ವಾರಭವಿಷ್ಯ : ರಾಶಿಫಲ ಜುಲೈ 24ರಿಂದ ಜುಲೈ 30ರವರೆಗೆ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಈ ವಾರ ಜುಲೈ 24ರಿಂದ ಜುಲೈ 30ರವರೆಗೆ ಜನ್ಮರಾಶಿಯನ್ನು ಆಧರಿಸಿದ ವಾರಭವಿಷ್ಯ ನೀಡಲಾಗಿದೆ. ಗೋಚಾರ ಫಲಕ್ಕೆ ಅನುಗುಣವಾಗಿ ಫಲಾನುಫಲ ತಿಳಿದುಕೊಳ್ಳಬಹುದು.

ಕನ್ಯಾ ರಾಶಿಗೆ ಗುರು ಪ್ರವೇಶ : ಯಾವ ರಾಶಿಗೆ ಏನು ಫಲ?

ಆಸ್ತಿಕರು ತಮ್ಮ ಜನ್ಮರಾಶಿಗೆ ದಿನ ಹೇಗಿದೆ ಎಂದು ತಿಳಿದು ದಿನಚರಿ ಆರಂಭಿಸುವ ವಾಡಿಕೆ ರೂಢಿಸಿಕೊಂಡಿರುತ್ತಾರೆ. ಏಕೆಂದರೆ, ನಿತ್ಯಭವಿಷ್ಯ ಮುಂದಿನ ಘಟನೆಗಳ ಮುನ್ಸೂಚನೆ ನೀಡುತ್ತವೆ. ಪ್ರತಿಯೊಬ್ಬರೂ ನಿತ್ಯ ಒಂದೊಂದು ತರಹ ದಿನ ಕಳೆಯಬೇಕಾಗುತ್ತದೆ. ಇಡೀ ವಾರ ಹೇಗಿರುತ್ತದೆ ಎಂದು ಸೂಚಿಸುವುದೇ ವಾರಭವಿಷ್ಯ.

ಜನ್ಮನಕ್ಷತ್ರದಿಂದ ತಿಳಿಯಿರಿ ನಿಖರವಾದ ಭವಿಷ್ಯ

ಚಂದ್ರನ ಚಲನೆ ಆಧಾರದಲ್ಲಿ ಹೇಗೆ ನಿತ್ಯಭವಿಷ್ಯವನ್ನು ಕಂಡುಹಿಡಿಯಬಹುದು. ಅದೇ ರೀತಿ ಇತರ ಗ್ರಹ ಹಾಗೂ ಆಯಾ ವಾರದ ಗ್ರಹ ಬದಲಾವಣೆ ಗಮನಿಸಿ, ಜಾತಕ ರೂಪಿಸಿ ರಾಶಿಬಲ ತಿಳಿಯಬಹುದು. ಆದರೆ ಈ ರೀತಿ ಹೇಳುವ ರಾಶಿಬಲಕ್ಕೆ ಗೋಚಾರ, ದಶಾಭುಕ್ತಿಯ ಫಲ ಅನ್ವಯಿಸುವುದಿಲ್ಲ.

ರಾಹುಕಾಲ, ಗುಳಿಕಕಾಲ, ಯಮಗಂಡಕಾಲ

ರಾಶಿ ಒಂದೇ ಆಗಿದ್ದರೂ ಕೂಡ ಪ್ರತಿಯೊಬ್ಬರ ಜನ್ಮಜಾತಕದಲ್ಲಿ ದಶಾಭುಕ್ತಿ, ಗ್ರಹಗಳು ಇರುವ ಮನೆಗಳನ್ನು ಆಧರಿಸಿ ರಾಶಿಬಲವನ್ನು ಹೋಲಿಸಿಕೊಳ್ಳಬೇಕು.

ಮೇಷ

ಮೇಷ

ಪುರುಷರು: ವ್ಯಾಪಾರ ಅಥವಾ ಕೆಲ ಖರೀದಿಗಳನ್ನು ಮಾಡಲು ಸಹೋದರರಿಂದ ಸಹಾಯ ಲಭ್ಯ. ಅತೀ ಆವಶ್ಯ ಇದ್ದಲ್ಲಿ ವಾರಾಂತ್ಯದಲ್ಲಿ ದೂರ ಪ್ರಯಾಣ ಸಾಧ್ಯತೆಗಳಿವೆ. ಕೆಲವರ ಚುಚ್ಚು ಮಾತುಗಳು ಬೇಸರ ಮೂಡಿಸಬಹುದು. ಬೇರೆಯಾದ ಜೋಡಿಗಳನ್ನು ಒಂದುಗೂಡಿಸಲು ಪ್ರಯತ್ನ ಪಡುವಿರಿ.

