ವಾರ ಭವಿಷ್ಯ ಫೆಬ್ರವರಿ 20ರಿಂದ ಫೆಬ್ರವರಿ 26ರವರೆಗೆ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಈ ವಾರ ಫೆಬ್ರವರಿ 20ರಿಂದ ಫೆಬ್ರವರಿ 26ರವರೆಗೆ ಜನ್ಮರಾಶಿಯನ್ನು ಆಧರಿಸಿದ ರಾಶಿಬಲವನ್ನು ನೀಡಲಾಗಿದೆ. ಗೋಚಾರ ಫಲಕ್ಕೆ ಅನುಗುಣವಾಗಿ ಫಲಾನುಫಲ ತಿಳಿದುಕೊಳ್ಳಬಹುದು.[ಕನ್ಯಾ ರಾಶಿಗೆ ಗುರು ಪ್ರವೇಶ : ಯಾವ ರಾಶಿಗೆ ಏನು ಫಲ?]

ಆಸ್ತಿಕರು ತಮ್ಮ ಜನ್ಮರಾಶಿಗೆ ದಿನ ಹೇಗಿದೆ ಎಂದು ತಿಳಿದು ದಿನಚರಿ ಆರಂಭಿಸುವ ವಾಡಿಕೆ ರೂಢಿಸಿಕೊಂಡಿರುತ್ತಾರೆ. ಏಕೆಂದರೆ, ನಿತ್ಯಭವಿಷ್ಯ ಮುಂದಿನ ಘಟನೆಗಳ ಮುನ್ಸೂಚನೆ ನೀಡುತ್ತವೆ. ಪ್ರತಿಯೊಬ್ಬರೂ ನಿತ್ಯ ಒಂದೊಂದು ತರಹ ದಿನ ಕಳೆಯಬೇಕಾಗುತ್ತದೆ. ಇಡೀ ವಾರ ಹೇಗಿರುತ್ತದೆ ಎಂದು ಸೂಚಿಸುವುದೇ ವಾರಭವಿಷ್ಯ.[ಜನ್ಮನಕ್ಷತ್ರದಿಂದ ತಿಳಿಯಿರಿ ನಿಖರವಾದ ಭವಿಷ್ಯ]

ಚಂದ್ರನ ಚಲನೆ ಆಧಾರದಲ್ಲಿ ಹೇಗೆ ನಿತ್ಯಭವಿಷ್ಯವನ್ನು ಕಂಡುಹಿಡಿಯಬಹುದೇ ಅದೇ ರೀತಿ ಇತರ ಗ್ರಹ ಹಾಗೂ ಆಯಾ ವಾರದ ಗ್ರಹ ಬದಲಾವಣೆ ಗಮನಿಸಿ, ಜಾತಕ ರೂಪಿಸಿ ರಾಶಿಬಲ ತಿಳಿಯಬಹುದು. ಆದರೆ ಈ ರೀತಿ ಹೇಳುವ ರಾಶಿಬಲಕ್ಕೆ ಗೋಚಾರ, ದಶಾಭುಕ್ತಿಯ ಫಲ ಅನ್ವಯಿಸುವುದಿಲ್ಲ. [ರಾಹುಕಾಲ, ಗುಳಿಕಕಾಲ, ಯಮಗಂಡಕಾಲ]

ರಾಶಿ ಒಂದೇ ಆಗಿದ್ದರೂ ಕೂಡ ಪ್ರತಿಯೊಬ್ಬರ ಜನ್ಮಜಾತಕದಲ್ಲಿ ದಶಾಭುಕ್ತಿ, ಗ್ರಹಗಳು ಇರುವ ಮನೆಗಳನ್ನು ಆಧರಿಸಿ ರಾಶಿಬಲವನ್ನು ಹೋಲಿಸಿಕೊಳ್ಳಬೇಕು.

