ವಯಸ್ಕರಿಗೆ ಮಾತ್ರ .XXX ಡೊಮೈನ್ ಸೇಲ್
ಕ್ರಿಸ್ ಮಸ್ ಸಮಯದಲ್ಲಿ ವಾರ್ಷಿಕ ಭರ್ಜರಿ ಮಾರಾಟದಂತೆ .xxx ಡೊಮೈನ್ ನೇಮ್ ಕೂಡಾ ಮಾರಾಟಗೊಳ್ಳುವ ನಿರೀಕ್ಷೆಯಿದೆ. ಇಂಟರ್ನೆಟ್ ಕಾರ್ಪೊರೇಷನ್ ಫಾರ್ ಅಸೈನ್ಡ್ ನೇಮ್ಸ್ ಅಂಡ್ ನಂಬರಿಂಗ್ (ICANN) ಒಪ್ಪಿಗೆ ಸಿಕ್ಕ ನಂತರ ಈಗ ಸಾರ್ವಜನಿಕ ಮಾರುಕಟ್ಟೆಯಲ್ಲಿ ಡೊಮೈನ್ ನೇಮ್ ಗಳನ್ನು ಮಾರಾಟಕ್ಕೆ ಬಿಡಲಾಗಿದೆ.
ವಯಸ್ಕರಿಗೆ ಮಾತ್ರ ಎನ್ನಬಹುದಾದ ಸುಮಾರು 250 ಮಿಲಿಯನ್ ಪುಟದಷ್ಟು ವೆಬ್ ಪುಟವನ್ನು ಈಗಾಗಲೇ MetaCert ತಂತ್ರಜ್ಞಾನದ ಮೂಲಕ ಗುರುತಿಸಲಾಗಿದೆ. MetaCert ವೆಬ್ ಬ್ರೌಸರ್ ಬಳಸುವುದರಿಂದ PG(ಪೋಷಕರ ನಿಗಾ) ಆಯ್ಕೆ ಬಳಸಿ ವಯಸ್ಕ ವೆಬ್ ತಾಣ ಹಾಗು ಮಾಹಿತಿಯನ್ನು ತಡೆಗಟ್ಟಬಹುದು ಅಥವಾ ಸಂಪೂರ್ಣವಾಗಿ ಬ್ಲಾಕ್ ಮಾಡಬಹುದು.
.xxx ವಿಸ್ತರಣೆ ವಿವಾದಿತವಾಗಿದೆ.ಆದರೆ ಬಳಕೆದಾರರ ಪ್ರತಿಕ್ರಿಯೆ ಮೇಲೆ ಮುಂದುವರೆಸಲಾಗುವುದು..xxx ಮೂಲಕದ ಪೋರ್ನ್ ಸೈಟ್ ಗಳು ಹರಡುವ malware ತಡೆಗಟ್ಟುವುದು ನಮ್ಮ ಉದ್ದೇಶ ಎಂದು ಐಸಿಎಂ ನೋಂದಣಿ ಸಂಸ್ಥೆಯ ಸಿಇಒ ಸ್ಟುವರ್ಟ್ ಲಾಲ್ಯಿ ಹೇಳಿದ್ದಾರೆ.
ಭಾರತದಲ್ಲಿ ಹೇಗೆ?: ಮಾಹಿತಿ ತಂತ್ರಜ್ಞಾನ ಕಾಯ್ದೆ ಮತ್ತು ಭಾರತೀಯ ದಂಡ ಸಂಹಿತೆಯ ಪ್ರಕಾರ, ಅಶ್ಲೀಲ ವೆಬ್ ಸೈಟುಗಳನ್ನು ನೋಡಲು ಅವಕಾಶವಿದ್ದರೂ ಅಶ್ಲೀಲ ಮಾಹಿತಿಯನ್ನು ರವಾನೆ ಮಾಡುವುದು ಅಪರಾಧ ಮತ್ತು ದಂಡನೀಯ. ಹಾಗಾಗಿ ಇಂಟರ್ ನೆಟ್ ಸೆನ್ಸಾರ್ ಶಿಪ್ ಗೆ ಹೋರಾಟ ನಡೆಸಿರುವ ಕಪಿಲ್ ಸಿಬಲ್ ಆದಿಯಾಗಿ ಸರ್ಕಾರದವರು .xxx ಸೈಟುಗಳಿಗೆ ತಡೆ ಒಡ್ಡುವುದಕ್ಕಿಂತ ಒಪ್ಪಿಕೊಳ್ಳುವುದೇ ಜಾಣತನ ಎಂದು ತಜ್ಞರ ಅಭಿಪ್ರಾಯ.