Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಕರ ರಾಶಿಗೆ ತಿರುಗಿ ಬಿದ್ದ ಗುರು! ಧನಸ್ಸಿಗೆ ಹೆಂಗೆ ಗುರೂ?
ಈಗಾಗಲೇ ಶನಿಬಲದ ಜೊತೆಗೆ ಗುರುಬಲವೂ ಇದ್ದುದ್ದರಿಂದ ಸ್ವಲ್ಪ ಬೀಗುತ್ತಿದ್ದ ಮಕರ ರಾಶಿಯವರಿನ್ನು ಎಚ್ಚರ ವಹಿಸಿಕೊಳ್ಳಬೇಕು. ಏಕೆಂದರೆ ಇಷ್ಟು ದಿನ ಅಂದರೆ ಕಳೆದ ಒಂದು ವರ್ಷದಿಂದ ಗೋಚಾರದಿಂದ ಏಳರಲ್ಲಿದ್ದು ಸಾಕಷ್ಟು ಪ್ರಮಾಣದಲ್ಲಿ ಶುಭಾಶುಭಗಳನ್ನು ಕೊಟ್ಟಿದ್ದಾನೆ ಗುರು. ಇಲ್ಲವೆಂದವರೂ ಆಗಿರುವ ತೊಂದರೆಗಳನ್ನು ತಿಳಿಸಬಹುದು. ಇನ್ನು ಧನಸ್ಸು ರಾಶಿಯವರು ಗುರುಬಲದಿಂದ ಜೀವನದಲ್ಲಿ ಸಂತೋಷದ ಸೆಲೆ ಕಾಣುತ್ತಾರೆ.
ಧನಸ್ಸು : ಕಳೆದ ವರ್ಷದಿಂದ ಗುರುಬಲವಿಲ್ಲದೇ ಜೀವನವನ್ನೇ ಗೊಂದಲವಾಗಿಸಿಕೊಂಡಿದ್ದ ಇವರಿಗೆ ಎಲ್ಲದಕ್ಕೂ ಕಾಲ ಕೂಡಿ ಬಂದಿದೆ ಎಂಬುದನ್ನು ಅರಿತುಕೊಳ್ಳುವ ಸಮಯ. ಏಕೆಂದರೆ ಈ ಹಿಂದೆ ಗೋಚಾರದಿಂದ ಅಷ್ಟಮನಾಗಿದ್ದ ಗುರುವು ಸಾಕಷ್ಟು ಅನಾನುಕೂಲತೆಗಳನ್ನು ನೀಡಿದ್ದಾನೆ. ಇದೂ ಸಾಲದೆಂಬಂತೆ ಸಾಡೇಸಾತಿ ಶನಿಕಾಟ ಬೇರೆ ಶುರುವಾಗಿದೆ. ಹೀಗಾಗಿ ಬೇಸರದ ದಿನಗಳನ್ನು ಕಳೆದಿದ್ದ ಇವರು ಇನ್ಮುಂದೆ ಗುರುಬಲದಲ್ಲಿ ಅಂದುಕೊಂಡ ಯೋಜನೆಗಳನ್ನು ಪೂರೈಸಿಕೊಳ್ಳಬಹುದು.
ಈಗಾಗಲೇ ನವಮ ಸ್ಥಾನದಲ್ಲಿದ್ದು ವೃಶ್ಚಿಕ ರಾಶಿಯವರಿಗೆ ಸಾಕಷ್ಟು ಅನುಕೂಲತೆಗಳನ್ನು ಕಲ್ಪಿಸಿದ್ದ ಗುರು ಈಗ ಧನಸ್ಸು ರಾಶಿಯವರಿಗೆ 9ನೇ ಸ್ಥಾನಕ್ಕೆ ಬಂದು ಶುಭಫಲ ನೀಡಲಿದ್ದಾನೆ. [ವೃಶ್ಚಿಕ ರಾಶಿಗೆ ಕೈ ಕೊಟ್ಟ ಗುರುಬಲ, ಮುಂದೇನು?]
