ವೃಶ್ಚಿಕ : ಸಮಸ್ಯೆ ತಿಂಗಳ ಮಧ್ಯದಿಂದ ಆರಂಭ!

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ತಿಂಗಳ ಮೊದಲ ಅರ್ಧದಲ್ಲಿ ವ್ಯಾವಹಾರಿಕ ಅಭಿವೃದ್ಧಿ ವಿಶೇಷವಾಗಿ ಕಾಣುತ್ತಿಲ್ಲ. ಆದರೂ ತಿಂಗಳ ಕೊನೆಯ ಭಾಗ ಉತ್ತಮ ಸ್ಥಿತಿ ಇದೆ. ನಿಮ್ಮಲ್ಲಿ ಇರುವ ಯಾವುದೋ ಒಂದು ಬೆಲೆಬಾಳುವ ವಸ್ತು ಒಂದನ್ನು ಮಾರಾಟ ಮಾಡುವ ಸಾಧ್ಯತೆಗಳಿವೆ.

ಸಹೋದರರು ರಾಜಕೀಯದಲ್ಲಿ ಇದ್ದರೆ ನಿಮ್ಮ ಸಹಾಯ ಅವರಿಗೆ ಬೇಕಾಗುತ್ತದೆ. ಸರಕಾರಿ ಶಾಲೆಯ ಅಧ್ಯಾಪಕರಿಗೆ ಆರ್ಥಿಕ ಅನುಕೂಲಗಳು ಕಾಣುತ್ತಿವೆ. ಅದರಲ್ಲಿಯೂ ಗಣಿತ ಶಾಸ್ತ್ರದ ಉಪನ್ಯಾಸಕರಿಗೆ ಉದ್ಯೋಗದಲ್ಲಿ ಉತ್ತಮ ಅಭಿವೃದ್ಧಿ ಇದೆ.

Scorpio monthly horoscope in Kannada for July 2017

ಬಾಯಲ್ಲಿ ಹೇಳದೇ ಇದ್ದರೂ ಒಳಗೆ ಮಾತ್ರ ಏನೋ ಕಸಿವಿಸಿ ಆಗುತ್ತದೆ. ಇನ್ನೂ ಆಗಲಿಲ್ಲವಲ್ಲ, ಏನು ಮಾಡೋದು ಎಂಬ ಚಿಂತೆ. ಪಕ್ಕದವನಿಗೆ ಕೆಲಸ ಆಗಿದೆ, ನನಗೆ ಆಗಲಿಲ್ಲ ಅನ್ನುವುದು ಗಾಯದ ಮೇಲಿನ ಬರೆಯಂತೆ ಕೆಲಸ ಮಾಡುತ್ತದೆ. ಹಳೆಯ ಮಾಸದ ನೆನಪುಗಳು ಮತ್ತೆ ಮರುಕಳಿಸಬಹುದು. ಆದರೆ ಅದರಿಂದ ಕೆಟ್ಟ ಪರಿಣಾಮಗಳು ಇದ್ದಲ್ಲಿ ತಕ್ಷಣ ಬಿಟ್ಟುಬಿಡಿ.

ಸ್ತ್ರೀಯರು: ಹೊಸ ವಸ್ತ್ರ ಖರೀದಿಯಲ್ಲಿ ಖರ್ಚು. ಆದರೆ ಆ ಬಟ್ಟೆಯ ಗುಣಮಟ್ಟ ಸರಿ ಇರದ ಕಾರಣ ಮತ್ತೆ ಬೇಸರ. ಹೀಗೆ ಮಾಡಿದ ಎಲ್ಲಾ ಕೆಲಸಗಳು ಒಂದಲ್ಲಾ ಒಂದು ವಿಧದಲ್ಲಿ ಎಡವಟ್ಟು ಆಗುತ್ತಾ ಬರುತ್ತವೆ. ನೀವು ಒಂದು ಉದ್ದೇಶದಲ್ಲಿ ಮಾತನಾಡಿದರೆ ಅದಕ್ಕೆ ಇಲ್ಲಸಲ್ಲದ ಅರ್ಥ ಹುಡುಕಿ ನಿಮ್ಮನ್ನು ನಿಂದಿಸುವವರೇ ಹೆಚ್ಚು ಎಂದು ಅನಿಸುತ್ತದೆ.

