ರೇಸ್ ಕೋರ್ಸ್ ನಲ್ಲಿ ನಾಳೆ ಪ್ರತಿಷ್ಠಿತ ಕಿಂಗ್ ಫಿಶರ್ ಡರ್ಬಿ

Posted By:
Subscribe to Oneindia Kannada

ಬೆಂಗಳೂರು, ಜುಲೈ 14: ಪ್ರತಿಷ್ಠಿತ ಕಿಂಗ್ ಫಿಶರ್ ಡರ್ಬಿ ರೇಸ್ ಈ ಬಾರಿ ಜುಲೈ 16ರಂದು ನಡೆಯಲಿದೆ. ನಗರದ ಜೆ.ಡಬ್ಲ್ಯೂ ಮ್ಯಾರಿಯಟ್ ಹೋಟೆಲ್ ನಲ್ಲಿ ಶುಕ್ರವಾರ (ಜುಲೈ 14) ಸಂಜೆ ರೇಸ್ ನ ಆಯ್ಕೆಗಳನ್ನು ಡ್ರಾ ಮೂಲಕ ನಡೆಸಲಾಯಿತು.

ಸಮಾರಂಭಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ಗುಲ್ ಪನಾಗ್, ಈ ಬಾರಿಯ ರೇಸ್ ವಿಜೇತರಿಗೆ ವಿತರಿಸಲಾಗುವ ಟ್ರೋಫಿ ಅನಾವರಣಗೊಳಿಸಿದರು.

King Fisher Derby on July 15 at Bengaluru race course

ಉದ್ಯಮಿ ವಿಜಯ್ ಮಲ್ಯ ಒಡೆತನ ಎರಡು ಕುದುರೆಗಳು ಈ ಬಾರಿಯ ರೇಸ್ ನಲ್ಲಿ ಪಾಲ್ಗೊಳ್ಳುತ್ತಿವೆ. ಸದ್ಯದ ಮಟ್ಟಿಗೆ ಬಹುಮಾನಗಳ ಒಟ್ಟು ಮೊತ್ತ 2 ಕೋಟಿ 67 ಲಕ್ಷ ರು.ಗಳ ಬಹುಮಾನ ಘೋಷಿಸಲಾಗಿದೆ. ಆದರೆ, ಪ್ರಾಯೋಜಕರು ಬಹುಮಾನ ಮೊತ್ತ ಹೆಚ್ಚಳಕ್ಕೆ ಹೆಚ್ಚೆಚ್ಚು ಆಸಕ್ತಿ ವಹಿಸುತ್ತಿರುವುದರಿಂದ ಬಹುಮಾನ ಮೊತ್ತ ಹೆಚ್ಚಾಗುವ ಸಾಧ್ಯತೆಗಳಿವೆ.

ವಿಜೇತ ಕುದುರೆ ಮಾಲೀಕರಿಗೆ 3 ಲಕ್ಷ ರು. ಮೌಲ್ಯದ ಟ್ರೋಫಿ, 1 ಕೋಟಿ 31 ಲಕ್ಷ ರು. ನಗದು ನೀಡಲಾಗುವುದು. ಅಂದಹಾಗೆ, ಈ ಬಾರಿಯ ರೇಸ್ ನಲ್ಲಿ 8ನೇ ಸ್ಥಾನದಿಂದ ರೇಸ್ ಗೆ ಧುಮುಕಲಿರುವ ಹೋಪ್ ಈಸ್ ಇಟರ್ನಲ್ ಕುದುರೆಯು ರೇಸ್ ಗೆಲ್ಲುವ ಸಾಧ್ಯತೆಯಿದೆ ಎಂದು 'ದ ಬೆಂಗಳೂರು ಟರ್ಫ್ ಕ್ಲಬ್' ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ಸಂದರ್ಭದಲ್ಲಿ ಯುನೈಟೆಡ್ ಬ್ರೂವರೀಸ್ ಸಂಸ್ಥೆಯ ಮಾರುಕಟ್ಟೆ ವಿಭಾಗದ ಹಿರಿಯ ಉಪಾಧ್ಯಕ್ಷ ಸಮರ್ ಸಿಂಗ್ ಶೇಖಾವತ್, ಬೆಂಗಳೂರು ಟರ್ಫ್ ಕ್ಲಬ್ ನ ಅಧ್ಯಕ್ಷ ವೈ. ಜಗನ್ನಾಥ್ ಹಾಜರಿದ್ದರು.

English summary
The Bengaluru Turf club is getting ready for this year's King Fisher Derby race. This time, the winner will get a trophy of about Rs. 3 lakh value and whopping prize money of Rs. 1 crore 31 lakhs.
Please Wait while comments are loading...