ಆಹಾರದ ವ್ಯತ್ಯಾಸ ಆರೋಗ್ಯ ಬಾಧೆ ಕೊಡುವ ಸಾಧ್ಯತೆಯಿದೆ. ಹಣದ ಖರ್ಚು ಕೆಲವು ನಿಮಗೆ ಸರಿಯಾಗಿ ಲೆಕ್ಕ ಸಿಗದೆ ಪರಿತಪಿಸುತ್ತೀರಿ. ನಿಮ್ಮಿಂದ ಕುಟುಂಬದವರಿಗೆ ಉಡುಗೊರೆ ಸಿಗುವ ಸಾಧ್ಯತೆ ಇದೆ.

ಸ್ತ್ರೀಯರು: ಸ್ನೇಹಿತ ಬೇಸರ ಪಡಬಾರದು ಎಂದು ನೀವು ಮಾಡುವ ಸಹಾಯ ನಷ್ಟ ತರಲಿದೆ.

ವಿದ್ಯಾರ್ಥಿಗಳು: ಕೆಲ ಪ್ರಮುಖವಾದ ಸಮಯದಲ್ಲಿ ವೃಥಾ ಕಾಲಹರಣ ಅಥವಾ ಮನರಂಜನೆಗೆ ವ್ಯಯಿಸಿ, ಆ ನಂತರ ಸಮಯ ಸಿಗದೆ ಒದ್ದಾಟ.

ಪರಿಹಾರ: ಪ್ರತೀ ದಿನ ಶ್ರೀರಾಮ ಅಷ್ಟೋತ್ತರ ಹಾಗೂ ನಂತರ ಆಂಜನೇಯ ಅಷ್ಟೋತ್ತರ ಪಠಿಸಿ

ವೃಷಭ

ವೃಷಭ

ಪುರುಷರು: ಹಿರಿಯರಿಂದ ಶ್ಲಾಘನೆ ಲಭಿಸುತ್ತದೆ. ನಿಯಂತ್ರಿಸದೆ ಇದ್ದಲ್ಲಿ ಕೆಲ ಮುಖ್ಯ ಜನರೊಂದಿಗೆ ಮನಸ್ತಾಪ ಹಾಗೂ ಜಗಳ ನಡೆಯುತ್ತದೆ. ಹಾಲಿನ ಉತ್ಪನ್ನಗಳ ಮಾರಾಟಗಾರರಿಗೆ ಅಥವಾ ಅದರ ಉತ್ಪಾದಕರಿಗೆ ಚಿಕ್ಕ ಪ್ರಮಾಣದಲ್ಲಾದರೂ ಲಾಭ ಇದೆ.

ಅರಿಯದೇ ನೀವು ಶತ್ರುಗಳಿಗೆ ಸಹಾಯ ಮಾಡಲಿದ್ದೀರಿ. ಉಚಿತವಾಗಿ ಉಪದೇಶಾಮೃತಗಳು ಲಭಿಸುತ್ತವೆ. ಕೆಲ ಗಣ್ಯರ ಕೆಲ ಹೇಳಿಕೆಗಳನ್ನು ವಿರೋಧಿಸುವಾಗ ಎಚ್ಚರ ಇರಲಿ. ದೂರ ಪ್ರಯಾಣಾದಿಗಳು ಮಾಡಿ ಶರೀರದಲ್ಲಿ ಶಕ್ತಿ ಕಡಿಮೆ ಆಗಿ, ಸುಸ್ತು ಕಾಡುತ್ತದೆ.

ಸ್ತ್ರೀಯರು: ಸೌಂದರ್ಯ ವರ್ಧಕಗಳು ಅಥವಾ ವಸ್ತ್ರಗಳ ಮೇಲೆ ಹೆಚ್ಚಿನ ಖರ್ಚು ಮಾಡುತ್ತೀರಿ.

ವಿದ್ಯಾರ್ಥಿಗಳು: ನೀವು ಯಾವುದೋ ಯೋಚನೆಯಲ್ಲಿ ಕೊಟ್ಟ ಮಾತುಗಳನ್ನು ಈಗ ನೆರವೇರಿಸಿ ಕೊಡಬೇಕಾಗುತ್ತದೆ.

ಪರಿಹಾರ: ಪ್ರತೀ ದಿನ ತಪ್ಪದೇ ಶ್ರೀ ನೃಸಿಂಹ ಅಷ್ಟೋತ್ತರ ಪಠಿಸಿ.