ಮೇಷ

ಪುರುಷರು: ಕೌಟುಂಬಿಕವಾಗಿ ಸ್ವಲ್ಪ ಮನೋವೇದನೆ ಕಾಡಬಹುದು. ಆದರೆ ಹೊರಗಿನಿಂದ ನೋಡುವವರ ಕಣ್ಣಿಗೆ ಏನೂ ಆಗದವರಂತೆ ಕಾಣಿಸುತ್ತೀರಿ

ಸ್ತ್ರೀಯರು: ಆರ್ಥಿಕವಾಗಿ ನಿಮ್ಮ ಆದಾಯ ಮೀರಿದ ಖರ್ಚಿನಿಂದಾಗಿ ಮನಸಿಗೆ ನೋವುಂಟಾದರೂ ಹೊರಗಡೆ ಕಾಣಿಸಿಕೊಳ್ಳುವುದಿಲ್ಲ

ವಿದ್ಯಾರ್ಥಿಗಳು: ಸಹೋದರರೊಡನೆ ಧಾರ್ಮಿಕ ಕಾರ್ಯಗಳಿಗೆ ಭೇಟಿ

ಪರಿಹಾರ: ಈ ವಾರ ಪ್ರತಿ ದಿನ ತಪ್ಪದೆ ಕುಜ ಗ್ರಹದ ಅಷ್ಟೋತ್ತರವನ್ನು ಪಠಿಸಿ

ವೃಷಭ

ಪುರುಷರು: ಕಬ್ಬಿಣಕ್ಕೆ ಸಂಬಂಧಪಟ್ಟ ಕೆಲಸ ಹಾಗೂ ವ್ಯವಹಾರಗಳನ್ನು ಮಾಡುವವರು ಹೊರತುಪಡಿಸಿ ಉಳಿದವರಿಗೆ ವ್ಯಾಪಾರದಲ್ಲಿ ಲಾಭ. ಈ ವಾರ ಮಕ್ಕಳಿಂದಾಗಿ ಖರ್ಚುಗಳು ಹೆಚ್ಚಲಿವೆ

ಸ್ತ್ರೀಯರು: ಕೋರ್ಟು, ವ್ಯಾಜ್ಯ ಇತ್ಯಾದಿಗಳಿದ್ದಲ್ಲಿ ಈ ವಾರ ಬೇಡ. ಮುಂದೆ ಹಾಕಲು ಪ್ರಯತ್ನಿಸಿ, ನಿಮ್ಮ ಮನೆಯಲ್ಲಿಯೇ ನಿಮಗೆ ಪರರ ಮನೆ ಎಂಬ ಅನುಭವ ಆಗುತ್ತದೆ

ವಿದ್ಯಾರ್ಥಿಗಳು: ಈ ವಾರ ಒಳ್ಳೆಯ ದಿನಗಳು ಇವೆ. ಸದುಪಯೋಗ ಪಡಿಸಿಕೊಳ್ಳಬೇಕಷ್ಟೇ

ಪರಿಹಾರ: ಪ್ರತೀ ದಿನ ತಪ್ಪದೇ ಶನಿ ಗ್ರಹದ ಅಷ್ಟೋತ್ತರ ಪಠಿಸಿ

ಮಿಥುನ

ಪುರುಷರು: ನಿಮ್ಮನ್ನು ಯಾರೋ ಹಿಂಬಾಲಿಸಿ, ಅನುಸರಿಸಿ ಕಷ್ಟಗಳ ಪಾಲು ಮಾಡಲಿಕ್ಕೆ ಪ್ರಯತ್ನಿಸುತ್ತಿದ್ದಾರೆ ಎನಿಸುತ್ತದೆ. ಆದರೆ ಯಾರು ಎಂಬುದು ತಿಳಿಯುವುದಿಲ್ಲ

ಸ್ತ್ರೀಯರು: ಗೆಳತಿಯರ ಜೊತೆ ಊರೆಲ್ಲಾ ಸಂಚಾರ. ವಸ್ತ್ರ ಇತ್ಯಾದಿ ಖರೀದಿಗೆ ಅಧಿಕ ಖರ್ಚು

ವಿದ್ಯಾರ್ಥಿಗಳು: ವಿದೇಶ ಪ್ರಯಾಣ ಅಥವಾ ಸ್ವಂತ ಹುಟ್ಟಿದ ಸ್ಥಳ ಬಿಟ್ಟು ವಿದ್ಯಾರ್ಜನೆಗಾಗಿ ಅನ್ಯ ಸ್ಥಳಗಳಿಗೆ ಹೊರಡುವವರು ಈ ವಾರ ಪ್ರಯತ್ನಿಸಿದರೆ ಲಾಭ

