ವೃಶ್ಚಿಕ: ದೂರದ ಊರಿಗೆ ಪ್ರಯಾಣ ಸಾಧ್ಯತೆ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ಉದ್ಯೋಗ ನಿಮಿತ್ತ ವಿದೇಶ ಅಥವಾ ದೂರದ ಊರಿಗೆ ಪ್ರಯಾಣ ಸಾಧ್ಯತೆಗಳಿವೆ. ನಿಮ್ಮ ಲಾಭದ ದೊಡ್ಡ ಅಂಶ ಕೇವಲ ಮಾತಿನ ಎಡವಟ್ಟಿನಿಂದ ಕಡಿಮೆ ಆಗುವ ಲಕ್ಷಣಗಳು ಕಾಣಿಸುತ್ತಿವೆ. ಹಾಲು ಹಾಗೂ ಅದರ ಉತ್ಪನ್ನ ಹಾಗೂ ಹೋಟೆಲ್ ಉದ್ಯಮದಲ್ಲಿ ಇರುವವರಿಗೆ ಸ್ವಲ್ಪ ಕಷ್ಟದ ಸಮಯ.

ನಿಮಗೆ ಸರಕು ಅತ್ಯಂತ ಕಡಿಮೆ ಬೆಲೆಗ್ವ್ ಸಿಕ್ಕರೂ ಆ ಸರಕಿನಿಂದ ನೀವು ತಯಾರಿಸಿದ ಮಾಲಿಗೆ ಬೇಡಿಕೆ ಸಹ ಕಡಿಮೆ ಆಗಿ, ಸಮಸ್ಯೆ ತಲೆದೋರುತ್ತದೆ. ಹಠದ ಸ್ವಭಾವದಿಂದಾಗಿ ಸ್ನೇಹಿತರಲ್ಲಿ ಕಲಹ- ವೈಮನಸ್ಸು ಆಗುವ ಸಾಧ್ಯತೆಗಳು ಹೆಚ್ಚು. ತಿಂಗಳಿನ ಮಧ್ಯಭಾಗದ ನಂತರ ಒಂಥರಾ ಒಬ್ಬಂಟಿ ಭಾವನೆ ಹೆಚ್ಚಾಗುತ್ತದೆ.

ಅವಿವಾಹಿತರಿಗೆ ವಿವಾಹ ಭಾಗ್ಯ ಇದೆ. ಆದರೆ ಆ ವಿಚಾರದಲ್ಲಿ ಬಹಳ ಕಷ್ಟ ಹಾಗೂ ವಿಘ್ನಗಳು ಕಾಡುತ್ತವೆ. ಪ್ರೇಮ ನಿವೇದನೆಯನ್ನು ಮಾಡುವ ವ್ಯಕ್ತಿ ನೀವಲ್ಲ ಆದರೂ ಈಗ ಆ ಪ್ರಯತ್ನ ಬೇಡ, ತಿರಸ್ಕಾರ ಖಚಿತ ! ಕೆಲ ದೊಡ್ಡ ಜವಾಬ್ದಾರಿ, ಕೆಲಸಗಳನ್ನು ಮುಗಿಸಿದ ನೆಮ್ಮದಿ ಕೆಲ ಹಿರಿಯರಿಗೆ ಲಭಿಸಲಿದೆ.

Scorpio monthly horoscope

ಸ್ತ್ರೀಯರು: ಆರೋಗ್ಯದತ್ತ ಹೆಚ್ಚಿನ ಗಮನ, ಜಾಗ್ರತೆ ಅವಶ್ಯ. ಆದಷ್ಟು ಹೆಚ್ಚು ವಿಶ್ರಾಂತಿ ಪಡೆಯಿರಿ. ದೂರ ಪ್ರಯಾಣಗಳನ್ನು ವರ್ಜಿಸಿದರೆ ಉತ್ತಮ. ವಿವಾಹಿತರಿಗೆ ಬಾಳಸಂಗಾತಿಯೊಂದಿಗೆ ಚಿಕ್ಕ ಪುಟ್ಟ ಸಮಸ್ಯೆಗಳು ಹೆಚ್ಚಾಗುತ್ತವೆ. ಮೂಲ ಅವಶ್ಯಕತೆಗಳು ನಿಮ್ಮ ಬಾಳಸಂಗಾತಿ ಕಡೆಗಣಿಸುತ್ತಿರುವ ಅನುಭವ ಆಗುತ್ತದೆ.

