ಅತ್ಯಾಚಾರ ಆರೋಪಿಗಳ ಜಾಮೀನಿಗೆ ಹೈ ನಕಾರ

ಬೆಂಗಳೂರು, ಡಿ. 3: ಅತ್ಯಾಚಾರ ಎಸಗಿದ ಆರೋಪ ಎದುರಿಸುತ್ತಿರುವ ಇಬ್ಬರು ಆರೋಪಿಗಳಿಗೆ ಜಾಮೀನು ನೀಡಲು ಹೈಕೋರ್ಟ್ ನಿರಾಕರಿಸಿದೆ.

ಇದೇ ವರ್ಷ ಜುಲೈ 11ರಂದು ಮಧ್ಯರಾತ್ರಿ ಫ್ರೇಜರ್ ಟೌನ್‌ನ ಕಾಲೇಜು ಯುವತಿಯನ್ನು ಅಪಹರಿಸಲಾಗಿತ್ತು. ನಂತರ ಕಾರಿನಲ್ಲಿ ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಲಾಗಿತ್ತು. [ಇನ್ಸ್ ಪೆಕ್ಟರ್ ಮೇಲೆ ಎಫ್ ಐಆರ್ ದಾಖಲು]

ಈ ಕುರಿತು ಯುವತಿ ಪೊಲೀಸರಿಗೆ ದೂರು ನೀಡಿದ ನಂತರ ಆರೋಪಿಗಳಾದ ಶೋಯೆಬ್ ಶೇಖ ಕಲ್ಫಿನ್ ಮತ್ತು ಮೊಹಮ್ಮದ್ ಹಫೀಜ್ ಎಂಬುವರನ್ನು ಬಂಧಿಸಲಾಗಿತ್ತು. [ಚಲಿಸುವ ಕಾರಿನಲ್ಲಿ ರೇಪ್]

ಜಾಮೀನು ನೀಡಲು ಕೋರಿ ಅವರು ಹೈ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು. ಮಂಗಳವಾರ ಈ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಎ.ಎಸ್. ಪಚ್ಚಾಪುರೆ ಅವರಿದ್ದ ಏಕಸದಸ್ಯ ಪೀಠ ವಜಾಗೊಳಿಸಿ ಆದೇಶ ನೀಡಿದೆ.

English summary

High Court declined to give bail to two rape accused. Both were accused that they have raped a girl in car after kidnap.