ಸಿಂಹ: ನಿಮ್ಮ ಉಳಿತಾಯದ ಹಣದ ಮೇಲೆ ಬಹಳ ಜನರ ಕಣ್ಣು

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ಸಹೋದರರೊಂದಿಗೆ ಸೇರಿ ವ್ಯಾಪಾರ ಅಥವಾ ವ್ಯವಹಾರ ಮಾಡುತ್ತಿದ್ದಲ್ಲಿ ಲಾಭ ಬಂದರೂ ಅದು ಉಳಿಯುವುದಿಲ್ಲ. ನಷ್ಟಕ್ಕೆ ಕಾರಣ ನೀನು ಎಂದು ಪರಸ್ಪರರು ದೋಷಾರೋಪದಲ್ಲಿ ಕಾಲಹರಣ ಮಾಡುವ ಸಾಧ್ಯತೆ ಹೆಚ್ಚು. ಉದ್ಯೋಗ ಸ್ಥಳದಲ್ಲಿ ಹೆಚ್ಚಿನ ಸಹಾಯ ಸಿಗದು. ಆದರೆ ಉತ್ತಮ ಫಲಿತಾಂಶಕ್ಕಾಗಿ ಒತ್ತಡ ಹೆಚ್ಚುತ್ತದೆ.

ನೋಡುಗರ ಕಣ್ಣಿಗೆ ನೀವು ಅತ್ಯುತ್ತಮವಾಗಿ ಜೀವನ ನಿರ್ವಹಣೆ ಮಾಡುತ್ತಿರುವಂತೆ ಗೋಚರಿಸುತ್ತದೆ. ಆದರೆ ಕೆಲವರಿಗೆ ಉಸಿರುಗಟ್ಟುವ ಅನುಭವ ಆಗುತ್ತಿರುತ್ತದೆ. ನಿಮ್ಮ ಉಳಿತಾಯದ ಹಣದ ಮೇಲೆ ಬಹಳ ಜನರ ಕಣ್ಣು ಬೀಳಲಿದೆ. ಆ ಮೊತ್ತವನ್ನು ತನಗೆ ಸಾಲವಾಗಿ ನೀಡು ಎಂದು ಕೆಲವರಾದರೆ, ಕೆಲವರು ನಾ ಹೇಳಿದಲ್ಲಿ ಹೂಡಿಕೆ ಮಾಡು ಎಂದು ಒತ್ತಾಯ ಮಾಡಲು ಪ್ರಾರಂಭಿಸುತ್ತಾರೆ.

ತಿಂಗಳ ಮಧ್ಯಭಾಗದ ನಂತರ ಹೆಚ್ಚಿನ ನೆಮ್ಮದಿ ಕಾಣುತ್ತಿದೆ. ನಿಮ್ಮ ಕಷ್ಟಾರ್ಜಿತ ಕೆಲಸಕ್ಕೆ ಬರಲು ಪ್ರಾರಂಭಗೊಂಡಿದೆ ಅನಿಸುತ್ತದೆ.

Leo

ಸ್ತ್ರೀಯರು: ನಿಮ್ಮ ನಿತ್ಯದ ಜೀವನ ಶೈಲಿಯಲ್ಲಿ ಕೆಲ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕಾದ ಸಮಯ. ಕೆಲ ರೂಢಿಗಳಿಂದಾಗಿ ನೀವು ಅಥವಾ ನಿಮ್ಮ ಕುಟುಂಬ ಸದಸ್ಯರು ಅವಮಾನ ಎದುರಿಸ ಬೇಕಾಗಬಹುದು. ಮನೆ ಕೆಲಸ ಮಾಡುವಾಗ ಸಹ ತಿಂಗಳ ಮೊದಲ ಹದಿನೈದು ದಿನಗಳು ಹೆಚ್ಚಿನ ಕಷ್ಟ ಅಥವಾ ಪರಿಶ್ರಮದ ಅವಶ್ಯ ಕಾಣಿಸುತ್ತದೆ.

