ಮಕರ ರಾಶಿ: ಸಂಪಾದನೆಯಲ್ಲಿ ಹೆಚ್ಚಳ, ಪ್ರವಾಸ

• Next »
• « Previous

ನಿಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಕೆಲಸ ಮಾಡುತ್ತೀರಿ. ಇದು ತುಂಬ ಉತ್ತಮ ಸಮಯ. ಕುಟುಂಬದ ಜತೆಗೆ ದೂರ ಪ್ರಯಾಣದ ಸಾಧ್ಯತೆಗಳಿವೆ. ಜತೆಗೆ ತೀರ್ಥ ಕ್ಷೇತ್ರಗಳ ದರ್ಶನವೂ ಇದೆ. ಒಟ್ಟಾರೆ ಇಡೀ ತಿಂಗಳು ಚಟುವಟಿಕೆ, ಲವಲವಿಕೆಯಿಂದ ಇರುತ್ತೀರಿ.

ನಿಮ್ಮ ಸಂಪಾದನೆಯಲ್ಲಿ ಹೆಚ್ಚಳವಾಗುವ ಸಾಧ್ಯತೆಗಳು ಗೋಚರಿಸುತ್ತಿವೆ. ಅಂಥ ಅವಕಾಶ ಬಂದಾಗ ನಿರ್ಲಕ್ಷಿಸುವುದು ಖಂಡಿತಾ ಜಾಣತನವಲ್ಲ. ಗ್ರಹಸ್ಥಿತಿಗಳಂತೂ ಕೆಲಸ ವಿಚಾರದಲ್ಲಿ ಶ್ರಮಪಟ್ಟಷ್ಟೂ ಉತ್ತಮ ಫಲ ನೀಡುವಂತಿವೆ. ಕೆಲಸದ ವಿಚಾರದಲ್ಲಿ ಹಾಕಿಕೊಂಡ ಎಲ್ಲ ಗುರಿ ಸುಲಭಕ್ಕೆ ಈಡೇರುತ್ತವೆ.[ಮಕರ ರಾಶಿಗೆ ಶನಿಬಲ, ಗುರುಬಲ ಎರಡೂ ಕೂಡಿಬಂದಿವೆ]

ವೃತ್ತಿ: ಗುರಿ ಇರಿಸಿಕೊಂಡಂತೆ ಕೆಲಸ ಆಗುವುದರಿಂದ ಮೆಚ್ಚುಗೆ, ಅವಾರ್ಡ್ ಗಳು ಅರಸಿ ಬರುವ ಸಾಧ್ಯತೆಗಳಿವೆ. ನೀವು ಯಶಸ್ಸು ಸಾಧಿಸುವುದಕ್ಕೆ ಅದೃಷ್ಟವೂ ಸಾಥ್ ನೀಡುತ್ತದೆ. ಸಹೋದ್ಯೋಗಿಗಳು ನಿಮ್ಮ ನೆರವಿಗೆ ಇರುತ್ತಾರೆ. ಅದರಲ್ಲೂ ಮಹಿಳಾ ಉದ್ಯೋಗಿಗಳಿಂದ ಹೆಚ್ಚಿನ ಸಹಾಯ ದೊರೆಯುತ್ತದೆ. ನಿಮ್ಮ ಬಾಸ್ ಕೂಡ ನಿಮ್ಮಿಂದ ಅತಿಯಾದುದ್ದೇನೂ ನಿರೀಕ್ಷೆ ಮಾಡುತ್ತಿಲ್ಲ. ಸಂಯಮದಿಂದ, ವಿನಯವಂತಿಕೆಯಿಂದ ವರ್ತಿಸಿದರೆ ಅವರ ಜತೆಗೆ ವಾಗ್ವಾದಗಳನ್ನು ತಡೆಯಬಹುದು. ಅದು ನಿಮಗೂ ಒಳ್ಳೆಯದು.

ಪ್ರೀತಿ-ಪ್ರೇಮ, ವಿವಾಹ: ಪ್ರೇಮ ವಿಚಾರಗಳಲ್ಲಿ ಅಂಥ ಅದೃಷ್ಟ ಕಂಡುಬರುತ್ತಿಲ್ಲ. ಹೊಸ ಸಂಬಂಧಗಳಿಗೆ ಕಮಿಟ್ ಆಗುವುದಕ್ಕೆ ಇದು ಸೂಕ್ತ ಸಮಯವಲ್ಲ. ಭಿನ್ನಾಭಿಪ್ರಾಯ, ಜೋರಾದ ಮಾತುಕತೆಯ ಕಾರಣಕ್ಕೆ ಸದ್ಯದ ಸಂಬಂಧದಲ್ಲೂ ಬಿರುಕು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಇದರಿಂದ ಜಗಳಗಳಾಗುವ ಸಾಧ್ಯತೆ ಕೂಡ ಇದೆ. ಆದ್ದರಿಂದ ಗೆಳತಿ ಅಥವಾ ಗೆಳೆಯನ ಜತೆಗೆ ವಾಗ್ವಾದ ಬೇಡ. ಇನ್ನು ವೈವಾಹಿಕ ಬದುಕು ಸಂತಸವಾಗಿರುತ್ತದೆ. ಆದರೆ ಅತ್ತೆ-ಮಾವನ ಜತೆಗೆ ವೈಮನಸ್ಸಾಗಬಹುದು, ಎಚ್ಚರ ಇರಲಿ.[ಮಕರ ರಾಶಿ ಯುಗಾದಿ ವರ್ಷ ಭವಿಷ್ಯ ಮತ್ತು ಫಲಾಫಲ]

ಮಕ್ಕಳು-ವಿದ್ಯಾರ್ಥಿಗಳು: ಮಕ್ಕಳು ಹೇಳಿದ ಮಾತು ಕೇಳುವುದಿಲ್ಲ. ಕೀಟಲೆ ಹೆಚ್ಚಾಗುತ್ತದೆ. ಅವರಿಗೆ ಬುದ್ಧಿ ಹೇಳುವುದರಲ್ಲೇ ಹೆಚ್ಚಿನ ಸಮಯ ಕಳೆಯುತ್ತದೆ. ಹೇಳಿದ ಮಾತು ಕೇಳದೆ ಆರೋಗ್ಯ ಸಮಸ್ಯೆ ತಂದುಕೊಳ್ತಾರೆ. ಓದಿನಲ್ಲಿ ಅಷ್ಟಾಗಿ ಆಸಕ್ತಿ ಇರುವುದಿಲ್ಲ. ಈ ಕಾರಣಕ್ಕೆ ಶಾಲೆಯಿಂದ ದೂರು ಬರಬಹುದು. ಪರೀಕ್ಷೆ ಫಲಿತಾಂಶವೂ ನಿರೀಕ್ಷೆಯಂತೆ ಇರುವುದಿಲ್ಲ.

• Next »
• « Previous

English summary

Get the complete month predictions of September 2016. Read monthly horoscope of Capricorn in Kannada. Get free monthly horoscope, astrology and monthly predictions in Kannada.