ಮಿಥುನ

ಮಿಥುನ

ಪುರುಷರು: ಗೌಪ್ಯವಾಗಿ ಇಟ್ಟಿದ್ದ ವಿಚಾರಗಳನ್ನು ಈ ವಾರ ಯಾವುದೇ ಕಾರಣಕ್ಕೂ ಕೆದಕಬೇಡಿ. ನಿಮ್ಮ ತಪ್ಪನ್ನು ತಕ್ಷಣ ಒಪ್ಪಿಕೊಂಡು ಕ್ಷಮೆ ಕೇಳಿಬಿಡಿ. ಈ ಹಿಂದೆ ಅತೀ ಆಸಕ್ತಿ ಇದ್ದ ಕೆಲ ವಿಚಾರಗಳಲ್ಲಿ ಈಗ ಕಡಿಮೆ ಆಗುತ್ತದೆ. ಅದರ ಪರಿಣಾಮ ನಿಮ್ಮ ವಿಚಾರದಲ್ಲಿ ಅಪಾರ್ಥ ಮಾಡಿಕೊಳ್ಳಬಹುದು, ಎಚ್ಚರ.

ನೀರಿನ ವ್ಯತ್ಯಾಸದಿಂದ ಆರೋಗ್ಯ ಹಾನಿ ಸಾಧ್ಯತೆ ಇದೆ. ಬಿಸಿ ಮಾಡಿ ಆರಿಸಿದ ಅಥವಾ ಶುದ್ಧ ಕುಡಿಯುವ ನೀರನ್ನೇ ಬಳಸಿ. ಸಾಲದ ವಿಚಾರದಲ್ಲಿ ತಾತ್ಸಾರ ಮಾತ್ರ ಬೇಡವೇ ಬೇಡ.

ಸ್ತ್ರೀಯರು: ನೀವು ಮಾತು ಕಡಿಮೆ ಮಾಡಲೇ ಬೇಕು. ಅಡುಗೆ ಕಲಿಯುವ ಆಸಕ್ತಿ ಹೆಚ್ಚುತ್ತದೆ. ಕೆಲ ಹೊಸ ರುಚಿಗಳನ್ನು ಕಲಿಯುವ ಸಾಧ್ಯತೆಗಳು ಸಹ ಇವೆ.

ವಿದ್ಯಾರ್ಥಿಗಳು: ಈ ಬಾರಿ ನೀವು ಬಳಸುವ ವಿಧಾನ ತಪ್ಪಿನಿಂದ ಕಾಪಾಡುವ ಸಾಧ್ಯತೆಗಳು ಇವೆ. ಆದರೆ ಈ ಪರಿಸ್ಥಿತಿ ಮರುಕಳಿಸದಂತೆ ಎಚ್ಚರವಿರಲಿ.

ಪರಿಹಾರ: ಪ್ರತೀ ದಿನ ವಿಷ್ಣು ಸಹಸ್ರನಾಮ ಪಠಿಸಿ ಅಥವಾ ಶ್ರವಣ ಮಾಡಿ.

ಕರ್ಕ

ಕರ್ಕ

ಪುರುಷರು: ಚಿಕ್ಕ ಹಿನ್ನಡೆ ವೃತ್ತಿ ಪರವಾಗಿ ಕಾಣಿಸುತ್ತಿದೆ. ಆದರೆ ಇದು ತಾತ್ಕಾಲಿಕ, ನೆನಪಿರಲಿ. ಷೇರು ಮಾರುಕಟ್ಟೆಗೆ ಇನ್ನೂ ಸ್ವಲ್ಪ ದಿನ ವಿಶ್ರಾಂತಿ ಕೊಡಿ. ನೀವು ಸಮಯ ತೆಗೆದುಕೊಂಡು ಮಾಡುವ ಕೆಲಸಗಳು ಅದ್ಭುತವಾಗಿ ಇರುತ್ತವೆ. ಆದುದರಿಂದ ಗಡಿಬಿಡಿ ಬಿಟ್ಟು ಬಿಡಿ.

