ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಆಟೋ ದರದಲ್ಲಿ ಮತ್ತೆ ಏರಿಕೆ: ಡಿಸೆಂಬರ್ 20ರಿಂದ ಹೊಸ ದರ

|
Google Oneindia Kannada News

ಬೆಂಗಳೂರು, ಡಿ 17: ಬೆಂಗಳೂರು ನಗರ ವ್ಯಾಪ್ತಿಗೆ ಮಾತ್ರ ಅನ್ವಯಿಸುವಂತೆ ಆಟೋ ಪ್ರಯಾಣದ ದರ ಮತ್ತೆ ಏರಿಕೆಯಾಗಿದೆ. ಡಿಸೆಂಬರ್ 20, 2013ರಿಂದ ಪರಿಷ್ಕೃತ ಆಟೋ ದರ ಜಾರಿಗೆ ಬರಲಿದೆ.

ಕನಿಷ್ಠ ದರವನ್ನು ಈಗಿನ 20 ರೂಪಾಯಿಂದ 25 ರೂಪಾಯಿಗೆ ಹೆಚ್ಚಿಸಲಾಗಿದೆ. ಹಾಗೆಯೇ, ಕಿಲೋಮೀಟರ್ ದರವನ್ನು ಈಗಿನ 11 ರೂಪಾಯಿಂದ 13 ರೂಪಾಯಿಗೆ ಏರಿಸಲಾಗಿದೆ. ಕಳೆದ ವರ್ಷ ಮಾರ್ಚ್ ಹನ್ನೆರಡರಂದು ಆಟೋ ದರವನ್ನು ಏರಿಸಲಾಗಿತ್ತು.

Bangaloe Auto fare increased again with effective from Dec 20

ಕಾಯುವ ಮೊತ್ತವನ್ನು (waiting charge) ಪ್ರತಿ ಗಂಟೆಗೆ ಈಗಿನ ನಾಲ್ಕು ರೂಪಾಯಿಯಿಂದ ಇಪ್ಪತ್ತು ರೂಪಾಯಿಗೆ ಏರಿಕೆ ಮಾಡಲಾಗಿದೆ.

ಆಟೋ ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ ಏರಿಕೆಯಾಗಿದ್ದರಿಂದ ಆಟೋದರವನ್ನು ಏರಿಸಬೇಕೆಂದು ಬೆಂಗಳೂರಿನ ಆಟೋ ಚಾಲಕರ ಸಂಘ ಸರಕಾರದ ಮುಂದೆ ಬೇಡಿಕೆಯನ್ನು ಇಟ್ಟಿತ್ತು.

ಬೆಂಗಳೂರು ಜಿಲ್ಲಾಧಿಕಾರಿ ಜಿ ಸಿ ಪ್ರಕಾಶ್ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಗಿದೆ. ವಿವಿಧ ಆಟೋ ಸಂಘಗಳು ಭಾಗವಹಿಸಿದ್ದ ಈ ಸಭೆಯಲ್ಲಿ ಕಿಲೋಮೀಟರಿಗೆ ಹದಿನೈದು ರೂಪಾಯಿ ನಿಗದಿ ಪಡಿಸುವಂತೆ ಸಂಘಗಳು ಬೇಡಿಕೆ ಇಟ್ಟಿದ್ದವು.

ಆಟೋ ದೂರುಗಳು : ಕರೆದಲ್ಲಿ ಬರದಿದ್ದರೆ, ಹೆಚ್ಚಿಗೆ ಹಣ ಕಿತ್ತುಕೊಂಡರೆ, ಕೆಟ್ಟದಾಗಿ ವರ್ತಿಸಿದರೆ, ಅಪರಿಚರನ್ನು ಹತ್ತಿಸಿಕೊಂಡರೆ, ಸಾರ್ವಜನಿಕರು ಆಟೋರಿಕ್ಷಾದ ನಂಬರ್ ದಾಖಲಿಸಿಕೊಂಡು, ನೇರವಾಗಿ ಮುಂದೆ ನಮೂದಿಸಿರುವ ನಂಬರಿಗೆ ದೂರು ನೀಡಿರಿ - 080-25588444, 080-25588555.

English summary
Auto fare in Bangalore City limit increased again with effective from December 20, 2013. Minimum fare has been increased to Rs. 25/- from Rs. 20/- and per kilometer fare increased to Rs. 13 from Rs. 11.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X