ತುಲಾ : ಎಲ್ಲರಿಗೂ ಎಲ್ಲಾ ವಿಷಯಗಳನ್ನೂ ತಿಳಿಸದಿರಿ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ನಿಶ್ಚಯವಾಗಿದ್ದ ವಿವಾಹವು ಆಗದವರ ಕೈವಾಡದಿಂದಾಗಿ ಹಾಳಾಗುವ ಸಂಭವ ಇದೆ, ಎಚ್ಚರ ವಹಿಸಿ. ಎಲ್ಲರಿಗೂ ಎಲ್ಲಾ ವಿಷಯಗಳನ್ನೂ ತಿಳಿಸಲು ಹೋಗದಿರಿ. ನಿಮ್ಮ ಗೌರವಕ್ಕೆ ಅಥವಾ ವ್ಯಕ್ತಿತ್ವಕ್ಕೆ ಧಕ್ಕೆ ಆದೀತು. ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಖರ್ಚುಗಳು ಹೆಚ್ಚಾಗುತ್ತವೆ.

ಅನಗತ್ಯವಾಗಿದ್ದ ವಿಚಾರದಲ್ಲಿ ತಲೆ ತೂರಿಸಿದ್ದರ ಪ್ರತಿಫಲ ಈಗ ಅನುಭವಿಸಬೇಕಾಗುತ್ತದೆ. ತಿಂಗಳಿನ ಆದಿಯಲ್ಲಿ ಮಾಡಿದ ನಷ್ಟದಿಂದಾಗಿ ಸಹೋದರ ನಡುವೆ ಮನಸ್ತಾಪ ಅಥವಾ ಜಗಳ ಆಗಬಹುದು. ಆದರೆ ಹದಿನೇಳನೇ ತಾರೀಕಿನ ನಂತರ ಕುಟುಂಬದವರ ಅಥವಾ ತಾಯಿಯ ಮಧ್ಯ ಪ್ರವೇಶದಿಂದ ಎಲ್ಲ ಭಿನ್ನಾಭಿಪ್ರಾಯಗಳು ಶಮನವಾಗುತ್ತವೆ.

Libra monthly horoscope in Kannada for July 2017

ದೂರ ಪ್ರಯಾಣದ ಆಸೆ ಈಡೇರುವ ಸಾಧ್ಯತೆಗಳಿವೆ. ಹೊಸ ವಾಹನ ಖರೀದಿ ಸಹ ಕಾಣುತ್ತಿದೆ. ನ್ಯಾಯಾಲಯದಲ್ಲಿ ದಾವೆಗಳು ಇದ್ದಲ್ಲಿ ಸಾಧ್ಯ ಆದಲ್ಲಿ ಅವುಗಳನ್ನು ಮುಂದಕ್ಕೆ ಹಾಕಿಕೊಳ್ಳಿ.

ಸ್ತ್ರೀಯರು: ಹರಟುತ್ತಾ ಕಾಲ ಹರಣ ಮಾಡಲು ಸ್ವಲ್ಪ ಅಸಾಧ್ಯ. ಹಿಂದಿನ ತಿಂಗಳಿನಷ್ಟು ಹಾಸ್ಯ, ತಮಾಷೆ ಸಿಗುವುದು ಸಹ ಕಷ್ಟವೇ. ಅದರರ್ಥ ದುಃಖ ಆಗುತ್ತದೆ ಎಂದಲ್ಲ. ಯಾವುದಕ್ಕೂ ಪುರುಸೊತ್ತು ಸಿಗುವುದಿಲ್ಲ. ಕೆಲಸಗಳು ಹಾಗೂ ಅದರ ಒತ್ತಡಗಳು ಹೆಚ್ಚಾಗುತ್ತವೆ.