ನಿಮ್ಮ ಬಳಿ ಹಣ ಇಲ್ಲದಿದ್ದರೂ ಹಿಂತಿರುಗಿಸುವಂತೆ ಒತ್ತಡ ಹೆಚ್ಚುತ್ತದೆ. ಆಶ್ಚರ್ಯದ ಕೆಲ ಬೆಳವಣಿಗೆಗಳು ಸಂತಸ ನೀಡುತ್ತದೆ. ತಂದೆಯ ಕಡೆಯಿಂದ ಲಾಭ ಆಗುತ್ತದೆ. ಕೆಟ್ಟ ಚಟ ಇಲ್ಲದವರಿಗೆ ಅಭಿವೃದ್ಧಿ ಆಗಲು ಸೂಕ್ತ ಸಮಯ.

ಸ್ತ್ರೀಯರು: ನೀವು ಮನಸಿಟ್ಟು ಮಾಡುವ ಕೆಲಸ ಪೂರ್ಣ ಅಲ್ಲದಿದ್ದರೂ ಭಾಗಶಃ ವ್ಯರ್ಥ ಆಗುವ ಸಾಧ್ಯತೆಗಳಿವೆ.

ವಿದ್ಯಾರ್ಥಿಗಳು: ತೀವ್ರ ಒತ್ತಡದಿಂದ ಸ್ವಲ್ಪ ವಿಶ್ರಾಂತಿ ಸಿಗುತ್ತದೆ.

ಪರಿಹಾರ: ಪ್ರತೀ ದಿನ ಶ್ರೀ ದುರ್ಗಾ ಅಷ್ಟೋತ್ತರ ಪಠಿಸಿ.

ಸಿಂಹ

ಸಿಂಹ

ಪುರುಷರು: ಅರಿವಿಲ್ಲದೆಯೇ ಕೆಲ ವಿರೋಧಿಗಳಿಗೆ ಸಹಾಯ ಮಾಡುತ್ತೀರಿ. ವ್ಯಾಪಾರದಲ್ಲಿ ಲಾಭ ಕಾಣಿಸುತ್ತಿದೆ. ಸಾಲ ಕೊಡಲು ಹೋಗಬೇಡಿ. ಮಾಡಿದ ಕೆಲಸಗಳನ್ನೇ ಮತ್ತೆ ಮತ್ತೆ ಮಾಡುವ ಅನಿವಾರ್ಯ ಕಾಣಿಸುತ್ತದೆ. ಕೆಲ ಪ್ರಮುಖವಾದ ವಿಚಾರಗಳಲ್ಲಿ ಆಪ್ತರ ಮೇಲೆ ಅನುಮಾನ ಬರುವ ಸಾಧ್ಯತೆಗಳಿವೆ.

ಆದರೆ, ಅದು ಉತ್ತಮ ಬೆಳವಣಿಗೆ ಅಲ್ಲ. ರಾಜಕೀಯ ಕ್ಷೇತ್ರಗಳಲ್ಲಿ ಇರುವವರಿಗೆ ಸಂಚಾರ ಹೆಚ್ಚುತ್ತದೆ. ಸುಳ್ಳು ಹೇಳುವ ಕೆಲವರು ಸಿಕ್ಕಿ ಬೀಳಲಿದ್ದಾರೆ. ಎಲ್ಲಿಯೂ ನ್ಯಾಯ ಹೇಳಲು ಹೋಗದಿರಿ.

ಸ್ತ್ರೀಯರು: ನಿಮಗೆ ಬೇಸರ ಮೂಡಿಸಿದರೂ ಕೆಲ ಕೆಲಸಗಳನ್ನು ಮಾಡಿಕೊಡುವುದು ಅನಿವಾರ್ಯ ಆಗಿಬಿಡುತ್ತದೆ.

ವಿದ್ಯಾರ್ಥಿಗಳು: ಈ ಹಿಂದಿಗಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಒತ್ತಡ ಹೇರಲಾಗುತ್ತದೆ.

ಪರಿಹಾರ: ಪ್ರತೀ ದಿನ ಶ್ರೀ ನೃಸಿಂಹ ಸ್ವಾಮಿ ಅಷ್ಟೋತ್ತರ ಪಠಿಸಿ.

ಕನ್ಯಾ

ಕನ್ಯಾ

ಪುರುಷರು: ನಿಮ್ಮ ಮೇಲೆ ಇಟ್ಟ ಭರವಸೆಗಳನ್ನು ಉತ್ತಮವಾಗಿ ನಿರ್ವಹಿಸುತ್ತೀರಿ. ಉತ್ತಮ ವಿಧಾನದಲ್ಲಿ ನಿರೀಕ್ಷಿತ ಮಟ್ಟದ ಧನ ಲಾಭ ಇದೆ. ಆಲಸ್ಯ ಬಿಟ್ಟರೆ ಇನ್ನೂ ಹೆಚ್ಚಿನ ಸಾಧನೆಗಳನ್ನು ಮಾಡಬಹುದು. ಉದ್ಯೋಗ ಸ್ಥಳದಲ್ಲಿ ಹಿರಿಯ ಅಧಿಕಾರಿಗಳು ನಿಮ್ಮನ್ನು ಹೊಗಳಿ ತಮ್ಮ ಕೆಲಸಗಳನ್ನು ಮುಗಿಸಿಕೊಳ್ಳುತ್ತಾರೆ.

