ಬೆಳಗಾವಿಯಲ್ಲಿ ಬಿಜೆಪಿ ಕುಂದಾ ಕದ್ದವರು ಯಾರು?

ಬೆಳಗಾವಿ, ಮೇ.12: ಜಿಲ್ಲೆಯಲ್ಲಿ 2008ರಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಹದಿನೆಂಟರಲ್ಲಿ ಬಿಜೆಪಿ ಹನ್ನೊಂದು ಕ್ಷೇತ್ರಗಳನ್ನು ತನ್ನದಾಗಿಸಿಕೊಂಡಿದ್ದರೆ, ಕಾಂಗ್ರೆಸ್ ಉಳಿದ ಏಳು ಕ್ಷೇತ್ರಗಳಲ್ಲಿ ತನ್ನ ಅಧಿಕಾರವನ್ನು ಸ್ಥಾಪಿಸಿತ್ತು. ಆದರೆ, ಈ ಬಾರಿ ಆಗಿದ್ದೆಲ್ಲ ಉಲ್ಟಾ ಪಲ್ಟಾ. ಬಿಜೆಪಿ ಬಾಯಲ್ಲಿದ್ದ ಕುಂದಾವನ್ನು ಕದ್ದವರು ಯಾರು?

ವಿಧಾನಸಭೆಯಲ್ಲಿ ಅಶ್ಲೀಲ ವಿಡಿಯೋ ಕ್ಲಿಪಿಂಗ್ ನೋಡಿ ಸಿಕ್ಕುಬಿದ್ದಿದ್ದ ಲಕ್ಷ್ಮಣ ಸವದಿ ಶೈಕ್ಷಣಿಕವಾಗಿ ಮುಂದಿರುವ ಅಥಣಿ ಕ್ಷೇತ್ರದಿಂದ, ಬೆಳಗಾವಿ ಜಿಲ್ಲೆಯವರು ಮುಖ್ಯಮಂತ್ರಿಯಾಗಬೇಕು ಎಂದು ಮಹತ್ವಾಕಾಂಕ್ಷೆ ಹೊಂದಿರುವ ಉಮೇಶ್ ಕತ್ತಿ ಬಿಜೆಪಿಯಿಂದ, ಯಡಿಯೂರಪ್ಪನವರ ವಿರುದ್ಧ ತೊಡೆತಟ್ಟಿದ್ದ ಬಾಲಚಂದ್ರ ಜಾರಕಿಹೊಳಿ ಅವರು ಅರಭಾವಿ ಕ್ಷೇತ್ರದಿಂದ, ಸಿನೆಮಾ ಕ್ಷೇತ್ರದಲ್ಲಿ ಗೆದ್ದಿರುವ ಆನಂದ ಅಪ್ಪುಗೋಳ್ ಅವರು ಕಿತ್ತೂರು ಕ್ಷೇತ್ರದಿಂದ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದರು.

ಈ ಬಾರಿ ಬಿಜೆಪಿ ಸ್ಥಾನಗಳನ್ನು ಕೆಜೆಪಿ, ಬಿಎಸ್ ಆರ್ ಹಾಗೂ ಪಕ್ಷೇತರರ ಜೊತೆಗೆ ಕಾಂಗ್ರೆಸಿಗೂ ಬಿಟ್ಟುಕೊಟ್ಟಿದೆ. 18 ರ ಪೈಕಿ 8 ಸ್ಥಾನಗಳನ್ನು ಮಾತ್ರ ಬಿಜೆಪಿ ಪಡೆದಿದೆ. ಖಾನಾಪುರ ಕ್ಷೇತ್ರವನ್ನು ಪಕ್ಷೇತರ ಅಭ್ಯರ್ಥಿ ಗೆದ್ದಿದ್ದಲ್ಲದೆ, ಬೆಳಗಾವಿ ಗ್ರಾಮಾಂತರ, ಬೆಳಗಾವಿ ಉತ್ತರ ಹಾಗೂ ರಾಯಭಾಗ ಕ್ಷೇತ್ರದಲ್ಲಿ ಎರಡನೇ ಸ್ಥಾನದಲ್ಲಿ ಪಕ್ಷೇತರರು ಬಂದಿರುವುದು ಪ್ರಮುಖ ಪಕ್ಷಗಳಿಗೆ ತಲೆನೋವು ತಂದಿದೆ.

[ 2013 ಫಲಿತಾಂಶ: ಗೆದ್ದವರು, ಸೋತವರ ವಿವರ]

2013 ರಲ್ಲಿ ಬೆಳಗಾವಿ ದಿಂದ ಆಯ್ಕೆಗೊಂಡ ಶಾಸಕರು ಇವರು:

ಕ್ಷೇತ್ರ	ಗೆದ್ದವರು	ಗಳಿಸಿದ ಮತಗಳು	ಪಕ್ಷ	ಸೋತವರು	ಗಳಿಸಿದ ಮತಗಳು	ಪಕ್ಷ
ನಿಪ್ಪಾಣಿ	ಶಶಿಕಲಾ ಜೊಲ್ಲೆ	81860	ಬಿಜೆಪಿ	ಕಾಕಾಸಾಹೇಬ್ ಪಿ. ಪಾಟೀಲ	63198	ಕಾಂಗ್ರೆಸ್
ಚಿಕ್ಕೋಡಿ	ಪ್ರಕಾಶ್ ಬಾಬಣ್ಣ ಹುಕ್ಕೇರಿ	102237	ಕಾಂಗ್ರೆಸ್	ಸಂಗಪ್ಪಗೊಳ್ ಬಿ. ರುದ್ರಪ್ಪ	25649	ಬಿಜೆಪಿ
ಅಥಣಿ	ಲಕ್ಷ್ಮಣ ಸವದಿ	74299	ಬಿಜೆಪಿ	ಮಹೇಶ್ ಈರನಗೌಡ ಕಮಟಳ್ಳಿ	50528	ಕಾಂಗ್ರೆಸ್
ಕಾಗವಾಡ	ಭರಮಗೌಡ ಎಚ್ ಕಾಗೆ	41784	ಬಿಜೆಪಿ	ಶ್ರೀಮಂತ ಪಾಟೀಲ	38897	ಜೆಡಿಎಸ್
ಕುಡಚಿ (ಎಸ್ ಸಿ)	ಪಿ ರಾಜೀವ್	71057	ಬಿಎಸ್ಆರ್	ಶಾಮ ಭೀಮ ಘಾಟ್ಗೆ	24823	ಕಾಂಗ್ರೆಸ್
ರಾಯಭಾಗ (ಎಸ್ ಸಿ)	ಐಹೊಳೆ ದುರ್ಯೋಧನ	37535	ಬಿಜೆಪಿ	ಪ್ರದೀಪ್ ಕುಮಾರ್ ಮಳಗಿ	36706	ಪಕ್ಷೇತರ
ಹುಕ್ಕೇರಿ	ಉಮೇಶ್ ಕತ್ತಿ	81810	ಬಿಜೆಪಿ	ರವಿ ಬಸವರಾಜ ಕರಾಳೆ	24484	ಕಾಂಗ್ರೆಸ್
ಅರಭಾವಿ	ಬಾಲಚಂದ್ರ ಜಾರಕಿಹೊಳಿ	99283	ಬಿಜೆಪಿ	ರಾಮಪ್ಪ ಕರಿಯಪ್ಪ ಉಟಗಿ	24062	ಕಾಂಗ್ರೆಸ್
ಗೋಕಾಕ್	ರಮೇಶ್ ಜಾರಕಿಹೊಳಿ	79175	ಕಾಂಗ್ರೆಸ್	ಅಶೋಕ್ ಪೂಜಾರಿ	51170	ಜೆಡಿಎಸ್
ಯಮಕನಮರಡಿ (ಎಸ್ ಟಿ)	ಸತೀಶ್ ಜಾರಕಿಹೊಳಿ	70726	ಕಾಂಗ್ರೆಸ್	ಮಾರುತಿ ಮಲ್ಲಪ್ಪ ಅಷ್ಟಗಿ	46376	ಬಿಜೆಪಿ
ಬೆಳಗಾವಿ ಉತ್ತರ	ಫಿರೋಜ್ ನೂರುದ್ದಿನ್ ಸೇಠ್	45125	ಕಾಂಗ್ರೆಸ್	ರೇಣು ಸುಹಾಸ್ ಕಿಲ್ಲೇಕರ	26915	ಪಕ್ಷೇತರ
ಬೆಳಗಾವಿ ದಕ್ಷಿಣ	ಸಂಭಾಜಿ ಲಕ್ಷ್ಮಣ್ ಪಾಟೀಲ್	54426	ಪಕ್ಷೇತರ	ಅಭಯ ಪಾಟೀಲ	48116	ಬಿಜೆಪಿ
ಬೆಳಗಾವಿ ಗ್ರಾಮಾಂತರ	ಸಂಜಯ ಪಾಟೀಲ	38322	ಬಿಜೆಪಿ	ಕಿಣೇಕರ್ ಮನೋಹರ್ ಕಲ್ಲಪ್ಪ	36987	ಪಕ್ಷೇತರ
ಖಾನಾಪುರ	ಪ್ರಹ್ಲಾದ ರೇಮಾನಿ	37055	ಪಕ್ಷೇತರ	ರಫೀಕ ಖಾನಾಪುರಿ	20903	ಕಾಂಗ್ರೆಸ್
ಕಿತ್ತೂರು	ಡಿಬಿ ಇನಾಂದಾರ	53924	ಕಾಂಗ್ರೆಸ್	ಸುರೇಶ್ ಮಾರಿಹಾಳ	35634	ಬಿಜೆಪಿ
ಬೈಲಹೊಂಗಲ	ವಿಶ್ವನಾಥ ಪಾಟೀಲ	40709	ಕೆಜೆಪಿ	ಜಗದೀಶ ಮೆಟಗುಡ್ಡ	37088	ಬಿಜೆಪಿ
ಸವದತ್ತಿ ಯಲ್ಲಮ್ಮ	ವಿಶ್ವನಾಥ ಮಾಮನಿ (ಆನಂದ)	46434	ಬಿಜೆಪಿ	ರವೀಂದ್ರ ಬಿ. ಎಲಿಗಾರ	30392	ಕಾಂಗ್ರೆಸ್
ರಾಮದುರ್ಗ	ಅಶೋಕ್ ಮಹದೇವಪ್ಪ ಪಟ್ಟಣ	42310	ಕಾಂಗ್ರೆಸ್	ಮಹದೇವಪ್ಪ ಯಾದವಾಡ	37326	ಬಿಜೆಪಿ

English summary

Karnataka assembly Election 2013 Belgaum district Results: Get complete information about winners and losers with their constituencies and party. Belgaum has 18 constituencies.