ಧನು : ಅನಿರೀಕ್ಷಿತ ವ್ಯಕ್ತಿಗಳ ಭೇಟಿ ಸಾಧ್ಯತೆ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು : ನಿಮ್ಮ ವೃತ್ತಿ ಜೀವನದಲ್ಲಿ ಪ್ರಮುಖರ ಭೇಟಿ ಸಾಧ್ಯತೆ ಇದೆ. ಯಾರನ್ನು ನೀವು ಪ್ರತ್ಯಕ್ಷವಾಗಿ ನೋಡುತ್ತೀರಿ ಎಂದು ಸಹ ಅಂದುಕೊಂಡಿರಲಿಲ್ಲ ಅವರನ್ನು ಭೇಟಿ ಮಾಡುವ ಸಾಧ್ಯತೆಗಳಿವೆ. ಭೂಮಿಯ ವ್ಯಾಪಾರ ವ್ಯವಹಾರಗಳನ್ನು ಮಾಡುವವರಿಗೆ ಲಾಭ ಮಾಡುವ ಹೊಸ ಹೊಸ ಅವಕಾಶಗಳು ಲಭಿಸುತ್ತವೆ. ಆದರೆ ಅವುಗಳನ್ನು ಉಪಯೋಗಿಸಲು ಬಹಳ ಶ್ರಮದ ಹಾಗೂ ಬುದ್ದಿವಂತಿಕೆಯ ಅವಶ್ಯವಿದೆ.

ಮಾಂಸಾಹಾರದ ವ್ಯಾಪಾರ ಮಾಡುವವರಿಗೆ ಹಾಗೂ ಅದನ್ನು ತಿನ್ನುವವರಿಗೆ ಸ್ವಲ್ಪ ಕಷ್ಟದ ಸಮಯವಾಗಿ ಕಾಡಬಹುದು. ಕಾರಣ ನಿಮ್ಮ ಶರೀರದಲ್ಲಿ ಉಷ್ಣ ಪ್ರಕೃತಿ ಹೆಚ್ಚಾಗಿ ಆರೋಗ್ಯ ಕೆಡುವ ಸಾಧ್ಯತೆಗಳಿವೆ. ಆದುದರಿಂದ ಎಚ್ಚರವಹಿಸಿ.

Sagittarius monthly horoscope in Kannada for July 2017

ನಿಮ್ಮ ವ್ಯವಹಾರಗಳನ್ನು ಮಾಡಿಕೊಡುವುದಾಗಿ ಮುಂದೆ ಬಂದವರನ್ನು ಕಣ್ಣು ಮುಚ್ಚಿ ನಂಬುವಂತಿಲ್ಲ. ಪೂರ್ವಾಪರ ಪರಿಶೀಲಿಸಿದ ನಂತರ ಅಧಿಕಾರ ಕೊಡುವುದಾದರೂ ಸಹ ಪೂರ್ಣಪ್ರಮಾಣದ ಅಧಿಕಾರ ಕೊಡಬೇಡಿ. ಕೆಲವರಿಗೆ ಮಾತ್ರ ಬಂಗಾರ ಖರೀದಿಯ ಯೋಗಫಲವಿದೆ. ಆದರೆ ಆ ವ್ಯವಹಾರದಲ್ಲಿಯೂ ಸಹ ನಿಮಗೆ ಮೋಸ ಆಗುವ ಸಾಧ್ಯತೆಗಳಿವೆ ಎಚ್ಚರ. ವಿದೇಶ ಪ್ರಯಾಣದ ಆಸೆಗಳಿದ್ದಲ್ಲಿ ಸ್ವಲ್ಪ ಕಷ್ಟ ಆದರೂ ಸಹ ಪ್ರಯತ್ನಿಸಬಹುದು.

ಸ್ತ್ರೀಯರು : ಪ್ರೀತಿ ಪ್ರೇಮ ಇತ್ಯಾದಿಗಳು ಗೆಲ್ಲುವ ಸಮಯ ಅಲ್ಲ ಇದು. ಅವಿವಾಹಿತರು ನಿಮ್ಮ ವಿವಾಹಕ್ಕೆ ನೂರೆಂಟು ಅಡ್ಡಿ ಆತಂಕಗಳನ್ನು ಕಾಣುತ್ತೀರಿ. ವಿಷಯವಿಲ್ಲದೇ ನಿಮ್ಮೊಂದಿಗೆ ಕೆಲ ಸ್ತ್ರೀಯರು ವಾಗ್ವಾದಕ್ಕೆ ಇಳಿಯಬಹುದು. ಅದರಲ್ಲಿ ಕೆಲವರ ನಡವಳಿಕೆ ನಿಮಗೆ ಬೇಸರ ಉಂಟು ಮಾಡುತ್ತದೆ.