ಸಂತಾನ ಆಸಕ್ತರು ಇನ್ನೂ ಸ್ವಲ್ಪ ದಿನ ಕಾಯಬೇಕು. ಕಣ್ಣೊರೆಸುವ ತಂತ್ರಗಳಿಗೆ ಮೋಸ ಹೋಗುವ ಸಾಧ್ಯತೆಗಳಿವೆ.

ಸ್ತ್ರೀಯರು: ಅನ್ಯರ ಅನವಶ್ಯಕ ಹಸ್ತಕ್ಷೇಪದಿಂದ ಚಿಂತಿತ ಕಾರ್ಯಗಳಲ್ಲಿ ವಿಘ್ನ.

ವಿದ್ಯಾರ್ಥಿಗಳು: ಬುದ್ಧಿವಂತಿಕೆಯಿಂದ ಕೆಲ ಕ್ಲಿಷ್ಟಕರ ಪರಿಸ್ಥಿತಿಗಳಿಂದ ಪಾರಾಗುತ್ತೀರಿ.

ಪರಿಹಾರ: ಪ್ರತೀ ದಿನ ಶಿವ ಅಷ್ಟೋತ್ತರ ಪಠಿಸಿ

ತುಲಾ

ತುಲಾ

ಪುರುಷರು: ಉದ್ಯೋಗ ಸ್ಥಳದಲ್ಲಿ ಮೇಲಧಿಕಾರಿಗಳು ಪರಿಸ್ಥಿತಿ ಹಾಗೂ ಪ್ರಸಕ್ತ ಸ್ಥಿತಿ-ಗತಿ ಗಣನೆಗೆ ತೆಗೆದುಕೊಳ್ಳದೆ ಶಕ್ತಿಗೂ ಮೀರಿ ಅಪೇಕ್ಷೆಯನ್ನು ನಿಮ್ಮ ಮೇಲೆ ಇಡುತ್ತಾರೆ. ಅನಿರೀಕ್ಷಿತ ಧನ ಲಾಭ ಅಥವಾ ಹಣದ ಉಳಿತಾಯ ಸ್ವಲ್ಪ ನೆಮ್ಮದಿ ಕರುಣಿಸುತ್ತದೆ.

ವಾರಾಂತ್ಯಕ್ಕೆ ಸರಿದಂತೆ ಸಂತಸ ಕೊಡುವ ದೂರ ಪ್ರಯಾಣಗಳು ಒದಗಿ ಬರಬಹುದು. ಸ್ನೇಹಿತನೊಂದಿಗೆ ಸೇರಿ ಮಾಡುತ್ತಿರುವ ವ್ಯಾಪಾರದಲ್ಲಿ ಸಹ ಲಾಭ ಬರುತ್ತದೆ. ನಿಮ್ಮ ಹೆಸರನ್ನು ಬಳಸಿ ಅನ್ಯರು ಮಾಡಿಕೊಳ್ಳುವ ಕೆಲಸಗಳತ್ತ ಗಮನ ಇರಲಿ.

ಸ್ತ್ರೀಯರು: ಮಾಸಿಕ ಋತು ಚಕ್ರದ ಸಮಯ ಇದು ಎಂದಾದರೆ ಆರೋಗ್ಯದ ವಿಚಾರದಲ್ಲಿ ಹೆಚ್ಚಿನ ಎಚ್ಚರಿಕೆಯನ್ನು ವಹಿಸಬೇಕಾಗುತ್ತದೆ.

ವಿದ್ಯಾರ್ಥಿಗಳು: ಆರೋಗ್ಯ ಬಾಧೆಗಳಿಂದಾಗಿ ಸರಿಯಾಗಿ ತರಗತಿಗಳಿಗೆ ಹೋಗಲು ಆಗುವುದಿಲ್ಲ.

ಪರಿಹಾರ: ಪ್ರತಿದಿನ ಕುಜ ಗ್ರಹದ ಅಷ್ಟೋತ್ತರವನ್ನು ಪಠಿಸಿ.

