭಾನುವಾರ ನಡೆಯಲಿದೆ. ಪರಿಸರ ಸಮತೋಲನ, ಜಾಗೃತಿ, ಕಸ ವಿಲೇವಾರಿ, ಸುಂದರ ರಸ್ತೆಗಳು ಎಂಬ ಪರಿಕಲ್ಪನೆ ಆಧಾರದಲ್ಲಿ ಮ್ಯಾರಥಾನ್ ನಡೆಯಲಿದೆ. [ನಂದಿ ಬೆಟ್ಟ ಉಳಿಸಲು ಮ್ಯಾರಥಾನ್ ನಲ್ಲಿ ಭಾಗವಹಿಸಿ]

ಜೂನ್ 12 ರಂದು 7 ಗಂಟೆಗೆ ಮ್ಯಾರಥಾನ್, 8 ಗಂಟೆಗೆ ವಾಕಥಾನ್ ಮತ್ತು 8 ರಿಂದ 11 ಗಂಟೆ ನಡುವೆ ಫ್ಯಾಮಿಲಿ ಫನ್ ಝೋನ್ ಕಾರ್ಯಕ್ರಮ ನಡೆಯಲಿದೆ. ಎರಡು ಓಟದ ಸ್ಪರ್ಧೆ ಮತ್ತು ಒಂದು ಫನ್ ರೇಸ್ ಮ್ಯಾರಥಾನ್ ನ ವಿಶೇಷ. ಸುಲ್ತಾನ ಪೇಟ್ ಸಮೀಪದ ಕಣಿವೆ ನಂದೀಶ್ವರ ದೇವಾಲಯದ ಸಮೀಪದ ಡಿಸ್ಕವರಿ ವಿಲೇಜ್ ಬಳಿಯಿಂದ ಮ್ಯಾರಥಾನ್ ಆರಂಭವಾಗಲಿದೆ. 21 ಕಿಮೀ ವ್ಯಾಪ್ತಿಯಲ್ಲಿ ಮ್ಯಾರಥಾನ್ ನಡೆಯಲಿದೆ.

English summary

More than 200 youth residing in 14 villages near Nandi Hills will be participating in Nandi Hillathon, a unique event organised by United Way Bengaluru to save Bengaluru's treasures. Unlike other Marathons, United Way Bengaluru has opened a new category called "Nandi Oata" for an inclusive participation of the local youth.