ಪರಿಹಾರ: ಈ ವಾರ ವಿಷ್ಣು ಅಷ್ಟೋತ್ತರವನ್ನು ತಪ್ಪದೇ ಪಠಿಸಿ

ಕರ್ಕ

ಪುರುಷರು: ಉದ್ಯೋಗಿಗಳಿಗೆ ಈ ವಾರ ಕೆಲಸದಲ್ಲಿ ಒತ್ತಡ ಹೆಚ್ಚುತ್ತದೆ, ಭೂಮಿಯ ವ್ಯಾಪಾರದಲ್ಲಿ ಹಾನಿ

ಸ್ತ್ರೀಯರು: ಧರ್ಮ ಕಾರ್ಯಗಳಿಗೆ ಹಣ ಸಂದಾಯ ಮಾಡುತ್ತೀರಿ, ಯಾವುದೋ ಒಂದು ವಿಚಾರವನ್ನು ಹಿಡಿದು ಹಠ ಮಾಡಿ, ಯಾರೊಂದಿಗೂ ಮಾತನಾಡದೇ ಈ ವಾರ ಹಾಳು ಮಾಡಿಕೊಳ್ಳುವ ಸಾಧ್ಯತೆ

ವಿದ್ಯಾರ್ಥಿಗಳು: ಅನವಶ್ಯಕವಾದ ರಾಜಕೀಯಕ್ಕೆ ಈ ವಾರ ಪ್ರವೇಶ ಸಾಧ್ಯತೆ

ಪರಿಹಾರ: ಈ ವಾರ ಪ್ರತೀ ದಿನ ಆಂಜನೇಯ ಸ್ತೋತ್ರವನ್ನು ಪಠಿಸಿ

ಸಿಂಹ

ಪುರುಷರು: ನೀವು ಮಾಡದ ತಪ್ಪಿಗೆ ಈ ವಾರ ಶಿಕ್ಷೆ ಅನುಭವಿಸುವ ಲಕ್ಷಣಗಳು ಕಾಣುತ್ತಿವೆ. ಅದೇ ವಿಧದಲ್ಲಿ ಹೆಚ್ಚಿನ ಹಣದ ಉಳಿತಾಯ ಸಹ ಈ ವಾರದಲ್ಲಿ ಕಾಣುತ್ತಿಲ್ಲ

ಸ್ತ್ರೀಯರು: ಮಕ್ಕಳ ಜಗಳದಲ್ಲಿ ಮಧ್ಯ ಪ್ರವೇಶಿಸಿ ವಿನಾ ಕಾರಣ ದುಃಖ, ವಿದ್ಯಾ ಇಲಾಖೆಯ ಉದ್ಯೋಗಿಗಳಿಗೆ ಮನೆಯಲ್ಲಿ ಶುಭ ಕಾರ್ಯ

ವಿದ್ಯಾರ್ಥಿಗಳು: ಈ ವಾರ ನಿಮ್ಮ ಕೆಲ ಲೆಕ್ಕಾಚಾರಗಳು ಹೆಚ್ಚು- ಕಡಿಮೆ ಆಗಿ ಮಾನಸಿಕ ಒತ್ತಡ

ಪರಿಹಾರ: ಈ ವಾರ ದತ್ತಾತ್ರೇಯ ವಜ್ರಕವಚ ಸ್ತೋತ್ರವನ್ನು ಪಠಿಸಿ

ಕನ್ಯಾ

ಪುರುಷರು: ಈ ವಾರ ಸಂಪೂರ್ಣ ಒತ್ತಡದ ವಾರ. ಪೂರ್ವ ನಿಗದಿತ ಕಾರ್ಯಗಳಲ್ಲಿ ಚಿಕ್ಕ ಪುಟ್ಟ ಬದಲಾವಣೆಗಳು ಸಹ ಆಗುತ್ತವೆ