ವೃಶ್ಚಿಕ

ವೃಶ್ಚಿಕ

ಪುರುಷರು: ಬಾಳಸಂಗಾತಿಯೊಂದಿಗೆ ಮನಸ್ತಾಪ. ನೀವು ಮೌನವಾಗಿದ್ದರೆ ಉತ್ತಮ. ದೂರಪ್ರಯಾಣವನ್ನು ಕಡ್ಡಾಯವಾಗಿ ರದ್ದು ಮಾಡಿ. ಷೇರು ಮಾರುಕಟ್ಟೆಯಲ್ಲಿ ವಿನಿಯೋಗಿಸುವವರು ಕೊನೆಯ ಕ್ಷಣದ ವ್ಯತ್ಯಾಸಗಳಿಂದಾಗಿ ಆರ್ಥಿಕ ನಷ್ಟ ಅನುಭವಿಸುವ ಸಾಧ್ಯತೆ ಇದೆ.

ಆದ್ದರಿಂದ ಅತಿಯಾಸೆಯಿಂದ ಕಾಯುತ್ತ ಕೂರಬೇಡಿ. ಭೂ ವ್ಯಾಪಾರಿಗಳಿಗೆ ನಷ್ಟ ಕಟ್ಟಿಟ್ಟ ಬುತ್ತಿ. ಉದ್ಯೋಗಸ್ಥರು ಸ್ವಂತ ಹಣವನ್ನು ತಮ್ಮದೇ ಕಚೇರಿಯಲ್ಲಿ ವಿನಿಯೋಗಿಸಬೇಕಾದ ಪರಿಸ್ಥಿತಿ ಬರಬಹುದು. ಕರಿದ ಪದಾರ್ಥಗಳನ್ನು ವರ್ಜಿಸಿ.

ಸ್ತ್ರೀಯರು: ತವರು ಮನೆಯ ಜಗಳ. ನೀವು ಮಧ್ಯಸ್ಥಿಕೆ ವಹಿಸಿ ಸರಿ ಪಡಿಸಬೇಕಾಗುತ್ತದೆ.

ವಿದ್ಯಾರ್ಥಿಗಳು: ಆಯ್ಕೆಯ ವಿಚಾರದಲ್ಲಿ ನಿರ್ದಿಷ್ಟತೆ ಹಾಗೂ ಸ್ಪಷ್ಟತೆ ಇರಲಿ. ಮನಸ್ಸನ್ನು ಗೊಂದಲ ಮಾಡಿಕೊಳ್ಳಬೇಡಿ.

ಪರಿಹಾರ : ಪ್ರತೀ ದಿನ ಶ್ರೀ ರಾಮ ರಕ್ಷಾ ಸ್ತೋತ್ರವನ್ನು ಪಠಿಸಿ.

ಧನುಸ್ಸು

ಧನುಸ್ಸು

ಪುರುಷರು: ಹೊಸದಾಗಿ ವ್ಯಾಪಾರ ಮಾಡುವ ಆಲೋಚನೆಗಳು ಬರಬಹುದು. ಆದರೆ ಅದು ಎಲ್ಲರ ಕೈ ಹಿಡಿಯುವುದು ಮಾತ್ರ ಅನುಮಾನ. ಚಲನಚಿತ್ರ ರಂಗದಲ್ಲಿ ಇರುವವರಿಗೆ ಅತುತ್ತಮ ಅವಕಾಶಗಳು ಹುಡುಕಿಕೊಂಡು ಬರುವ ಸಾಧ್ಯತೆಗಳಿವೆ.

ಪ್ರೀತಿಸಿದವರೊಂದಿಗೆ ದೂರ ಪ್ರಯಾಣ ಯೋಗ ಇದೆ. ಕೊಟ್ಟ ಮಾತಿನಂತೆ ನಡೆದುಕೊಳ್ಳಲು ಕೆಲ ಪ್ರಮುಖ ಬದಲಾವಣೆಗಳನ್ನು ಮಾಡಿಕೊಳ್ಳುತ್ತೀರಿ. ಮಕ್ಕಳ ಆರೋಗ್ಯದ ವಿಚಾರದಲ್ಲಿ ಎಚ್ಚರ. ಭೂಮಿಗೆ ಸಂಬಂಧಿಸಿದ ನ್ಯಾಯಾಲಯದ ದಾವೆಗಳಲ್ಲಿ ಹಿನ್ನಡೆ ಇದೆ ಮುಂದಿನ ತಾರೀಖು ಪಡೆಯುವುದು ಉತ್ತಮ.

