ಬೆಂಗಳೂರಲ್ಲಿ ಮಾದಕ ವಸ್ತು ಮಾರುತ್ತಿದ್ದ ಮೂವರ ಬಂಧನ

ಬೆಂಗಳೂರು, ಜ. 29: ನಗರದ ಕೋರಮಂಗಲ 2ನೇ ಬ್ಲಾಕ್‌ನಲ್ಲಿ ನೂರ್ ಮಸೀದಿ ಬಳಿ ಸಾರ್ವಜನಿಕರಿಗೆ ಮಾದಕ ವಸ್ತು ಮಾರುತ್ತಿದ್ದ ಆರೋಪದ ಮೇಲೆ ಮೂವರು ಯುವಕರನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದಾರೆ.

ಆರೋಪಿಗಳು ಮೆಥಾಂಫೆಟಮೈನ್ ಎಂಬ ಮಾದಕ ವಸ್ತುವನ್ನು ಗಿರಾಕಿಗಳಿಗೆ ಮಾರುತ್ತಿದ್ದರು. ಈ ಕುರಿತು ಬಂದ ಖಚಿತ ಮಾಹಿತಿಯ ಮೇರೆಗೆ ಪೊಲೀಸರು ದಾಳಿ ನಡೆಸಿ ಆರೋಪಿಗಳನ್ನು ಮಾಲು ಸಮೇತ ಬಂಧಿಸಲಾಗಿದೆ ಎಂದು ಬೆಂಗಳೂರು ಪೊಲೀಸರು ತಿಳಿಸಿದ್ದಾರೆ. [ಅಸ್ಸಾಂ ದಾಳಿಯ ಸೂತ್ರದಾರ ಸಂಜು ಅರೆಸ್ಟ್]

ನದೀಂ ಸಲೀಂ ಸೊರಾಟಿಯಾ (26), ಮಹಮ್ಮದ್ ಆರೀಫ್ (28) ಹಾಗೂ ಸೈಯದ್ ಇನಾಯತ್ ಬಿನ್ (26) ಬಂಧಿತ ಆರೋಪಿಗಳು. ಅವರಿಂದ ಒಟ್ಟು 85 ಗ್ರಾಂ ಮೆಥ್ ಮಾದಕ ವಸ್ತು ಹಾಗೂ ಒಂದು ಮೊಬೈಲ್ ಮಾದರಿಯ ಇಲೆಕ್ಟ್ರಾನಿಕ್ ವಸ್ತು ವಶಪಡಿಸಿಕೊಳ್ಳಲಾಗಿದೆ. [ಶಂಕಿತ ಐಎಸ್ಐ ಏಜೆಂಟ್ ಬಂಧನ]

ಆರೋಪಿಗಳು ಮಾದಕ ವಸ್ತುವನ್ನು ಮುಂಬೈನಿಂದ ಬೆಂಗಳೂರಿಗೆ ತಂದು ಕಾಲೇಜು ವಿದ್ಯಾರ್ಥಿಗಳು ಹಾಗೂ ಐಟಿ ಉದ್ಯೋಗಿಗಳಿಗೆ 2,500 ರು.ಗಳಿಗೆ 1 ಗ್ರಾಂ. ನಂತೆ ಮಾರುತ್ತಿದ್ದರು. ಬಂಧಿತರಿಂದ 2,12,500 ರು. ಬೆಲೆಯ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಮಡಿವಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

English summary

Bengaluru police arrested three youths for selling drugs to college students and it employees.