ಉದ್ಯೋಗ ಅರಸುತ್ತ ಇರುವವರು ನೀವಾಗಿದ್ದಲ್ಲಿ ಈ ತಿಂಗಳ ಅಂತ್ಯದಲ್ಲಿ ತಕ್ಕ ಉದ್ಯೋಗ ಲಭಿಸುವ ಅವಕಾಶ ಹೆಚ್ಚು ಇದೆ. ಅವಿವಾಹಿತರಿಗೆ ವಿವಾಹ ಭಾಗ್ಯ ಸಹ ಈ ತಿಂಗಳಿನಲ್ಲಿ ಹೆಚ್ಚು ಕಾಣಿಸುತ್ತಿದೆ. ಆದರೆ ವಿವಾಹ ವಿಚಾರ ಬಂದಾಗ ನಿಮ್ಮ ಮೇಲೆ ಇಲ್ಲಸಲ್ಲದ ಚಾಡಿ ಹೇಳುವವರು ಕಾಣಿಸುತ್ತಿದ್ದಾರೆ, ಎಚ್ಚರ. ನಿಮ್ಮ ಮಾತೇ ಅಂತಿಮ ಆಗಬೇಕು, ನೀವು ಬಯಸಿದಂತೆ ನಡೆಯಬೇಕು ಎಂದಾದಲ್ಲಿ ಈ ತಿಂಗಳ ಕೊನೆಯ ತನಕ ಸ್ವಲ್ಪ ಕಾಯಬೇಕು.

ವಿದ್ಯಾರ್ಥಿಗಳು: ಹೊಸದನ್ನು ಹುಡುಕುತ್ತ ಸಾಗಿದರೆ ಯಶಸ್ಸನ್ನು ಕಾಣುವ ಸಾಧ್ಯತೆಗಳಿವೆ. ಆದರೆ ಕೆಲ ವಿಚಿತ್ರ ಹಠಮಾರಿ ಬುದ್ಧಿಯನ್ನು ಅವಶ್ಯವಾಗಿ ಬಿಡಲೇ ಬೇಕು. ಅಧ್ಯಾಪಕರು ವಿಚಾರವನ್ನು ತಿಳಿಸುವ ಮೊದಲೇ ಎಲ್ಲ ತಿಳಿದಿದೆ ಎನ್ನುವಂತೆ ನಿಮ್ಮ ಅವತಾರ ಇರಬಾರದು.

ಸಾಧನೆಯಿಂದ ನಿಮ್ಮನ್ನು ಗುರುತಿಸವಂತೆ ಆಗಬೇಕು. ನೀವು ಗಟ್ಟಿ ಮನಸ್ಸು ಮಾಡಿದರೆ ಅದಾಗುವ ಸಾಧ್ಯತೆಗಳಿವೆ. ನಿಮ್ಮ ಮನಸ್ಸು ದೃಢತೆಯಿಂದ ಕೂಡಿದೆ. ಅದಕ್ಕೆ ಕೇವಲ ಉತ್ತಮ ಮಾರ್ಗದರ್ಶನದ ಅವಶ್ಯ ಇದೆ ಅಷ್ಟೆ! ತಿಂಗಳಾಂತ್ಯದಲ್ಲಿ ಊಹಿಸಲಾಗದ ಸಾಧನೆ ಮಾಡಿದರೂ ಆಶ್ಚರ್ಯವಿಲ್ಲ!

ಇತರರನ್ನು ಅನುಸರಿಸುವಾಗ ಚಿಂತನೆ ನಡೆಸಿ. ಈ ಹಿಂದಿನ ತಿಂಗಳು ಕೆಲವರಿಗೆ ಮಂಕು ಬಡಿದಂತೆ ಆಗಿದ್ದಲ್ಲಿ, ಯಾವ ವಿಚಾರದಲ್ಲಿಯೂ ಉತ್ಸಾಹವೇ ಇಲ್ಲದಂತೆ ಅನಿಸುತ್ತಿದ್ದಲ್ಲಿ ಈ ತಿಂಗಳಾಂತ್ಯದಲ್ಲಿ ಅವೆಲ್ಲ ಸರಿ ಹೋದಂತಾಗಿ ಸಂತಸ ಮೂಡುತ್ತದೆ.

ಪರಿಹಾರ: ಈ ತಿಂಗಳು ಪ್ರತೀ ಶನಿವಾರ ಶನೈಶ್ಚರ ದೇಗುಲಕ್ಕೆ ಭೇಟಿ ನೀಡಿ, ಅಲ್ಲಿ ಸ್ವಾಮಿಗೆ ಕನಿಷ್ಠ ಇಪ್ಪತ್ತೆಂಟು ಪ್ರದಕ್ಷಿಣೆ ಹಾಕಿ. ಪರಿಶುದ್ದ ಎಳ್ಳೆಣ್ಣೆಯಲ್ಲಿ ಸ್ವಾಮಿಗೆ ಅಭಿಷೇಕ ಮಾಡಿಸಿ.

English summary
Get the complete month predictions of June 2017. Read monthly horoscope of Leo in Kannada. Get free monthly horoscope, astrology and monthly predictions in Kannada.
Please Wait while comments are loading...