ಸ್ತ್ರೀಯರು: ಸಹೋದರರೊಂದಿಗೆ ಮನಸ್ತಾಪ ಕಾಣಿಸುತ್ತಿದೆ.

ವಿದ್ಯಾರ್ಥಿಗಳು: ಕಬ್ಬಿಣದ ಕಡಲೆಯಂತಿದ್ದ ಗಣಿತ ಈ ವಾರ ಸ್ವಲ್ಪ ಸುಲಭ ಅನಿಸಬಹುದು

ಪರಿಹಾರ: ಪ್ರತೀ ದಿನ ಶ್ರೀ ದತ್ತಾತ್ರೇಯ ವಜ್ರ ಕವಚ ಸ್ತೋತ್ರವನ್ನು ಪಠಿಸಿ

ಮಕರ

ಮಕರ

ಪುರುಷರು: ವ್ಯಾಪಾರದಲ್ಲಿ ತೀವ್ರ ನಷ್ಟ ಅನುಭವಿಸುವ ಸಾಧ್ಯತೆಗಳಿವೆ. ಅದರಲ್ಲಿಯೂ ಷೇರು ಮಾರುಕಟ್ಟೆಯಲ್ಲಿ ವಿನಿಯೋಗಿಸಿದ್ದಲ್ಲಿ ಎಚ್ಚರಿಕೆ ಅತ್ಯವಶ್ಯ. ರಾಜಕೀಯದಲ್ಲಿ ಇರುವವರಿಗೆ ಭೂ ವಿವಾದ ಒಂದು ಸುತ್ತಿಕೊಳ್ಳುವ ಸಾಧ್ಯತೆಗಳು ಸ್ಪಷ್ಟವಾಗಿ ಕಾಣಿಸುತ್ತಿದೆ.

ಪ್ರೀತಿ- ಪ್ರೇಮ ವಿಚಾರಗಳಲ್ಲಿ ಸಿಲುಕಿರುವವರಿಗೆ ಕಷ್ಟದ ಸಮಯ. ಹೆಚ್ಚಿನ ವಿಶ್ರಾಂತಿ ಬೇಕಾಗುತ್ತದೆ. ವಾಹನ ಚಾಲನೆ ಮಾಡುವಾಗ ಎಚ್ಚರ ಇರಲಿ. ಸಾಮೂಹಿಕ ವಾಹನ ಬಳಸಿದಲ್ಲಿ ಉತ್ತಮ. ಶತ್ರುಗಳ ಮುಂದೆ ಮಾತ್ರ ತಲೆ ಎತ್ತಿ ನಡೆಯುವ ಯೋಗ ಕಾಣಿಸುತ್ತಿದೆ.

ಸ್ತ್ರೀಯರು: ಸಾಲ ಕೇಳಬೇಡಿ, ಸಿಗುವುದಿಲ್ಲ. ಕೊಡಲೂ ಬೇಡಿ, ತಿರುಗಿ ಬರುವುದಿಲ್ಲ.

ವಿದ್ಯಾರ್ಥಿಗಳು: ಸರಿಯಾಗಿ ಅರ್ಥ ಮಾಡಿಕೊಂಡಿದ್ದೇನೆ ಎಂದುಕೊಂಡಿರುವ ವಿಷಯಗಳು ತಪ್ಪಾಗಿರುವ ಸಾಧ್ಯತೆಗಳು ಇವೆ. ಪುನಃ ಪರಿಶೀಲಿಸಿಕೊಳ್ಳಿ.

ಪರಿಹಾರ: ಪ್ರತೀ ದಿನ ಸುಬ್ರಹ್ಮಣ್ಯ ದೇವರ ಅಷ್ಟೋತ್ತರ ಪಠಿಸಿ

ಕುಂಭ

ಕುಂಭ

ಪುರುಷರು: ಕೆಲ ಪ್ರಮುಖ ಜಾಗಗಳಲ್ಲಿ ಅವಮಾನ ಆಗುವ ಸಾಧ್ಯತೆಗಳಿವೆ. ಕೆಲಸ ಕಾರ್ಯಗಳಲ್ಲಿ ನಿಮ್ಮನ್ನು ಕಡೆಗಣಿಸುತ್ತಾರೆ. ವ್ಯಾಪಾರಿಗಳಿಗೆ ಲಾಭ ಇದೆ. ಹಳೆಯ ಸ್ನೇಹಿತರು ದುಃಖ- ಚಿಂತೆಗಳನ್ನು ದೂರ ಮಾಡುವ ಪ್ರಯತ್ನ ಮಾಡುತ್ತಾರೆ. ಆದರೆ ನೀವು ಸಹ ಸರಿಯಾಗಿ ಸ್ಪಂದಿಸ ಬೇಕು ಅಷ್ಟೇ.

