ಭಾರತದ ಮಗಳು ವಿಡಿಯೋ ಯೂಟ್ಯೂಬಿನಲ್ಲಿ 'ಹಿಟ್'
ನವದೆಹಲಿ, ಮಾ.9: ದೆಹಲಿಯಲ್ಲಿ ನಡೆದ ಪ್ಯಾರಮೆಡಿಕಲ್ ವಿದ್ಯಾರ್ಥಿನಿ ಮೇಲಿನ ಸಾಮೂಹಿಕ ಅತ್ಯಾಚಾರ ಕುರಿತಂತೆ ಬ್ರಿಟನ್ ಮೂಲದ ಲೆಸ್ಲೀ ಉಡ್ವಿನ್ ಅವರು ಸಾಕ್ಷ್ಯಚಿತ್ರ ನಿರ್ಮಿಸಿರುವುದು ಎಲ್ಲರಿಗೂ ಗೊತ್ತೇ ಇದೆ. ಈ ವಿಡಿಯೋ ಪ್ರಸಾರಕ್ಕೆ ಭಾರತದಲ್ಲಿ ನಿಷೇಧ ಹೇರಲಾಗಿದೆ. ಅದರೆ, ಆನ್ ಲೈನ್ ವಿಡಿಯೋ ಶೇರಿಂಗ್ ಜಾಲತಾಣಗಳಲ್ಲಿ ಈ ವಿಡಿಯೋ ಅತಿ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ.
ಭಾರತದಲ್ಲಿ ವಿಡಿಯೋಕ್ಕೆ ನಿಷೇಧ ಹೇರಿರುವುದು ಕಳಕಳಿಯಿಂದಲೋ ಅಥವಾ ಸೆನ್ಸಾರ್ ಶಿಪ್ ನಿಯಮಗಳಿಂದಲೋ ಗೊತ್ತಿಲ್ಲ. ಅದರೆ, ಭಾರತದ ಕ್ರಮದ ವಿರುದ್ಧ ಲೆಸ್ಲೀ ಕಿಡಿ ಕಾರಿದ್ದಾರೆ.
ಡಿ.16,
2012ರಂದು
23
ವರ್ಷ
ವಯಸ್ಸಿನ
ಮಹಿಳೆ
ಮೇಲೆ
ನಡೆದ
ಸಾಮೂಹಿಕ
ಅತ್ಯಾಚಾರ
ಕುರಿತಂತೆ
ತಯಾರಾಗಿರುವ
ಇಂಡಿಯಾಸ್
ಡಾಟರ್
ಡಾಕ್ಯುಮೆಂಟರಿಯಲ್ಲಿ
ಆರೋಪಿ
ಮುಕೇಶ್
ಸಿಂಗ್
ನೀಡಿರುವ
ಹೇಳಿಕೆ,
ವಕೀಲರು
ಆಡಿರುವ
ಮಾತುಗಳು
ಚರ್ಚಾಸ್ಪದವಾಗಿದೆ.
ನಿಷೇಧ ಎಲ್ಲಿ?: ನಿಷೇಧಗೊಂಡ ಮೇಲೂ ವಿಡಿಯೋ ಯೂಟ್ಯೂಬ್ ನಲ್ಲಿ ಲಭ್ಯವಿದೆ. ಯುಟ್ಯೂಬ್ ನಿಂದ ವಿಡಿಯೋ ತೆಗೆಯುವಂತೆ ಬಿಬಿಸಿ ಮನವಿ ಸಲ್ಲಿಸಿರುವ ಸುದ್ದಿ ಸಿಕ್ಕಿದೆ. ಅದರೆ, ಸದ್ಯಕ್ಕೆ ಭಾರತದಲ್ಲಿ ವಿಡಿಯೋ ಪ್ರಸಾರ ಸಾಧ್ಯವಿಲ್ಲ. ಯುಟ್ಯೂಬಿನಿಂದ ವಿಡಿಯೋ ಪ್ರಸಾರ ಸ್ಥಗಿತಗೊಂಡಿದೆ. ಭಾರತ ಹೊರತುಪಡಿಸಿ ಇನ್ನಿತರ ದೇಶಗಳಲ್ಲಿ ವಿಡಿಯೋ ಪ್ರಸಾರಕ್ಕೆ ಬಿಬಿಸಿ ಸಿದ್ದವಾಗಿರುವ ಸುದ್ದಿಯೂ ಇದೆ.
ಇದಕ್ಕೂ ಮೊದಲು ಯೂಟ್ಯೂಬಿನಲ್ಲೇ ಇಂಡಿಯಾಸ್ ಡಾಟರ್ ವಿಡಿಯೋನ ಎರಡು ಆವೃತ್ತಿಗಳು ಪೈಪೋಟಿಗೆ ಬಿದ್ದಂತೆ ಲಕ್ಷಾಂತರ ಬಾರಿ ವೀಕ್ಷಣೆ ಕಂಡಿದೆ.
ದಿ ರಿಯಲ್ ಫಿಯರ್ ಲೆಸ್ ಇಂಡಿಯನ್ ಎಂಬ ಖಾತೆಯಿಂದ ಅಪ್ ಲೋಡ್ ಆಗಿರುವ ವಿಡಿಯೋ ಸುಮಾರು 1,550,144 ವೀಕ್ಷಣೆ ಪಡೆದುಕೊಂಡಿದೆ. 11 ಸಾವಿರ ಜನ ಲೈಕ್ ಹಾಗೂ 1 ಸಾವಿರ ಬಾರಿ ಇಷ್ಟವಾಗಿಲ್ಲ ಎಂಬ ಬಟನ್ ಒತ್ತಿದ್ದಾರೆ. ಮತ್ತೊಂದು ವಿಡಿಯೋ 26 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದೆ.
ಭಾರತ ಸರ್ಕಾರ ಹಾಗೂ ಬಿಬಿಸಿ ನಡುವಿನ ಕಾಪಿರೈಟ್ ಹಾಗೂ ನಿಷೇಧ ಸಮರ ನಡೆದಿರುವ ಸಂದರ್ಭದಲ್ಲೇ ಭಾರತೀಯ ನಿವಾಸಿಗಳು ಸೇರಿದಂತೆ ಅನಿವಾಸಿ ಭಾರತೀಯರು ವಿಡಿಯೋ ಹಂಚಿ ತಮ್ಮ ಅಭಿಪ್ರಾಯಗಳನ್ನು ಮಂಡಿಸುತ್ತಿದ್ದಾರೆ. ಇದಕ್ಕೆ ಯಾವ ಸೆನ್ಸಾರ್ ಶಿಪ್ ಇಲ್ಲ.