ಸ್ತ್ರೀಯರು: ಶಾರೀರಿಕವಾಗಿ ಆಲಸ್ಯ ವೃಧ್ಧಿ ಆಗುತ್ತದೆ. ಪಿತ್ರಾರ್ಜಿತ ಆಸ್ತಿಗಳನ್ನು ಪಡೆಯಲು ಈ ವಾರ ಪ್ರಯತ್ನ

ವಿದ್ಯಾರ್ಥಿಗಳು: ಆಹಾರ ಸಂಬಂಧಿತ ವಿಚಾರಗಳಲ್ಲಿ ಎಚ್ಚರ

ಪರಿಹಾರ: ಈ ವಾರ ಶಿವಾಷ್ಟೋತ್ತರ ತಪ್ಪದೇ ಪಠಿಸಿ

ತುಲಾ

ಪುರುಷರು: ರಾಜಕೀಯದಲ್ಲಿ ಇರುವ ನಿಮ್ಮ ಮಿತ್ರರಿಂದ ಅನಿರೀಕ್ಷಿತ ಲಾಭ, ಕಾರ್ಯಸಾಧನೆ

ಸ್ತ್ರೀಯರು: ಅಪವಾದ ಒಂದು ತೂಗುಗತ್ತಿಯಂತೆ ಈ ವಾರ ನಿಮ್ಮ ತಲೆ ಮೇಲೆ

ವಿದ್ಯಾರ್ಥಿಗಳು: ಸಹಾಯಕ್ಕಾಗಿ ಮೇಲಧಿಕಾರಿಗಳಿಗೆ ಮನವಿ ಸಾಧ್ಯತೆಗಳಿವೆ

ಪರಿಹಾರ: ಪ್ರತೀ ದಿನ ಗುರು ಗ್ರಹದ ಅಷ್ಟೋತ್ತರ ಪಠಿಸಿ

ವೃಶ್ಚಿಕ

ಪುರುಷರು: ದೊಡ್ಡ ಕೆಲಸ ಒಂದಕ್ಕೆ ಕೈ ಹಾಕಿ ಅದು ಮುಗಿಯದೇ ನಿಮಗೆ ಹಿಂಸೆ

ಸ್ತ್ರೀಯರು: ಬಾಳಸಂಗಾತಿಯೊಂದಿಗೆ ದೂರ ಪ್ರಯಾಣ ಯೋಗ, ನಿಮ್ಮ ಹತ್ತಿರ ಕೆಲ ವಿಚಾರಗಳನ್ನು ಮುಚ್ಚಿಡಲಾಗಿದೆ

ವಿದ್ಯಾರ್ಥಿಗಳು: ಯಾವ ಅಧ್ಯಾಪಕರೊಡನೆಯೂ ಮನಸ್ತಾಪ ಆಗದಂತೆ ನೋಡಿಕೊಳ್ಳಬೇಕು

ಪರಿಹಾರ: ಈ ವಾರ ದುರ್ಗಾ ದೇಗುಲಕ್ಕೆ ಹೋಗಿ ಕುಂಕುಮಾರ್ಚನೆ ಮಾಡಿಸಿ

ಧನುಸ್ಸು

ಪುರುಷರು: ಮುಗಿದ ಅಧ್ಯಾಯದ ವಿಚಾರಗಳನ್ನು ಮತ್ತೆ ಕೆದಕಲು ಹೋಗಿ ಈ ವಾರ ಸಮಸ್ಯೆಗೆ ನಾಂದಿ ಹಾಡುತ್ತೀರಿ,

ಸ್ತ್ರೀಯರು: ಇದದ್ದು ಇದ್ದಂತೆ ಹೇಳಲು ಹೋಗಿ ಅಪರಾಧಿ ಪಟ್ಟ. ದೂರದಲ್ಲಿ ಒಂದು ಆಶಾಕಿರಣ ಇನ್ನೂ ಜೀವಂತ ಅನಿಸುತ್ತದೆ

