ಸಿಂಹ : ಕುಟುಂಬದಲ್ಲಿ ಅಥವಾ ಹತ್ತಿರದ ಸ್ನೇಹ ಬಳಗದಲ್ಲಿ ವರ್ಚಸ್ಸು ಕಡಿಮೆ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ಮೊದಲ ಎರಡು ವಾರ ಸ್ವಲ್ಪ ಆರ್ಥಿಕ ಮುಗ್ಗಟ್ಟು ಇದ್ದಂತೆ ಕಂಡರೂ ಕ್ರಮೇಣ ಸರಿಹೋಗುತ್ತದೆ. ಕುಟುಂಬದಲ್ಲಿ ಅಥವಾ ಹತ್ತಿರದ ಸ್ನೇಹ ಬಳಗದಲ್ಲಿ ವರ್ಚಸ್ಸು ಕಡಿಮೆ ಆದಂತೆ ಅನಿಸಬಹುದು. ಪಿತ್ರಾರ್ಜಿತ ಆಸ್ತಿಯ ಹೆಸರಿನಲ್ಲಿ ಭೂಮಿ ಬರಬೇಕಾದುದು ಇದ್ದಲ್ಲಿ ಪ್ರಯತ್ನಿಸಿದರೆ ಯಶಸ್ಸು ಕಾಣುತ್ತದೆ.

ತಿಂಗಳ ಮಧ್ಯಭಾಗದ ನಂತರ ಆದಾಯ ಹೆಚ್ಚಾಗಿ, ಖರ್ಚು ಹೆಚ್ಚಾಗುತ್ತದೆ. ಆದುದರಿಂದ ಹೊರೆ ಎಂದು ಅನಿಸುವುದಿಲ್ಲ, ಸಹೋದರರೊಡನೆ ಅಥವಾ ಸೋದರ ಮಾವನ ಜೊತೆಗೂಡಿ ದೂರ ಪ್ರಯಾಣಿಸಬೇಕಾದ ಸಂದರ್ಭ ಈ ತಿಂಗಳಿನಲ್ಲಿ ಬರುವ ಸಾಧ್ಯತೆಗಳು ಇವೆ.

ಸರಕಾರಿ ನೌಕರರು ಉದ್ಯೋಗದಲ್ಲಿ ಬಡ್ತಿಗಾಗಿ ಕಾಯುತ್ತಿದ್ದಲ್ಲಿ ಈ ತಿಂಗಳ ಮೊದಲ ಹದಿನೈದು ದಿನಗಳಲ್ಲಿ ಆಗಲಿಲ್ಲ ಎಂದಾದಲ್ಲಿ ನಂತರ ಆಗುವುದು ಕಷ್ಟ.

Leo

ಮಕ್ಕಳ ವಿದ್ಯಾಭ್ಯಾಸದ ವಿಚಾರ ನೆಮ್ಮದಿ ಕೆಡಿಸಬಹುದು. ಆದರೆ ಚಿಂತಿಸುತ್ತಾ ಕೂರದೆ ಆ ಸಮಸ್ಯೆಗೆ ಪರ್ಯಾಯ ಮಾರ್ಗ ಹುಡುಕುವುದು ಶ್ರೇಷ್ಠ. ಕೆಲವರು ನಿಮ್ಮ ಮುಖ ಸ್ತುತಿಯನ್ನು ಮಾಡಿ, ನಿಮ್ಮಿಂದ ಕೆಲ ಪ್ರಮುಖವಾದ ಕೆಲಸ- ಕಾರ್ಯಗಳನ್ನು ಮಾಡಿಸಿಕೊಳ್ಳಲು ಪ್ರಯತ್ನಿಸುತ್ತಾರೆ, ಎಚ್ಚರ.

ಏಕೆಂದರೆ, ಆ ಕೆಲಸ ನೀವು ಮಾಡಿಕೊಡುವುದರಿಂದ ನಂತರ ನಿಮ್ಮ ಹೆಸರು ಹಾಳಾಗಬಹುದು. ನೀವು ಪುಬ್ಬಾ ನಕ್ಷತ್ರದ ಸಿಂಹ ರಾಶಿಯವರಾಗಿದ್ದಲ್ಲಿ, ಮದುವೆ ನಿಶ್ಚಯ ಆಗಿದ್ದಲ್ಲಿ, ಮದುವೆ ದಿನಾಂಕ ಮುಂದೆಹೋಗುವ ಸಾಧ್ಯತೆಗಳಿವೆ.

