ಕನ್ಯಾ : ಚಿನ್ನ ಅಥವಾ ಬೆಳ್ಳಿ ಖರೀದಿ ಯೋಗ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ಬಹಳ ಕಷ್ಟಪಟ್ಟರೆ ಮಾತ್ರ ಚಿನ್ನ ಅಥವಾ ಬೆಳ್ಳಿಯನ್ನು ಖರೀದಿಸುವ ಯೋಗವಿದೆ. ಇನ್ನೂ ಹೇಳಬೇಕೆಂದರೆ ಚಿಕ್ಕ ಪ್ರಮಾಣದಲ್ಲಿ ಆದರೂ ಈ ತಿಂಗಳು ಖರೀದಿಸಿ, ನಿಮಗೆ ಒಳ್ಳೆಯದು. ಕೋರ್ಟು-ಕಚೇರಿಗಳಲ್ಲಿ ವಾಯಿದೆಗಳು ಸಿಗದೆ ಸ್ವಲ್ಪ ಪರದಾಡಬೇಕಾಗುತ್ತದೆ.

ವೈದ್ಯ ವೃತ್ತಿಯಲ್ಲಿ ಇರುವವರಿಗೆ ತಕ್ಕ ಮಟ್ಟಿಗೆ ಯಶಸ್ಸು ಇದೆ. ರಾತ್ರಿ ಪ್ರಯಾಣಗಳನ್ನು ಆದಷ್ಟು ತಪ್ಪಿಸಲು ಪ್ರಯತ್ನಿಸಿ. ಇನ್ನು ರಾತ್ರಿ ಪಾಳಿಯ ಉದೋಗಿಗಳು ಎಚ್ಚರ ವಹಿಸಿ. ಬಹಳ ದಿನಗಳಿಂದ ನಿಂತು ಹೋಗಿದ್ದ ಶುಭ ಕಾರ್ಯಗಳಿಗೆ ಚಾಲನೆ ಸಿಗಲಿದೆ. ನಿಮ್ಮ ಮಕ್ಕಳ ಮದುವೆ ಆಗಿಲ್ಲ ಎಂದಾದಲ್ಲಿ ಈ ತಿಂಗಳಿನಲ್ಲಿ ಪ್ರಯತ್ನಿಸಿದರೆ ಕಂಕಣ ಭಾಗ್ಯ ಕೂಡಿ ಬರುವ ಸಾಧ್ಯತೆ ಹೆಚ್ಚಿದೆ.

Virgo monthly horoscope in Kannada for July 2017

ಭೂಮಿ ಖರೀದಿಯ ಆಲೋಚನೆಗಳಿದ್ದರೆ ಅಥವಾ ಖರೀದಿಸಿದ ಭೂಮಿಯಲ್ಲಿ ಗೃಹ ನಿರ್ಮಾಣ ಮಾಡುವ ಆಲೋಚನೆಗಳಿದ್ದರೆ ಮುಂದುವರಿಯಲು ಇದು ಸರಿಯಾದ ಸಮಯ.

ಸ್ತ್ರೀಯರು: ವಿಶೇಷವಾಗಿ ಅಡುಗೆ ಮನೆಯಲ್ಲಿ ಅಥವಾ ಎಲ್ಲೆ ಆದರೂ ಎಣ್ಣೆ ಪದಾರ್ಥಗಳಿಂದ ಎಚ್ಚರ ವಹಿಸಿ. ಅದರ ಉತ್ಪನ್ನಗಳಿಂದಲೂ ಸಹ ತೊಂದರೆ ಆಗಬಹುದು. ತವರು ಮನೆಯಲ್ಲಿ ಭೂಮಿ ವಿಚಾರವಾಗಿ ಸಮಾಧಾನವಾಗದ ಉತ್ತರ ಅಥವಾ ಪ್ರತಿಕ್ರಿಯೆ ದೊರಕುತ್ತದೆ.