ಗುರುವಿನ ಈ ಗೋಚಾರದಿಂದ ಕೆಲಸದಲ್ಲಿದ್ದವರಿಗೆ ಉತ್ತಮ ಸಮಯವಾದರೆ, ಕೆಲಸ ಹುಡುಕುವವರಿಗೆ ಹೊಸ ಇಚ್ಛಿತ ಕೆಲಸ ಸಿಕ್ಕು ಜೀವನವನ್ನು ಒಂದು ಹಂತಕ್ಕೆ ತಂದುಕೊಳ್ಳುವ ಯೋಗ ಆರಂಭವಾಗುತ್ತದೆ. ಕುಟುಂಬದವರೂ ಕೂಡ ಸಾಕಷ್ಟು ರೀತಿಯಲ್ಲಿ ಸಹಾಯ, ಸಹಕಾರ ನೀಡುತ್ತ ಬೆಂಬಲಕ್ಕೆ ನಿಲ್ಲುತ್ತಾರೆ. ಕಂಕಣಾಕಾಂಕ್ಷಿಗಳು ಹಸೆಮಣೆ ಏರುವ ಶುಭಯೋಗ ಹೊಂದುವರು. ಅದೃಷ್ಟವೆಂದರೆ ಇದೇ ಎನ್ನುವ ಅನುಭವ ಕೂಡ ಇವರಿಗಾಗುತ್ತದೆ. ಜೊತೆಗೆ ವಂಶವೃಕ್ಷಕ್ಕಾಗಿ ಪರಿತಪಿಸುತ್ತಿರುವವರಿಗೆ ಶುಭಕರ ಸುದ್ದಿ ಸಂತಸ ತರುತ್ತದೆ. ಹಣಕಾಸಿನ ವಿಷಯದಲ್ಲಂತೂ ಮತ್ತೊಬ್ಬರೂ ಕೂಡ ಕೈಚಾಚಿ ನಿಲ್ಲುವ ಪರಿಸ್ಥಿತಿ ನೋಡುವುದರಿಂದ ಮನಸ್ಸಿಗೆ ಖುಷಿ ತರುತ್ತದೆ.
ಹೊಸ ಹೊಸ ಯೋಜನೆಗಳನ್ನು ಹಾಕಿಕೊಂಡಿದ್ದರೆ, ಅವು ಯಶಸ್ಸಾಗುವುದು ನಿಶ್ಚಿತವೇ. ಸ್ವಂತಕ್ಕೆಂದು ಏನಾದರೂ ಮಾಡಿಕೊಳ್ಳಬೇಕು ಎಂದು ಬಹಳಷ್ಟು ದಿನಗಳಿಂದ ಹಾತೊರೆಯುತ್ತಿರುವವರಿಗೆ ಈಗ ಶುಭ ಸಮಯ. ರಾಜಕೀಯವಾಗಿ ಮತ್ತು ಇತರ ಕ್ಷೇತ್ರಗಳಲ್ಲಿ ಯಶಸ್ಸು ಕಾಣುವ ಸುಯೋಗದ ದಿನಗಳ ಆರಂಭ. ಇವರ ಏಳ್ಗೆಯನ್ನು ನೋಡಿದ ಕುಟುಂಬಸ್ಥರು ತುಂಬಾ ಸಂತಸ ವ್ಯಕ್ತಪಡಿಸಿ ಹುರಿದುಂಬಿಸುತ್ತಾರೆ.
ಆದರೆ, ಗುರುಬಲವಿದ್ದರೂ ಶನಿಬಲವಿಲ್ಲ. ಸಾಡೇಸಾತಿಯ ಶನಿಕಾಟ ಕೆಲವೊಮ್ಮೆ ಗುರುವಿನಿಂದಾದ ಅನುಕೂಲಗಳನ್ನು ತಪ್ಪಿಸಲಾರಂಭಿಸುತ್ತದೆ. ಆದ್ದರಿಂದ ಕೂಡಲೇ ಗುರುಬಲದ ಪ್ರಮಾಣವೆಷ್ಟು ಎಂಬುದನ್ನು ಜಾತಕದಿಂದ ತಿಳಿದುಕೊಂಡು ಮುನ್ನಡಿ ಇಡುವುದು ಧನಸ್ಸು ರಾಶಿಯವರಿಗೆ ಕಿವಿಮಾತು. [ಧನಸ್ಸು ರಾಶಿ ವರ್ಷ ಭವಿಷ್ಯ 2015]
