ವೃಷಭ : ನೀರಿನಿಂದ ಆರೋಗ್ಯ ಹಾನಿ ಸಾಧ್ಯತೆ, ಎಚ್ಚರ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು : ವಿವಾಹ ಮಾತುಕತೆಗಳು ನಡೆಯುತ್ತ ಇದ್ದಲ್ಲಿ ಸ್ವಲ್ಪ ಮುಂದೆ ಹಾಕಬಹುದು. ಶಾರೀರಿಕವಾಗಿ ಆಯಾಸ ಹೆಚ್ಚಾದಂತೆ ಅನಿಸುತ್ತದೆ. ಯಾವುದೇ ವಿಚಾರಗಳಲ್ಲಿ ಸ್ಪಷ್ಟತೆ ಕಾಣುವುದಿಲ್ಲ. ದಿನ ಕಳೆದಂತೆ ಕೆಲ ವಿಚಾರಗಳು ಇನ್ನೂ ಕಗ್ಗಂಟು ಆಗುತ್ತ ಸಾಗುತ್ತದೆ.

ನೀರಿನ ವ್ಯತ್ಯಾಸದಿಂದಾಗಿ ಸ್ವಲ್ಪ ಆರೋಗ್ಯ ಹಾನಿ ಆಗುವ ಸಾಧ್ಯತೆಗಳು ಕಾಣಿಸುತ್ತಿದೆ. ಹೊಸದಾಗಿ ವ್ಯಾಪಾರ ಮಾಡುವ ಆಲೋಚನೆಗಳು ಬರುತ್ತವೆ ಅದೇ ಸಂದರ್ಭದಲ್ಲಿ ಹಣ ಸಹ ಸಿಗಲಿದೆ ಅಥವಾ ಆರ್ಥಿಕವಾಗಿ ಸಹಾಯ ಮಾಡಲು ಕೆಲವು ಸ್ನೇಹಿತರು ಸಿದ್ದರಾಗಬಹುದು. ಹೊಸ ವಸ್ತ್ರ ಖರೀದಿ ಸಾಧ್ಯತೆ ಇದೆ.

Taurus monthly horoscope in Kannada for July 2017

ನ್ಯಾಯಾಲಯದಲ್ಲಿ ದಾವೆಗಳು ಇದ್ದಲ್ಲಿ ಇದೇ ತಿಂಗಳಲ್ಲಿ ತೀರ್ಪು ಪ್ರಕಟ ಆಗೋದಾದಲ್ಲಿ ನಿಮ್ಮ ಪರವಾಗಿ ತೀರ್ಪನ್ನು ನಿರೀಕ್ಷಿಸಬಹುದು. ಇಲ್ಲ ನಿಮಗೆ ಸಮಾಧಾನ ಆಗುವ ಸಂಧಾನ ಆದರು ಲಭಿಸುವ ಯೋಗ ಕಾಣಿಸುತ್ತಿದೆ. ಚಲನಚಿತ್ರ ರಂಗ ಹಾಗು ಸಂಗೀತ ನೃತ್ಯ ಇತ್ಯಾದಿ ಕಲೆ ಸಂಬಂಧಿತ ಕ್ಷೇತ್ರದಲ್ಲಿ ಇರುವವರಿಗೆ ಉತ್ತಮ ಮಾಸ ಆಗಿ ಮೂಡಿಬರುವುದು. ಅವಿವಾಹಿತರಿಗೆ ನಿಮಗೆ ಇಷ್ಟ ಆಗಬಹುದಾದ ಹುಡುಗಿ ನಿಮ್ಮ ಕಣ್ಣಿಗೆ ಬೀಳುವ ಸಮಯ.