ಸ್ತ್ರೀಯರು: ಶಾರೀರಿಕವಾಗಿ ನಿಮ್ಮಲ್ಲಿ ಆಲಸ್ಯ ಹೆಚ್ಚಾಗುತ್ತದೆ. ಆದರೆ ಅದು ಈ ತಿಂಗಳ ಮೊದಲ ಎರಡು ವಾರ ಅಷ್ಟಾಗಿ ನಿಮ್ಮ ಗಮನಕ್ಕೆ ಬರುವುದಿಲ್ಲ. ಮನೆಯಲ್ಲಿ ಪೂಜೆ- ಪುನಸ್ಕಾರ ಇತ್ಯಾದಿ ಕೈಂಕರ್ಯಗಳ ನೆರವೇರಿಸುವತ್ತ ನಿಮ್ಮ ಗಮನ ಈ ಹೆಚ್ಚಾಗಲಿದೆ. ಖಾಸಗೀ ಸಂಸ್ಥೆಯ ಉದ್ಯೋಗಿಗಳಿಗೆ ಉದ್ಯೋಗ ಕ್ಷೇತ್ರದಲ್ಲಿ ಉತಾಮ ಯಶಸ್ಸು ಸಿಕ್ಕಿದಂತೆ ಅನಿಸಿದರು ನಂತರದಲ್ಲಿ ಒತ್ತಡ ಹೆಚ್ಚಾಗುತ್ತದೆ.

ನೀವು ಮಾಡದ ತಪ್ಪಿಗೆ ಅಪವಾದವನ್ನು ಹೊತ್ತು ಶಿಕ್ಷೆ ಅನುಭವಿಸುವಂತಾದಲ್ಲಿ ಆಶ್ಚರ್ಯವಿಲ್ಲ. ಬ್ಯಾಂಕ್, ಕದಾಯ ಇಲಾಖೆ ಅಥವಾ ಯಾವುದೇ ಉದ್ಯೋಗದಲ್ಲಿ ಹಣವನ್ನು ಎಣಿಸಿ ಇಟ್ಟುಕೊಳ್ಳುವ ಜವಾಬ್ದಾರಿಯನ್ನು ಹೊತ್ತವರು ವ್ಯವಹರಿಸುವಾಗ ಎಚ್ಚರವಿರಲಿ.

ವಿದ್ಯಾರ್ಥಿಗಳು: ನಿಮ್ಮ ಮೇಲಿನ ಖರ್ಚು ಪೋಷಕರಿಗೆ ಭಾರ ಅನಿಸುತ್ತದೆ. ಆದುದರಿಂದ ಈ ತಿಂಗಳಿನಲ್ಲಿ ನಿಮ್ಮ ಬೇಡಿಕೆಗಳ ಮೇಲೆ ಗಮನವಿರಲಿ. ಹೇಗೂ ಕೊಡಿಸುತ್ತಾರೆ ಎಂದು ಎಲ್ಲವನ್ನು ಕೇಳಿದರೆ ಅಥವಾ ಎಲ್ಲ ಅತ್ಯಂತ ದುಬಾರೀ ವಸ್ತುಗಳನ್ನು ಅಥವಾ ವ್ಯವಸ್ಥೆಯನ್ನು ಮಾತ್ರ ಕೇಳಿದರೆ ಅದರಿಂದ ನಿಮಗೆ ಹಾಗೂ ನಿಮ್ಮ ಪೋಷಕರ ಮೇಲೆ, ಅವರ ಆರ್ಥಿಕ ಸ್ಥಿತಿಗತಿಗಳ ಮೇಲೆ ದುಷ್ಪರಿಣಾಮ ಬೀರುವುದರಲ್ಲಿ ಸಂಶಯವಿಲ್ಲ.

ಪರಿಹಾರ: ಸಾಧ್ಯ ಆದವರು ಪ್ರತಿ ದಿನ ಲಲಿತಾ ಸಹಸ್ರನಾಮ ಸ್ತೋತ್ರವನ್ನು ಪಠಿಸಿ ಅಥವಾ ಶ್ರವಣ ಮಾಡಿ. ಅದೂ ಆಗದವರು ಪ್ರತೀ ದಿನ ಕನಿಷ್ಠ 108 ಸಲ 'ಓಂ ಶ್ರೀ ಲಲಿತಾ ತ್ರಿಪುರ ಸುಂದರ್ಯೈ ನಮಃ' ಎಂಬ ಜಪ ಮಾಡಿ.

English summary
Get the complete month predictions of May 2017. Read monthly horoscope of Leo in Kannada. Get free monthly horoscope, astrology and monthly predictions in Kannada.
Please Wait while comments are loading...