ಮತದಾರರಿಗೆ ನಮ್ ಸಿದ್ರಾಮಣ್ಣ ಹೇಳಿದ ಬುದ್ದಿಮಾತು

ಲೇ ಕೆಂಚ, ತಿಮ್ಮ, ಸಿದ್ದ ಬನ್ರಲಾ ಒಸಿ ಇತ್ತಾ..

ಏನ್ ಅಣ್ಣಾ.. ಚಡ್ಡಿ ಒಳ್ಗೆ ಚೇಳು ಹೋದಂಗೆ ಬಡ್ಕೊತಾ ಇದ್ದೀಯಾ?

ಲೇ.. ವಿಷ್ಯ ಗೊತ್ತೇನ್ಲಾ.. ನಮ್ಮ ಇರೋಧ ಪಕ್ಷದ ನಾಯಕ ಸಿದ್ರಾಮಣ್ಣ ಬಿದ್ದೋಗಿ ಬಿಟ್ರಂತ್ ಅಲ್ಲೋ ...

ಅಯ್ಯೋ.. ಮಾದೇಶ.. ಯಾಕ್ ಹಿಂಗೆ ಮಾಡ್ಬಿಟ್ಟೆ ನಮ್ ಸಿದ್ದಣ್ಣಂಗೆ

ಅಯ್ಯೋ ಮೂದೇವಿ. ಬಿಡ್ತು ಅನ್ನು. ಬಡ್ಕೊಳ್ಳೊಂತಾದ್ದು ಏನೂ ಆಗಿಲ್ಲ ಬುಡ್ಲಾ..

ಹಂಗಾದ್ರೆ ನಮ್ಮ ಸಿದ್ದಣ್ಣ ಗಟ್ಟಿಮುಟ್ಟಾಗವ್ರೆ.. ಅದಿರ್ಲಿ ಹೆಂಗಾಯ್ತು ಇದೆಲ್ಲಾ..

ಯಾವುದೋ ಪಿರಿವೆಟ್ ಫಂಕ್ಷನ್ ಗೆ ಹೋಗಿದ್ರಾ.. ಗರಿಗರಿ ಪಂಚೆ ಉಟ್ಕೊಂಡು, ಕಣ್ಣಾಗೆ ಒಂದು ಕೂಲಿಂಗ್ಲಾಸ್ ಹಾಕೊಂಡು ನಮ್ಮ ಕನ್ನಡ ಸಿನಿಮಾ ಹೀರೋ ಗಿಂತ ನಾನೇನು ಕಮ್ಮಿ ಅನ್ಕೊಂಡು ಹೋಗ್ತಾ ಇದ್ರಾ.. ಅದು ಯಾರ ದುಶ್ಮನ್ ಗಳ ಕಣ್ಣು ಬಿತ್ತೋ.. ಅಂಗೆ ಬಿದ್ದೊಗ್ ಬಿಟ್ರು..

ಫಂಕ್ಷನ್ ಗೆ ಹೋಗಿದ್ರಾ.. ನಾನೇನು ಬೇರೆ ಏನೋ ಅನ್ಕೊಂಡು ಬಿಟ್ಟೆ..

ಏನ್ಲಾ. ಅನ್ಕೊಂಡೆ.. ಹೇಳ್ಲಾ ನಾಚ್ಕೋ.. ಬೇಡ

ಇಲ್ಲಾ.. ಅದು ಕಮಲ ಪಕ್ಷದ ಸಚಿವರು ಅದೇನೋ ಇಧಾನಸೌಧದಲ್ಲಿ ನೋಡ್ತಾ ಸರಿಯಾಗಿ ಸಿಕ್ಕಾಕೊಂಡ್ರಲ್ಲಾ... ಅಂಗೆ ನಮ್ಮ ಸಿದ್ದಣ್ಣ ಮೊಬೈಲ್ ನಲ್ಲಿ ನೋಡ್ತಾ ನೋಡ್ತಾ.. ಬಿದ್ದೋಗಿ ಬಿಟ್ರೋ ಅನ್ಕೊಂಡೆ..

ಥೂ.. ಬಿಡ್ತೂ ಅನ್ಲಾ.. ಮಾನ ಮರವಾದೆಗೆ ಅಂಜುವವರು ಕಣ್ಲಾ ಅವ್ರು..ಶ್ರೀರಾಮಚಂದ್ರ ಕಣ್ಲಾ ಅವ್ರು

ಹೆಂಗೂ ಈಗ ಕಮಲ ಪಕ್ಷದ ಮಾನ ಹರಾಜಿಗೆ ಹೋಗ ಬಿಟ್ಟೈತೆ ನಮ್ಮ ಸಿದ್ದಣ್ಣ ಈ ಘಟನೆಯನ್ನಾ ಸರಿಯಾಗಿ ತನ್ ದಾಳಕ್ಕೆ ಬಳ್ಸಿ ಕೊಳ್ ಬೇಕಣ್ಣ..

ಹೆಂಗ್ಲಾ.. ಸಾಧ್ಯ ಕಣಲೇ ಅದು ದಡ್ದಾ..

ವೆರಿ ಸಿಂಪಲ್ ಅಣ್ಣಾ.. ನಮ್ಮ ಸಿದ್ರಾಮಣ್ಣ ಒಂದು ಸ್ಟೇಟ್ಮೆಂಟ್ ಒಗಾಯಿಸಿ ಬಿಟ್ರೆ ಸಾಕು..

ಏನೂಂತಾ. ಒಸಿ ಬಿಡ್ಸಿ ಹೇಳಲೇ..

ನಾನು ಇಂದು ಬಿದ್ದೊಗಿದಕ್ಕೆ ಆಡಳಿತ ಪಕ್ಷದವರೇ ಕಾರಣ. ಮುಂದಿನ ಚುನಾವಣೆಯಲ್ಲಿ ಕರ್ನಾಟಕದ ಆರು ಕೋಟಿ ಮತದಾರರು ನಿಮಗೆ ಸರಿಯಾಗಿ ಬುದ್ದಿ ಕಲಿಸ್ತಾರೆ ನೋಡಿ..