ಸ್ತ್ರೀಯರು : ಅರ್ಥಿಕವಾಗಿ ಸದೃಢ ಆಗುತ್ತಿರುವ ಅನುಭವ ಆಗುತ್ತದೆ. ನಿಮ್ಮ ಸೌಂದರ್ಯ ಹೆಚ್ಚುತ್ತದೆ. ನಿಮ್ಮ ಮೋಹದಲ್ಲಿ ಬೀಳುವವರ ಸಂಖ್ಯೆ ವೃದ್ಧಿಸಲಿದೆ. ನೀವು ಆರ್ಥಿಕ ವಿಚಾರದಲ್ಲಿ ಈ ಹಿಂದೆ ಎಲ್ಲಿ ಎಡವಿದ್ದಿರಿ ಎಂದು ನಿಮ್ಮ ಗಮನಕ್ಕೆ ಬರುತ್ತದೆ. ವಿಚ್ಧೇದನ ಬಯಸಿ ಆ ವಿಚಾರದಲ್ಲಿ ಒಡಾಡುತ್ತಿರುವವರು ತಮ್ಮ ಸಂಬಂಧ ಸುಧಾರಿಸಿಕೊಳ್ಳಲು ಉತ್ತಮ ಅವಕಾಶ ಲಭಿಸುತ್ತದೆ. ನಿಮ್ಮ ಹಾಗು ನಿಮ್ಮ ಬಾಳಸಂಗಾತಿಯ ನಡುವಿನ ಭಿನ್ನಾಭಿಪ್ರಾಯಗಳು ಶಮನ ಆಗುವ ಸಮಯ.

ತಿಂಗಳ ಮಧ್ಯ ಭಾಗದ ನಂತರ ಬಹಳ ಪ್ರಮುಖವಾಗಿ ಅನಿಸುವುದು ಎಂದರೆ ಕೈಗೆ ಬಂದದ್ದು ಬಾಯಿಗೆ ಬರುತ್ತಿಲ್ಲ ಎಂದು. ಕಾರಣ ನೀವು ಕಷ್ಟ ಪಟ್ಟು ಮಾಡಿದ ಕೆಲಸಗಳು ನಿಷ್ಪ್ರಯೋಜಕವಾಯಿತು ಅನಿಸುತ್ತದೆ. ಹಿರಿಯರ ಸೇವೆ ಮಾಡುವ ಯೋಗ ದೊರೆಯುತ್ತದೆ. ಆದರೆ ನೀವು ಮಾತ್ರ ಸಿಟ್ಟು ಮಾಡಿಕೊಳ್ಳದೇ ಸಂತೋಷವಾಗಿ ಮಾಡ ಬೇಕಾಗುತ್ತದೆ.

ವಿದ್ಯಾರ್ಥಿಗಳು : ಕಲಾ ವಿಭಾಗದ ವಿದ್ಯಾರ್ಥಿಗಳಿಗೆ ಸುವರ್ಣ ಸಮಯ! ಉತ್ತಮ ಅವಕಾಶಗಳು ಲಭಿಸುತ್ತವೆ. ನೀವು ಕೆಲವರನ್ನು ಮರೆತಿದ್ದರೂ ಅವರು ನಿಮ್ಮನ್ನು ಮರೆಯದೇ ನಿಮ್ಮ ಬಳಿಗೆ ಅವರೇ ಬಂದು ನಿಮ್ಮನ್ನು ಆಯಿಕೆ ಮಾಡಿ ಪ್ರೋತ್ಸಾಹಿಸುತ್ತಾರೆ.

ಓದಿನ ವಿಚಾರದಲ್ಲಿ ಮಾತ್ರ ಆಲಸ್ಯ ಸ್ವಲ್ಪ ಹೆಚ್ಚಿಗೆ ಸಮಸ್ಯೆ ನೀಡುತ್ತದೆ. ನಾಳೆ ನೋಡೋಣ ನಾಳೆ ಓದೋಣ ಎಂದು ಓದಬೇಕಾಗಿರುವುದನ್ನು ಮುಂದೂಡುತ್ತೀರಿ. ಅದರ ಪರಿಣಾಮ ವಿದ್ಯೆ ವಿಚಾರದಲ್ಲಿ ಹಿನ್ನಡೆ ಉಂಟಾಗಬಹುದು.

ಪರಿಹಾರ : ತಪ್ಪದೇ ಪ್ರತೀ ದಿನ ಶ್ರೀ ದತ್ತಾತ್ರೇಯ ವಜ್ರ ಕವಚ ಸ್ತೋತ್ರವನ್ನು ಪಠಿಸಿ.

English summary
Get the complete month predictions of July 2017. Read monthly horoscope of Taurus in Kannada. Get free monthlyne horoscope, astrology and monthly predictions in Kannada.
Please Wait while comments are loading...