ಸಿಂಹ ಮಾರ್ಚ್ ಭವಿಷ್ಯ : ಜಯ ಕಟ್ಟಿಟ್ಟ ಬುತ್ತಿ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು:- ಸಂತಾನ ಇಲ್ಲದವರಿಗೆ ಈ ತಿಂಗಳು ಶುಭ ಸಮಾಚಾರ ಕೇಳುವ ಸಾಧ್ಯತೆಗಳಿವೆ. ಆದರೆ ಅದಕ್ಕೆ ಆರೋಗ್ಯದ ವಿಚಾರದಲ್ಲಿ ಹೆಚ್ಚಿನ ಕಾಳಜಿ ಅಗತ್ಯವಿದೆ. ರಾಜಕಾರಣದಲ್ಲಿ ಇರುವವರಿಗೆ ಅಧಿಕಾರ ಪ್ರಾಪ್ತಿ ಯೋಗ ಸಹ ಈ ತಿಂಗಳು ಕಾಣುತ್ತಿದೆ. ಮನೆಯಲ್ಲಿ ಅಥವಾ ಕ್ಷೇತ್ರಗಳಲ್ಲಿ ಹೋಮ ಹವನ ಅಥವಾ ಪೂಜೆ ಪುನಸ್ಕಾರಗಳನ್ನು ಮಾಡಿಸುವ ಯೋಗಫಲವಿದೆ. ನಿಮ್ಮ ಕಾರ್ಯಕ್ಷೇತ್ರಗಳಲ್ಲಿ ಉತ್ತಮ ಮಿತ್ರರು ಸಿಕ್ಕು ನಿಮಗೆ ಈ ತಿಂಗಳು ನಿಶ್ಚಿತವಾಗಿ ಸಹಾಯ ಮಾಡುವಂತೆ ಕಾಣುತ್ತಿದ್ದಾರೆ. ವ್ಯಾವಹಾರಿಕವಾಗಿ ಸ್ವಲ್ಪ ಏರುಪೇರಾಗುವುದರಿಂದ ಅಂಥವರ ಸಹಾಯದ ಅವಶ್ಯಕತೆ ಸಹ ಬರುತ್ತದೆ, ನ್ಯಾಯಾಲಯದಲ್ಲಿ ದಾವೆಗಳಿದ್ದಲ್ಲಿ ಜಯ ಸಿಗುತ್ತದೆ. ದೊಡ್ಡ ಹೂಡಿಕೆ ಮಾಡುವ ಆಲೋಚನೆಗಳಿದ್ದಲ್ಲಿ ಒಮ್ಮೆ ನಿಮ್ಮ ಜಾತಕ ತೋರಿಸಿ ಮುಂದುವರಿಯಲು ಈ ತಿಂಗಳು ಸೂಕ್ತವಾಗಿದೆ. ನಿಮಗೆ ವೃಥಾ ಕಿರಿ ಕಿರಿ ಕೊಡುತ್ತಿದ್ದವರಿಗೆ ಈ ತಿಂಗಳಿನಲ್ಲಿ ನಿಮ್ಮಿಂದ ಉತ್ತಮ ಉತ್ತರ ಸಿಗಲಿದೆ.

ಸ್ತ್ರೀಯರು:- ಸೌಂದರ್ಯವರ್ಧಕಗಳತ್ತೆ ಈ ತಿಂಗಳು ನಿಮ್ಮ ಚಿತ್ತ ಹೆಚ್ಚು ಆಕರ್ಶಿತವಾಗುತ್ತದೆ. ನಾನು ಬಹಳ ಸುಂದರವಾಗಿ ಆಕರ್ಶಕವಾಗಿ ಕಾಣಬೇಕೆಂಬ ಹಂಬಲ ಈ ತಿಂಗಳು ನಿಮಗೆ ಹೆಚ್ಚು ಅನಿಸಲು ಪ್ರಾರಂವಾಗುತ್ತದೆ. ಉದ್ಯೋಗಸ್ಥರೂ ಸಹ ಒಂದು ವಿರಾಮಕ್ಕಾಗಿ ಹಾಗೂ ಮನೋರಂಜನೆಗಾಗಿ ಹಾತೊರೆಯುತ್ತಾರೆ. ಸ್ನೇಹಭಾವ ಪ್ರೀತಿಯ ಸೆಳೆತ ಈ ತಿಂಗಳು ನಿಮಗೆ ಇದ್ದಕ್ಕಿದ್ದಂತೆ ಹೆಚ್ಚಾಗುತ್ತದೆ. ಈ ಹಿಂದೆ ಜಗಳ ಮಾಡಿದವರಲ್ಲಿ ನೀವೇ ಹೋಗಿ ಸ್ನೇಹ ಹಸ್ತ ಚಾಚುವ ಸಾಧ್ಯತೆಗಳು ಸಹ ಇವೆ. ಅವಿವಾಹಿತರಿಗೆ ಸ್ವಲ್ಪ ಪ್ರಯತ್ನಿಸಿದರೂ ಸಹ ವಿವಾಹದ ಸಾಧ್ಯತೆಗಳು ಹೆಚ್ಚು ಇವೆ. ಮಂಗಲ ಕಾರ್ಯಗಳು ಗೃಹದಲ್ಲಿ ನೆರವೇರುವ ಶುಭ ಮಾಸವಾಗುತ್ತದೆ

Leo

ವಿದ್ಯಾರ್ಥಿಗಳಿಗೆ:-ಈ ತಿಂಗಳು ಉತ್ತಮವಾಗಿದೆ. ಹಳೇಯ ಗುರುಗಳು ಸಿಗಬಹುದು ಅವರಿಂದ ಉತ್ತಮ ಸಲಹೆ ಸೂಚನೆಗಳು ಸಹ ಲಭ್ಯವಾಗುತ್ತದೆ. ಕಾರಣಾಂತರಗಳಿಂದ ಈ ಹಿಂದೆ ನಿಮ್ಮ ಹತ್ತಿರ ಜಗಳ ಆಡಿದವರೂ ಸಹ ಈ ತಿಂಗಳು ನಿಮ್ಮೊಂದಿಗೆ ಸ್ನೇಹ ಮತ್ತೆ ಮಾಡುತ್ತಾರೆ. ಗಣಿತ ಶಾಸ್ತ್ರದತ್ತ ಈ ತಿಂಗಳು ನಿಮ್ಮ ಹೆಚ್ಚಿನ ಗಮನ ಅವಶ್ಯಕತೆ ಇದೆ. ಗಣಿತದಲ್ಲಿ ಪ್ರೌಢಿಮೆ ಪಡೆಯಲು ಈ ತಿಂಗಳು ಎಷ್ಟು ಕಷ್ಟ ಆದರೂ ಸಹ ಬಿಡದೇ ಸಾಧಿಸಿ. ಅದಕ್ಕಾಗಿ ಅಧ್ಯಾಪಕರ ಸಹಾಯವನ್ನು ಯಾವ ಅಳುಕಿಲ್ಲದೇ ಪಡೆಯಿರಿ.

ಪರಿಹಾರ:- ಈ ತಿಂಗಳು ಈಶ್ವರ ದೇಗುಲಕ್ಕೆ ದಿನ ನಿತ್ಯ ದೀಪ ಹಚ್ಚಲು ನಿಮ್ಮ ಕೈಲಾದಷ್ಟು ಎಣ್ಣೆ ಕೊಟ್ಟು ಬನ್ನಿ.

English summary
Get the complete month predictions of February 2017. Read monthly horoscope of Leo in Kannada. Get free monthly horoscope, astrology and monthly predictions in Kannada.
Please Wait while comments are loading...