ವಿದ್ಯಾರ್ಥಿಗಳು: ಈ ವಾರ ಯಾರಿಗೂ ಸಾಲ ಕೊಡಬೇಡಿ. ಕೊಟ್ಟರೆ ಆ ದುಡ್ಡಿನ ಆಸೆ ಬಿಡಿ

ಪರಿಹಾರ: ಬೆಳಗ್ಗೆ ಹಾಗೂ ಸಾಯಂಕಾಲದ ಸಮಯದಲ್ಲಿ ರಾಮ ರಕ್ಷಾ ಸ್ತೋತ್ರವನ್ನು ಪಠಿಸಿ

ಮಕರ

ಪುರುಷರು: ತನ್ನಿಂದ ಆಗದ್ದು ಉಳಿದವರಿಂದಲೂ ಅಸಾಧ್ಯ ಎಂದು ತಪ್ಪು ತಿಳಿದಿದ್ದರೆ ಈ ವಾರ ನೋಡಿ

ಸ್ತ್ರೀಯರು: ಕೊಡ್ತೇನೆ ಎಂದವರು ಕೊಡದಿದ್ದರೂ ಅನಿರೀಕ್ಷಿತ ಸಹಾಯ ಲಭ್ಯ,

ವಿದ್ಯಾರ್ಥಿಗಳು: ನಿಮ್ಮ ಪ್ರತಿಸ್ಪರ್ಧಿಗಳು ತಪ್ಪುಗಳನ್ನು ಹುಡುಕುತ್ತಿದ್ದಾರೆ

ಪರಿಹಾರ: ನಿತ್ಯ ಬೆಳಗ್ಗೆ ತುಳಸಿಗೆ ಅರಿಶಿಣ- ಕುಂಕುಮ ಹಾಕಿ ಪೂಜಿಸಿ

ಕುಂಭ

ಪುರುಷರು: ಇನ್ನೇನು ಆಯಿತು, ಮುಗಿಯಿತು ಎನ್ನುವಷ್ಟರಲ್ಲಿ ಚಿಕ್ಕ ಸಮಸ್ಯೆ ಮತ್ತೆ ಪ್ರಾರಂಭ

ಸ್ತ್ರೀ: ನಿಮ್ಮಿಂದಾಗಿಯೇ ಈ ವಾರ ವಿಶೇಷ ಹಾಗೂ ವಿಚಿತ್ರ ಕೆಲಸಗಳು

ವಿದ್ಯಾರ್ಥಿಗಳು: ಆರೋಗ್ಯ ವ್ಯತ್ಯಾಸ ಆಗಿ ಪ್ರಮುಖ ವಿಷಯ ವಿಚಾರಗಳನ್ನು ಕಡೆಗಣಿಸಲಾಗುತ್ತದೆ

ಪರಿಹಾರ: ಈಶ್ವರ ದೇಗುಲದಲ್ಲಿ ಸ್ವಾಮಿಗೆ ಹಾಲಿನಲ್ಲಿ ಅಭಿಷೇಕ ಮಾಡಿಸಿ

ಮೀನ

ಪುರುಷರು: ಉತ್ತಮ ಗುಣಮಟ್ಟ ವ್ಯಾಪಾರದಲ್ಲಿ ಕೀರ್ತಿ ಹಾಗೂ ಯಶಸ್ಸನ್ನು ತಂದುಕೊಡುತ್ತದೆ

ಸ್ತ್ರೀಯರು: ಅಂಜಿಕೆ ಹಾಗೂ ಅಳುಕು ಹೆಚ್ಚಾಗಿ ಬಾಯಿ ಸುಮ್ಮನಾಗುತ್ತದೆ

ವಿದ್ಯಾರ್ಥಿಗಳು: ಬಾಕಿ ಇಟ್ಟುಕೊಂಡಿರುವ ಶಾಲೆಯ ಶುಲ್ಕ ಭರಿಸಲು ಇಂದು ಪ್ರಯತ್ನಿಸಿದರೆ ಧನಸಹಾಯ ಲಭಿಸುತ್ತದೆ

ಪರಿಹಾರ: ಪ್ರತೀ ದಿನ ತಪ್ಪದೇ ನರಸಿಂಹ ಸ್ವಾಮಿಯ ಅಷ್ಟೋತ್ತರವನ್ನು ಕನಿಷ್ಠ ಮೂರು ಬಾರಿ ಪಠಿಸಿ

English summary
Read your Weekly forecast on the horoscope provided by Oneindia Kannada. We provide online free weekly prediction including your personal, professional and love life.
Please Wait while comments are loading...