ಆದರೆ, ಶೃಂಗಾರದಲ್ಲಿ ಈ ತಿಂಗಳು ನಿಮ್ಮದೇ ಮೇಲುಗೈ. ಬಂಗಾರ ಭೂಮಿ ಇತ್ಯಾದಿ ಬೆಲೆ ಬಾಳುವ ವಸ್ತುಗಳ ಖರೀದಿಯತ್ತ ಮನಸು ವಾಲಬಹುದು. ಕೆಲವರು ಯಶಸ್ವಿಯಾಗಿ ತೆಗೆದುಕೊಳ್ಳಲೂಬಹುದು. ಬಹಳ ದಿನಗಳಿಂದ ಆಸೆ ಪಡುತ್ತಿದ್ದ ಕ್ಷೇತ್ರ ದರ್ಶನ ಈ ತಿಂಗಳು ಆಗುವ ಸಾಧ್ಯತೆಗಳಿವೆ. ಅದೂ ಸಂಕ್ರಾಂತಿಯ ಸಮಯದಲ್ಲಿ ಪ್ರಯತ್ನಿಸಿದರೆ ಮಾತ್ರ.

ನಿಮ್ಮ ಕಾರ್ಯ ಕ್ಷೇತ್ರದಲ್ಲಿ ಹೆಚ್ಚಿನ ಗೌರವಾಭಿಮಾನಗಳು ಲಭಿಸುತ್ತವೆ. ಒಂದು ಪಕ್ಷ ನಿಮ್ಮನ್ನು ವಿರೋಧಿಸುವವರೂ ತಾತ್ಕಾಲಿಕವಾಗಿ ನಿಮ್ಮ ಪರವೇ ನಿಲ್ಲುತ್ತಾರೆ.

ವಿದ್ಯಾರ್ಥಿಗಳು: ವಿದ್ಯೆಯಲ್ಲಿ ಸ್ವಲ್ಪ ಹಿಂದಿರುವವರಿಗೆ ಸಮಯ ಪರಿಹರಿಸಿಕೊಂಡು ಉತ್ತಮ ವಿಧದಲ್ಲಿ ಓದುವತ್ತ ಗಮನಹರಿಸಲು ಕೊನೆಯದಾಗಿ ಈ ತಿಂಗಳು ಇನ್ನೂ ಒಂದು ಅವಕಾಶ ಲಭಿಸಲಿದೆ. ಅದರ ಸದುಪಯೋಗ ಪಡಿಸಿಕೊಳ್ಳಿ. ಹೊಸದಾದ ಅದರಲ್ಲಿಯೂ ಅತ್ಯುತ್ತಮ ವಿದ್ಯಾರ್ಹತೆ ಇರುವ ಉತ್ತಮ ಅಧ್ಯಾಪಕರು ಲಭ್ಯವಾಗುತ್ತಾರೆ. ನಿಮಗೆ ಆಶ್ಚರ್ಯ ಹಾಗೂ ಅತ್ಯುತ್ಸಾಹ ತರಿಸುವ ವಿಭಿನ್ನ ವಿಚಾರಗಳು ಕಲಿಯಲು ಸಿಗುತ್ತವೆ.

ಪರಿಹಾರ: ತುಳಸಿ ,ಗರಿಕೆ, ದವನ, ಮರಗ ಹಾಗೂ ಬಿಲ್ವ ಪತ್ರೆ ಈ ಐದು ವಿಧದ ಪತ್ರೆಗಳಿಂದ ಸೋಮವಾರ ಸಂಧ್ಯಾ ಕಾಲದಲ್ಲಿ ಈಶ್ವರನಿಗೆ ತ್ರಿಶತಿ ಅರ್ಚನೆ ಮಾಡಿಸಿ.

Saturn Transition: From Scorpio to Sagittarius | OneIndia Kannada

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Get the complete month predictions of august 2017. Read monthly horoscope of Scorpio in Kannada. Get free monthly horoscope, astrology and monthly predictions in Kannada.
Please Wait while comments are loading...