ಮಾಸಿಕ ಋತು ಚಕ್ರದಲ್ಲಿ ಏರುಪೇರು ಕಾಣುತ್ತಿದೆ. ಅದಕ್ಕೆ ನಿಮ್ಮ ಒತ್ತಡದ ಜೀವನ ಶೈಲಿ ಹಾಗೂ ಅಧಿಕವಾದ ಆಂಗ್ಲ ಔಷಧ ಪದ್ಧತಿ ಕಾರಣ. ಅವಿವಾಹಿತ ಹೆಣ್ಣುಮಕ್ಕಳಿಗೆ ವಿವಾಹದ ಲಕ್ಷಣ ಕಾಣುತ್ತಿಲ್ಲ ಎನ್ನುವುದೇ ದುಃಖದ ಸಂಗತಿ. ನಿಮ್ಮ ಸ್ನೇಹಿತರನ್ನು ಅಥವಾ ಪ್ರಿಯಕರನ ಎಲ್ಲ ಮಾತುಗಳನ್ನು ಕಣ್ಣು ಮುಚ್ಚಿ ನಂಬಿ, ಮೋಸ ಹೋಗುವ ಸಾಧ್ಯತೆಗಳು ಇವೆ.

ನಿರ್ಣಯಗಳನ್ನು ತೆಗೆದುಕೊಳ್ಳುವ ಮುನ್ನ ನಿಮ್ಮ ಹಿರಿಯರನ್ನು ಅವಶ್ಯ ಸಂಪರ್ಕಿಸಿ. ಆತುರದ ನಿರ್ಧಾರ ಎಂದೂ ಉತ್ತಮ ಮಾರ್ಗವಲ್ಲ.

ವಿದ್ಯಾರ್ಥಿಗಳು: ನೀವು ಮಾತನಾಡಬೇಕು ಅಂದುಕೊಂಡರೂ ಮಾತನಾಡಲು ಆಗುವುದಿಲ್ಲ. ಇಲ್ಲಿ ಸಮಸ್ಯೆ ಅಂದರೆ ನೀವು ಮಾತನಾಡುವುದೇ ಒಂದಾದರೆ, ಅದಕ್ಕೆ ನೀವು ಊಹಿಸದ ಬೇರೆಯ ಒಂದು ಹೊಸದಾದ ಅರ್ಥವನ್ನು ಕೊಟ್ಟು ಆರೋಪಿ ಮಾಡಲಾಗುವುದು. ಆದುದರಿಂದ ಮಾತನಾಡುವ ಮೊದಲು ಯೋಚಿಸಿ, ಮಾತನಾಡಿ.

ಭಾಷಣ ಸ್ಪರ್ಧೆಯಲ್ಲಿ ಭಾಗವಹಿಸಬೇಡಿ ಎಂದು ಹೇಳದೇ ಇದ್ದರೂ =ಅಲ್ಲಿ ಗೆಲ್ಲದೆ ಇದ್ದರೆ ಅದನ್ನೇ ಮನಸಿಗೆ ತೆಗೆದುಕೊಳ್ಳಬೇಡಿ. ವಿದೇಶ ಅಥವಾ ದೂರದೂರಿನಲ್ಲಿ ವಿದ್ಯಾಭಾಸ ಈ ತಿಂಗಳು ಕಷ್ಟ ಎಂದು ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಅಯೋಗ್ಯರಿಗೆ ಮನ್ನಣೆ ಸಿಗುತ್ತಿದೆ, ನಿಮಗೆ ಸಿಗುತ್ತಿಲ್ಲ ಎಂದು ನಿಮಗನಿಸುತ್ತದೆ. ಸ್ನೇಹಿತರು ಸಹಾಯ ಮಾಡುವುದಿಲ್ಲ ಹಾಗೂ ಶಾಲೆಯಲ್ಲಿ ಶುಲ್ಕ ಕಟ್ಟಲಾಗದೇ ಪರದಾಡಬೇಕಾದ ಸ್ಥಿತಿ ಇರುತ್ತದೆ.

ಪರಿಹಾರ: ವೇದ ಶಾಸ್ತ್ರ ಪಾರಂಗತರಾದ ಉತ್ತಮ ಪುರೋಹಿತರ ಮೂಲಕ ಸಂಪುಟಿ ವಿಧಾನದಲ್ಲಿ ಸಪ್ತಶತೀ ಚಂಡಿಕಾ ಪಾರಾಯಣ ಮಾಡಿಸಿ, ಮುತ್ತೈದೆಯರಿಗೆ ಬಾಗಿನ ಕೊಡಿ. (ಸಂಪುಟಿಗೆ ಶ್ಲೋಕ :- ಸರ್ವಮಂಗಳಮಾಂಗಲ್ಯೆ ಪೂರ್ಣ ಶ್ಲೋಕ)

English summary
Get the complete month predictions of June 2017. Read monthly horoscope of Scorpio in Kannada. Get free monthly horoscope, astrology and monthly predictions in Kannada.
Please Wait while comments are loading...