ಸಹಾಯ ಬೇಡಲು ಯಾರ ಬಳಿಯೂ ಹೋಗದಿರಿ. ಕಾರಣ ನಿಮ್ಮನ್ನು ಬಹಳ ತುಚ್ಛವಾಗಿ ಕಾಣುತ್ತಾರೆ. ದುರುಪಯೋಗಕ್ಕೆ ಸಹ ಪ್ರಯತ್ನಿಸಬಹುದು. ತಿಂಗಳಾಂತ್ಯಕ್ಕೆ ಸರಿದಂತೆ ಸ್ವಲ್ಪ ಒಂಟಿತನ ಕಾಡುತ್ತದೆ. ನೂತನ ದ್ವಿಚಕ್ರ ವಾಹನದ ಖರೀದಿ ಯೋಗವಿದೆ ಅಥವಾ ಅದೇ ವಿಚಾರವಾಗಿ ಓಡಾಟಗಳು ಕಂಡುಬರುತ್ತಿದೆ.

ಅದೇ ವಿಧದಲ್ಲಿ ಕೆಲಸದ ಒತ್ತಡಗಳೂ ಹೆಚ್ಚಾಗಬಹುದು. ಸೊಂಟದ ಭಾಗ ಹಾಗೂ ಕಾಲುಗಳಲ್ಲಿ ನೋವು ಹೆಚ್ಚಾಗಿ ಸ್ವಲ್ಪ ಕಷ್ಟ ಪಡ ಬೇಕಾಗಬಹುದು. ಆಂಗ್ಲ ವೈದ್ಯ ಪದ್ಧತಿ ಬದಲು ಆಯುರ್ವೇದಕ್ಕೆ ಮೊರೆ ಹೋಗುವುದು ಉತ್ತಮ ಹಾಗೂ ದೀರ್ಘಾವಧಿಯಲ್ಲಿ ಉತ್ತಮ ಫಲ ಸಿಗುತ್ತದೆ.

ವಿದ್ಯಾರ್ಥಿಗಳು: ವ್ಯಸನಗಳನ್ನು ನಿಮಗೆ ಕಲಿಸುವ ಸಾಧ್ಯತೆಗಳಿವೆ, ನೆನಪಿಡಿ. ಯಾವುದೇ ಅನಗತ್ಯ ಮನರಂಜನೆ ಒಂದು ವ್ಯಸನ. ಯಾವುದಕ್ಕೆ ಪ್ರಾಮುಖ್ಯ ಕೊಡಬೇಕು, ಅದೂ ಎಷ್ಟು ಪ್ರಮಾಣದಲ್ಲಿ ಎಂದು ನೀವು ಅರಿಯಲೇ ಬೇಕು. ಈ ತಿಂಗಳು ಅನವಶ್ಯಕ ವಿಷಯ ಹಾಗೂ ವಿಚಾರಧಾರೆಗಳತ್ತ ಮನಸ್ಸು ಹೆಚ್ಚು ವಾಲುತ್ತದೆ.

ಪರಿಹಾರ: ಪ್ರತಿದಿನ ಅಡುಗೆ ಮನೆಯಲ್ಲಿ ಒಂದು ದೊಡ್ಡ ಪಾತ್ರೆಯಲ್ಲಿ ಸ್ನಾನದ ನಂತರ ಒಂದು ಮುಷ್ಟಿ ಅಕ್ಕಿ ತೆಗೆದಿಡಿ. ತಿಂಗಳ ಕೊನೆ ದಿನ ಕೊನೇ ಮುಷ್ಟಿ ಅಕ್ಕಿ ತೆಗೆದು ಪಾತ್ರೆಯಲ್ಲಿ ಹಾಕಿದ ನಂತರ ಆ ಅಕ್ಕಿಯಲ್ಲಿ ಅನ್ನ ಮಾಡಿ. ಅದಕ್ಕೆ ಬೆಲ್ಲ ಸೇರಿಸಿ. ದುರ್ಗಾ ದೇಗುಲದಲ್ಲಿ ನೈವೇದ್ಯ ಮಾಡಿಸಿ, ಹಂಚಿ.

Saturn transit in Sagittarius How impact on Virgo sign

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Get the complete month predictions of august 2017. Read monthly horoscope of Virgo in Kannada. Get free monthly horoscope, astrology and monthly predictions in Kannada.
Please Wait while comments are loading...