ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ವೃಶ್ಚಿಕ ರಾಶಿ: ಕೆಲಸದ ಮಧ್ಯೆ ಕಳೆದುಹೋಗಿ ನೆಮ್ಮದಿ ಮರೀಬೇಡಿ

|
Google Oneindia Kannada News

ಈ ತಿಂಗಳು ಚುರುಕಾಗಿ ಇರುತ್ತೀರಿ. ಬಾಕಿಯಿರುವ ಕೆಲಸಗಳನ್ನು ಪುರ್ತಿ ಮಾಡುವುದರಲ್ಲಿ ಕಳೆದುಹೋಗ್ತೀರಿ. ಕೆಲಸಗಳೇ ಜಾಸ್ತಿಯಾಗಿ ಮಾನಸಿಕ ನೆಮ್ಮದಿ ಹೋಯ್ತಲ್ಲ ಎಂದು ಚಿಂತಿಸುವಂತಾಗುತ್ತದೆ. ಈಗ ನೀವು ಪಡುವ ಶ್ರಮಕ್ಕೆ ತಕ್ಷಣವೇ ಫಲಿತಾಂಶ ಸಿಕ್ಕಿಬಿಡುವುದಿಲ್ಲ. ಆದರೆ ಭವಿಷ್ಯದಲ್ಲಿ ಅನುಕೂಲವಾಗುತ್ತದೆ ಎಂಬುದನ್ನು ಮಾತ್ರ ಮರೆಯಬೇಡಿ.

ಆರ್ಥಿಕ ಸ್ಥಿತಿ ಗತಿ ಆರಕ್ಕೇರದೆ ಮೂರಕ್ಕಿಳಿಯದಂತೆ ಇರುತ್ತದೆ. ಆದರೆ ನಿಮ್ಮ ಇಮೇಜ್ ಬಗ್ಗೆ ಸ್ವಲ್ಪ ಎಚ್ಚರವಿರಲಿ. ತಿಂಗಳ ಮೊದಲ ಹದಿನೈದು ದಿನ ಎಷ್ಟು ಎಚ್ಚರದಿಂದ ಇದ್ದರೂ ಸಾಲದು. ನಿಮ್ಮ ಮೇಲೆ ಕೆಲವು ಅಪವಾದಗಳು ಬರಬಹುದು. ಸೆ.16ರ ನಂತರ ಒಂದಿಷ್ಟು ಸಕಾರಾತ್ಮಕ ಬದಲಾವಣೆಗಳು ಕಾಣಿಸಿಕೊಳ್ಳುತ್ತವೆ.[ವೃಶ್ಚಿಕ ರಾಶಿಗೆ ಗೋಲ್ಡನ್ ಟೈಮ್, ಕಡೆಗೂ ಬಂದ ಗುರುಬಲ]

Scorpio monthly horoscope in Kannada for September 2016

ವೃತ್ತಿ: ಮೊದಲೇ ತಿಳಿಸಿದ ಹಾಗೆ ವಿಪರೀತ ಕೆಲಸ ಇರುತ್ತದೆ. ವ್ಯವಹಾರಕ್ಕೆ ಸಂಬಂಧಿಸಿದ ಹಾಗೆ ಪ್ರವಾಸ ಮಾಡಬೇಕಾಗುತ್ತದೆ. ಸೀನಿಯರ್ಸ್, ಬಾಸ್ ಜತೆಗೆ ಈ ಹಿಂದೆ ಸಂಬಂಧ ಹಳಸಿದ್ದರೆ, ಅದಕ್ಕೆ ಮುಲಾಮು ಹಚ್ಚುವ ಕೆಲಸವಾಗುತ್ತದೆ. ನಿಮಗೆ ತುಂಬ ಅಗತ್ಯ ಬಿದ್ದ ಸಂದರ್ಭದಲ್ಲಿ ಸಹೋದ್ಯೋಗಿಗಳು ನಿಮ್ಮ ಬೆನ್ನಿಗೆ ನಿಲ್ಲುತ್ತಾರೆ. ಈ ತಿಂಗಳು ನಿಮಗೆ ಪ್ರೋತ್ಸಾಹದ ಅಗತ್ಯ ಕಂಡುಬರುತ್ತದೆ.

ಪ್ರೀತಿ-ಪ್ರೇಮ, ವಿವಾಹ: ಪ್ರೇಮ ವಿಚಾರಗಳು ಸಮಾಧಾನಕರವಾಗಿ ಸಾಗುತ್ತವೆ. ಕಿತ್ತಾಡಿಕೊಂಡಿದ್ದ ಪ್ರೇಮಿಗಳ ಮಧ್ಯೆ ಮತ್ತೆ ಪ್ರೀತಿ ಚಿಗುರೊಡೆಯುತ್ತದೆ. ಪ್ರೇಮಿಗಳು ಒಟ್ಟಿಗೆ ಸಮಯ ಕಳೆಯುತ್ತೀರಿ, ಸಣ್ಣದೊಂದು ಪ್ರವಾಸ ಮಾಡಿಬರುತ್ತೀರಿ. ಅವಿವಾಹಿತರಿಗೆ ಸಂಬಂಧ ಕೂಡಿಬರುವ ಕಾಲವಿದು. ಅದರೆ ವಿವಾಹಿತರು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಸೆ.18ರ ನಂತರ ಪತಿ ಅಥವಾ ಪತ್ನಿಯ ಆರೋಗ್ಯ ಕ್ಷೀಣಿಸಿ, ಚಿಂತೆಗೆ ಕಾರಣವಾಗುತ್ತದೆ.[ವೃಶ್ಚಿಕ ರಾಶಿ ಯುಗಾದಿ ವರ್ಷ ಭವಿಷ್ಯ ಮತ್ತು ಫಲಾಫಲ]

ಮಕ್ಕಳು-ವಿದ್ಯಾರ್ಥಿಗಳು: ಮಕ್ಕಳಿಗೆ ಇದು ಉತ್ತಮ ಕಾಲ. ಉತ್ಸಾಹ, ಸಂಭ್ರಮದಿಂದ ಪುಟಿಯುವುದನ್ನು ನೋಡಬಹುದು. ದೈಹಿಕ, ಮಾನಸಿಕ ಚಟುವಟಿಕೆಯಲ್ಲಿ ಚುರುಕು ಕಾಣಿಸುತ್ತದೆ. ಏಕಾಗ್ರತೆ, ಕಲಿಕೆಯ ಆಸಕ್ತಿ ಹೆಚ್ಚುತ್ತದೆ. ಹೊಸ ವಿಷಯಗಳನ್ನು ಕಲಿಯುವುದರಲ್ಲಿ ಉತ್ಸಾಹ ತೋರುತ್ತಾರೆ. ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶ ನಿರೀಕ್ಷಿಸಬಹುದು.

English summary
Get the complete month predictions of September 2016. Read monthly horoscope of Scorpio in Kannada. Get free monthly horoscope, astrology and monthly predictions in Kannada.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X