ಬಾಳಸಂಗಾತಿಯಿಂದ ನೀವು ಅಪೇಕ್ಷಿಸಿದ ವಸ್ತುಗಳು ಪ್ರಾಪ್ತ ಆಗುವುದು ಕಷ್ಟ ಹೆಚ್ಚಿನ ಒತ್ತಾಯ ಮನಸ್ತಾಪ ಹಾಗೂ ಅದೇ ಮುಂದೆ ಜಗಳಕ್ಕೂ ನಾಂದಿ ಹಾಡಬಹುದು. ಆದುದರಿಂದ ಬಾಯಿಗೆ ಹಾಗೂ ಮನಸ್ಸಿಗೆ ಬೇಗ ಹಾಕುವುದು ಉತ್ತಮ. ಸಂತಸದ ವಿಚಾರ ಎಂದರೆ ನಿಮ್ಮಿಂದ ಅತ್ಯಂತ ರುಚಿಕರವಾದ ತಿಂಡಿ ತಿನಿಸುಗಳು ಸಾಧ್ಯವಿದೆ. ಇಂಥ ಅವಕಾಶ ಬಿಡದೆ ಹೊಸ ರುಚಿಗಳನ್ನು ಕಲಿತು ತಯಾರು ಮಾಡಿ, ನೀವು ತಿಂದು ನಿಮ್ಮ ಬಾಳ ಸಂಗಾತಿಗೂ ತಿನ್ನಿಸಿ ಅವರಿಂದ ಹೆಚ್ಚಿನ ಪ್ರೀತಿ ಪಡೆಯಿರಿ.

ವಿದ್ಯಾರ್ಥಿಗಳು : ಭಾಷಣ ಸ್ಪರ್ಧೆಗಳಲ್ಲಿ ಭಾಗವಹಿಸಿದರೆ ಗೆಲುವು ನಿಶ್ಚಿತ ಎಂದು ಕಾಣಿಸುತ್ತಿದೆ ಆದರೆ ನಾಚಿಕೆ ದಾಕ್ಷಿಣ್ಯ ಇತ್ಯಾದಿಗಳು ನಿಮ್ಮನ್ನು ಸ್ಪರ್ಧೆಗಳಲ್ಲಿ ಭಾಗವಹಿಸದಂತೆ ನೋಡಿಕೊಳ್ಳುತ್ತದೆ ಎನ್ನುವುದೇ ದುಃಖ. ನಿಮ್ಮ ಇನ್ನೊಂದು ಸಮಸ್ಯೆ ಆಲಸ್ಯ. ಅದು ನಿಮ್ಮನ್ನು ಬಿಡದೇ ಕಾಡಲಿದೆ. ಅದರಿಂದ ತಪ್ಪಿಸಿಕೊಂಡರೆ ನೀವು ಅರ್ಧ ಗೆದ್ದಂತೆ!

ಬೆಳಗ್ಗೆ ಕುಂತರೆ ಮಧ್ಯಾಹ್ನ, ಮಧ್ಯಾಹ್ನ ಕುಂತರೆ ಸಾಯಂಕಾಲ, ಸಾಯಂಕಾಲ ಬಂದರೆ ರಾತ್ರಿ, ರಾತ್ರಿ ಆದಮೇಲೆ ಮತ್ತೆ ನಾಳೆ ಬೆಳಗ್ಗೆ ಓದೋಣ ಎಂಬುದಾಗಿ ಚಿಂತಿಸುತ್ತಾ ಅತೀಯಾದ ಆಲಸ್ಯ ಮಾಡಿ, ಕೊನೆಯಲ್ಲಿ ತಿಂಗಳು ಪೂರ್ತಿ ಹೀಗೇ ಓದಲಾಗದೇ ಹಾಗೇ ತಿಂಗಳನ್ನು ಮುಗಿಸಬೇಕಾದ ಸ್ಥಿತಿ ಕಾಣಿಸುತ್ತಿದೆ ಎಚ್ಚರಿಕೆ. ಉತ್ತಮ ಮಾರ್ಗ ಎಂದರೆ ದಿನದಲ್ಲಿ ಒಂದರ್ಧ ಗಂಟೆ ಆದರೂ ಧ್ಯಾನ ಪ್ರಾಣಾಯಾಮ ಅಭ್ಯಾಸ ಮಾಡಿ ನಿಮ್ಮ ಸಮಸ್ಯೆಗಳು ಅರ್ಧ ಪರಿಹಾರ ಆಗುತ್ತವೆ.

ಪರಿಹಾರ : ಹತ್ತಿರದ ಅಶ್ವತ್ಥ ವೃಕ್ಷಕ್ಕೆ ಪ್ರತೀ ದಿನ ಕನಿಷ್ಠ 28 ಪ್ರದಕ್ಷಿಣೆ ಹಾಕಿ ತಾಮ್ರದ ಪಾತ್ರೆಯಲ್ಲಿ ವೃಕ್ಷಕ್ಕೆ ನೀರು ಹಾಕಿ.

English summary
Get the complete month predictions of July 2017. Read monthly horoscope of Sagittarius in Kannada. Get free monthly horoscope, astrology and monthly predictions in Kannada.
Please Wait while comments are loading...