ಅರೋಗ್ಯ ಸರಿ ಇದ್ದಲ್ಲಿ ಸ್ನೇಹಿತರೊಂದಿಗೆ ಸ್ವಲ್ಪ ತಿರುಗಾಡಿ ಬನ್ನಿ. ಸಹೋದರರೊಂದಿಗೆ ಮನಸ್ತಾಪ ಜಗಳ ಆಗಬಹುದು. ಆಗದವರ ಮಾತು ನಂಬಿ ಮಕ್ಕಳು ಮಾತನ್ನು ಕೇಳುವುದಿಲ್ಲ

ಸ್ತ್ರೀಯರು: ಮನರಂಜನೆ ನೀಡುವ ವಿರಾಮದ ಅವಶ್ಯಕತೆ ಇದೆ.

ವಿದ್ಯಾರ್ಥಿಗಳು: ಶಾಲೆಯಲ್ಲಿ ಸಂಬಂಧ ಇರದ ಕೆಲಸಗಳನ್ನು ಸಹ ವಹಿಸುತ್ತಿದ್ದಾರೆ. ಅದರಿಂದಾಗಿ ವಿದ್ಯೆಯತ್ತ ಹೆಚ್ಚಿನ ಗಮನ ಕೊಡಲು ಆಗುತ್ತಿಲ್ಲ ಅನಿಸುತ್ತದೆ.

ಪರಿಹಾರ: ಪ್ರತೀ ದಿನ ಮಹಾ ವಿಷ್ಣು ಅಷ್ಟೋತ್ತರ ಪಠಿಸಿ

ಮೀನ

ಮೀನ

ಪುರುಷರು: ಹಿರಿಯರು, ಮಕ್ಕಳೊಂದಿಗೆ ಕಲಹ ಮಾಡಿಕೊಳ್ಳುವ ಸಾಧ್ಯತೆಗಳಿವೆ. ಆದರೆ ಅದು ತಾತ್ಕಾಲಿಕ. ಆದರೆ ಉಳಿದವರು ಬಾಳ ಸಂಗಾತಿಯೊಂದಿಗೆ ಮಾತ್ರ ಜಗಳ- ಮನಸ್ತಾಪಗಳು ಆಗದಂತೆ ನೋಡಿಕೊಳ್ಳಿ. ಕಾರಣ ಅದು ದೀರ್ಘಕಾಲಿಕದಂತೆ ಕಾಣಿಸುತ್ತಿದೆ.

ಅಧ್ಯಾಪಕ, ವಾರ್ತಾ ವಾಚಕ, ನ್ಯಾಯವಾದಿ ಇತ್ಯಾದಿ ವೃತ್ತಿಗಳಲ್ಲಿ ಇರುವವರಿಗೆ ಸ್ವಲ್ಪ ಹಿನ್ನಡೆ ಆಗುತ್ತದೆ. ಅವಿವಾಹಿತರ ವಿವಾಹ ಕಾರ್ಯಗಳು ವೇಗ ಪಡೆಯುತ್ತವೆ. ವೃಥಾ ಚಿಂತೆಗಳನ್ನು ಮಾಡಬೇಡಿ. ವ್ಯಾಪಾರಿಗಳಿಗೆ ಲಾಭದ ಕೊರತೆ ಆಗದು.

ಸ್ತ್ರೀಯರು: ಜವಾಬ್ದಾರಿ ಹೊರುತ್ತೇನೆ ಎನ್ನುತ್ತ ಮುನ್ನುಗ್ಗ ಬೇಡಿ, ಶಾಂತವಾಗಿರಿ.

ವಿದ್ಯಾರ್ಥಿಗಳು: ಸದಾ ಸಹಕರಿಸುತ್ತಿದ್ದ ಗುರುಗಳು ತುಸು ಕೋಪಗೊಳ್ಳಬಹುದು.

ಪರಿಹಾರ: ಪ್ರತೀ ದಿನ ಆದಿತ್ಯ ಹೃದಯ ಸ್ತೋತ್ರವನ್ನು ಪಠಿಸಿ

Daily Astrology 10/07/2017 : Future Predictions For 12 Zodiac Signs | Oneindia Kannada
English summary
Read your Weekly forecast on the horoscope provided by Oneindia Kannada. We provide online free weekly prediction including your personal, professional and love life.
Please Wait while comments are loading...