ಕರ್ನಾಟಕದ ಹುಡುಗಿಗೆ ಸಂತೂರ್ ಫೆಮಿನಾ ಸೌತ್ ಪ್ರಶಸ್ತಿ

ಉದ್ಯಾನ ನಗರಿಯಲ್ಲಿ ಮಾರ್ಚ್ 18ರಂದು ಖಾಸಗಿ ಹೋಟೆಲೊಂದರಲ್ಲಿ ನಡೆದಿದ್ದ ಸಂತೂರ್ ಫೆಮಿನಾ ಸ್ಟೈಲ್ ದಿವಾ ಸೌತ್ ಸೌಂದರ್ಯ ಸ್ಪರ್ಧೆ

ಬೆಂಗಳೂರು, ಮಾರ್ಚ್ 20: ಉದ್ಯಾನ ನಗರಿಯಲ್ಲಿ ಇತ್ತೀಚೆಗೆ ನಡೆದ ಸಂತೂರ್ ಫೆಮಿನಾ ಸ್ಟೈಲ್ ದಿವಾ ಸೌತ್ ಸೌಂದರ್ಯ ಸ್ಪರ್ಧೆಯಲ್ಲಿ, ಮಣಿಪಾಲ್ ನ ಆಶ್ನಾ ಗರವ್ ಅವರು ಈ ವರ್ಷದ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಇದೇ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದ ಭಾವನಾ ಶ್ರೀಪಾದ ಅವರು, ಮೊದಲ ರನ್ನರ್ ಅಪ್ ಪ್ರಶಸ್ತಿ ಗಳಿಸಿದರೆ, ಅನೂಖಿಯಾ ಹರೀಶ್ ಅವರು ದ್ವಿತೀಯ ರನ್ನರ್ ಅಪ್ ಪ್ರಶಸ್ತಿಗೆ ಭಾಜನರಾದರು. ಮಾರ್ಚ್ 18ರಂದು ಈ ಸ್ಪರ್ಧೆ ಅಂತಿಮ ಸುತ್ತು ನಡೆಸಲಾಗಿತ್ತು.

ಅಂತಿಮ ಸುತ್ತಿನಲ್ಲಿ 14 ಸ್ಪರ್ಧಾಳುಗಳು ಪಾಲ್ಗೊಂಡಿದ್ದರು. ಕಾರ್ಯಕ್ರಮದ ನಿರೂಪಕಿ ಪಲೋಮಾ ರಾವ್ ಅವರು, ಎಲ್ಲಾ ಸ್ಪರ್ಧಾಳುಗಳನ್ನು ಸ್ಪರ್ಧೆಯ ತೀರ್ಪುಗಾರರಿಗೆ ಒಬ್ಬೊಬ್ಬರಾಗಿ ಪರಿಚಯಿಸಿದರು.

ಎಲ್ಲಾ ಸ್ಪರ್ಧಾಳುಗಳಿಗೂ ಮಿಂಚುವ ವಜ್ರಾಭರಣಗಳನ್ನು ಹಾಕಲಾಗಿತ್ತು. ಈ ವಜ್ರಾಭರಣಗಳನ್ನು ಆಭರಣ್ ಜ್ಯೂವೆಲರ್ಸ್ ಪ್ರಾಯೋಕತ್ವ ನೀಡಿತ್ತು.

ಫೈನಲ್ ನಲ್ಲಿ ಒಟ್ಟು ಮೂರು ಸುತ್ತುಗಳು ನಡೆದವು. ಮೂರನೇ ಹಾಗೂ ಅಂತಿಮ ಸುತ್ತಿನಲ್ಲಿ ಮಿರ ಮಿರನೆ ಮಿಂಚುವ ಆಕರ್ಷಕ ಗೌನ್ ಗಳನ್ನು ಧರಿಸಿದ್ದ ಸುಂದರಿಯರು, ತಮ್ಮ ಸೌಂದರ್ಯವನ್ನು ನೂರು ಪಟ್ಟು ಹೆಚ್ಚಾಗಿ ಬಿಂಬಿಸುವಂತೆ ಕಂಗೊಳಿಸಿದರು.

ಫೈನಲ್ ನ ಅಂತಿಮ ಸುತ್ತಿನಲ್ಲಿ ಎಲ್ಲಾ ಸ್ಪರ್ಧಾಳುಗಳು ಅತ್ಯುತ್ತಮವಾಗಿ ಪ್ರದರ್ಶನ ನೀಡಿ, ತೀರ್ಪುಗಾರರೇ ಸೂಕ್ತ ತೀರ್ಪು ನೀಡುವಲ್ಲಿ ಕೊಂಚ ಗೊಂದಲಕ್ಕೀಡಾಗುವಂತೆ ಮಾಡಿದರು.

ಆದರೆ, ಅಂತಿಮ ಹಂತದಲ್ಲಿ ಮಣಿಪಾಲ್ ನ ಆಶ್ನಾ ಗೌರವ್ ಅವನ್ನು ತೀರ್ಪುಗಾರರು ಪ್ರಶಸ್ತಿಗೆ ಆಯ್ಕೆ ಮಾಡಿದರು. ಆಶ್ನಾ ಆಯ್ಕೆಯಾಗುತ್ತಲೇ ಸಮಾರಂಭದಲ್ಲಿದ್ದ ಪ್ರೇಕ್ಷಕರ ಚಪ್ಪಾಳೆ ಮುಗಿಲು ಮುಟ್ಟಿತ್ತು.

ಅಂದಹಾಗೆ, ಈ ಸಮಾರಂಭಕ್ಕೆ ಕನ್ನಡ ಹಾಗೂ ಹಿಂದಿ ಚಿತ್ರರಂಗದ ಸಿನಿಮಾ ತಾರೆಯರು ಆಗಮಿಸಿ, ಈ ಸ್ಪರ್ಧೆಯು ಮತ್ತಷ್ಟು ಕಳೆಗಟ್ಟುವಂತೆ ಮಾಡಿದ್ದರು. ಹಿಂದಿ ಸಿನಿಮಾ ತಾರೆಯಲ್ಲಿ ಮಿಂಚಿನಂತೆ ಕಂಡಿದ್ದು ಅದಾ ಶರ್ಮಾ.

ಇನ್ನು, ಸಮಾರಂಭದಲ್ಲಿ ಭಾಗವಹಿಸಿದ್ದ ಕನ್ನಡ ಕಲಾವಿದೆಯರಲ್ಲಿ ಕಣ್ಣಿಗೆ ಕಂಡಿದ್ದು ಇತ್ತೀಚೆಗಷ್ಟೇ ತೆರೆ ಕಂಡಿದ್ದ 'ಕಿರಿಕ್ ಪಾರ್ಟಿ' ಚಿತ್ರದ ನಟಿ ರಶ್ಮಿಕಾ ಮಂದಾನಾ.

English summary

Manipal Girl Ashna Gurav wins this year’s Femina Style Diva South award, in recently concluded beauty competition in Bengaluru. The first and second runners up at the style-based pageant were Bhavana Sreepad and Anookiya Harish.