ಅತ್ಯಂತ ಹತ್ತಿರದ ಮಿತ್ರರನ್ನು ಮಾತನಾಡಿಸುವ, ಅವರೊಂದಿಗೆ ಕಾಲ ಕಳೆಯುವ ಸಮಯ ಸಿಗುವುದು ಕಷ್ಟ. ಸಾಮಾನ್ಯವಾಗಿ ಸ್ತ್ರೀಯರಿಗೆ ಬರುವ ರೋಗಗಳು ಈ ತಿಂಗಳು ಸ್ವಲ್ಪ ಕಡಿಮೆ ಆಗುತ್ತಾ ಬರುತ್ತದೆ. ಪತಿಯೊಂದಿಗೆ ತೀರ್ಥ ಕ್ಷೇತ್ರಗಳ ದರ್ಶನ ಯೋಗವೂ ಇದೆ.

ಕಫ ಪ್ರಕೃತಿಯ ವ್ಯತ್ಯಾಸದಿಂದ ಕೆಮ್ಮು ಮಾತ್ರ ಬರಬಹುದು. ಎಣ್ಣೆಯಲ್ಲಿ ಕರಿದ ಪದಾರ್ಥಗಳನ್ನು ಸೇವಿಸದೆ ಇದ್ದರೆ ಉತ್ತಮ. ಮಾಡಲು ಮನಸಿಲ್ಲದ ಕೆಲಸಗಳಿಗೆ ಇತರರ ಒತ್ತಾಯದ ಮೇರೆಗೆ ಮಾಡಲು ಮಾತ್ರ ಹೋಗದಿರಿ. ಕಾರಣ ಕೆಲಸಗಳು ಸುಲಭವಾಗಿ ಮುಗಿಯದೆ ಹಣ ಮಾತ್ರ ಹಾಳಾಗುವ ಸಾಧ್ಯತೆಗಳಿವೆ.

ವಿದ್ಯಾರ್ಥಿಗಳು: ಒತ್ತಡದ ಸಮಯ ಓದಿ ಮುಗಿಸ ಬೇಕಾದ ವಿಷಯಗಳು ಇನ್ನೂ ಹತ್ತು ಹಲವು ಇದೆ. ಸಮಯ ಮಾತ್ರ ಇಲ್ಲದ ಸ್ಥಿತಿ. ಅದರಲ್ಲಿಯೂ ಗಣಿತ ಎಂದರೆ ಮಾರುದ್ದ ಓಡುವವರಿಗೆ ಅದನ್ನು ಕಲಿತು ಸುಲಭವಾಗಿಸಲು ಇದು ಸುಸಮಯ. ಆದರೆ ಆಗದು. ಹೇಗಾದರೂ ಮಾಡಿ ಸಮಯ ಗಿಟ್ಟಿಸಿ, ತಿಳಿದವರಿಂದ ಪಾಠ ಮಾಡಿಸಿಕೊಂಡಲ್ಲಿ ಬಿಡಿಸಿ ಹೇಳಿಕೊಟ್ಟದ್ದು ಅರ್ಥವಾಗುತ್ತದೆ.

ಪರಿಹಾರ: ಪ್ರತಿ ದಿನ ಸ್ನಾನದ ನಂತರ ದೇವರ ಮನೆಯಲ್ಲಿ ಕುಳಿತು ಭಕ್ತಿಯಿಂದ ಗಣಪತಿ ಅಷ್ಟೋತ್ತರ ಪಠಿಸಿ. ನೀವೇ ಸ್ವತಃ ಕಿತ್ತ ಗರಿಕೆಗಳನ್ನು ಗಣಪತಿ ವಿಗ್ರಹ ಅಥವಾ ಫೋಟೊಗೆ ಸಮರ್ಪಿಸಿ.

Lunar Eclipse is on August 7th8th : Watch Video To Know The Procedures

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Get the complete month predictions of august 2017. Read monthly horoscope of Libra in Kannada. Get free monthly horoscope, astrology and monthly predictions in Kannada.
Please Wait while comments are loading...