ಸಿಂಹ : ಸಾಲ ಕೊಡಬೇಡಿ, ಸಾಲ ತೆಗೆದುಕೊಳ್ಳಬೇಡಿ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು : ಮಡದಿಯೊಂದಿಗಿನ ವಿರಹ ಮುಗಿಸುವ ಕಾಲ. ಹಠದ ಸ್ವಭಾವ ಬಿಟ್ಟು ವ್ಯಾಪಾರದತ್ತ ಶ್ರದ್ಧೆ ಇಟ್ಟು ಕುಳಿತರೆ ಲಾಭ ಕಾಣಬಹುದು. ನಿಮ್ಮ ಅನುಮತಿ ಇಲ್ಲದೇ ನಿಮ್ಮ ವಸ್ತುಗಳು ಹಾಗೂ ನಿಮ್ಮ ಕೆಳಗೆ ಕೆಲಸ ಮಾಡುವವರೂ ದುರುಪಯೋಗಕ್ಕೆ ಒಳಗಾಗುತ್ತಾರೆ. ನಿಮ್ಮ ಶತ್ರುಗಳು ನಿಮ್ಮ ಸಹೋದರರನ್ನು ಸ್ನೇಹಿತರಾಗಿಸಲು ಪ್ರಯತ್ನಿಸುವುದು ಕಾಣುತ್ತೀರಿ.

ವಿದೇಶ ಪ್ರಯಾಣಗಳು ಅನಿವಾರ್ಯ ಅಲ್ಲದಿದ್ದಲ್ಲಿ ಮುಂದೂಡಿದರೆ ಉತ್ತಮ. ಅಕ್ಕ ತಂಗಿಯರು ಆಸ್ತಿಯಲ್ಲಿ ಪಾಲು ಕೇಳುತ್ತಾ ಬರಬಹುದು. ಹೆಚ್ಚಿನ ಪ್ರಮಾಣದ ಹೂಡಿಕೆಗಳು ಅಥವಾ ಹೊಸದಾದ ವ್ಯಾಪಾರದ ಆರಂಭ ಈ ತಿಂಗಳು ಸರ್ವಥಾ ಬೇಡ. ನಿಧಾನವಾಗಿ ಎಲ್ಲೆಡೆ ನಿಮ್ಮ ಚಾಲಾಕಿತನ ಹಾಗು ಬುದ್ಧಿವಂತಿಕೆಯಿಂದ ನಿಮ್ಮ ಕೆಲಸಗಳನ್ನು ಪೂರ್ಣಗೊಳಿಸಿ.

Leo monthly horoscope in Kannada for July 2017

ಈ ತಿಂಗಳು ನೆನಪಿಟ್ಟು ಮಾಡಬೇಕಾದ ಇನ್ನೊಂದು ಕೆಲಸ ಅಂದರೆ ಯಾವುದೇ ಕಾರಣದಲ್ಲಿಯೂ ಸಹ ಸಾಲ ಮಾಡಬೇಡಿ ಯಾರಿಗೂ ಸಾಲ ಕೊಡಲು ಹೋಗದಿರಿ. ತೈಲ ಹಾಗೂ ಮದ್ಯದ ವ್ಯಾಪಾರಿಗಳಿಗೆ ತೀವ್ರತರವಾದ ನಷ್ಟ ಆಗುವ ಸಾಧ್ಯತೆಗಳಿವೆ. ನಿಮಗಾಗದವರ ಕೈವಾಡದಿಂದಾಗಿ ಮದುವೆಯ ಪ್ರಸ್ತಾಪಗಳು ಮಾತುಕತೆ ಹಂತದಲ್ಲಿಯೇ ನಿಲ್ಲಬಹುದು.

ಸ್ತ್ರೀಯರು : ಬಯಸದೇ ಬಂದ ಭಾಗ್ಯ ಎಂದು ಕೆಲ ಘಟನೆಗಳಿಂದ ನಿಮಗೆ ಅನಿಸಿದರೂ ಸಹ ದಿನಗಳು ಉರುಳಿದಂತೆ ಸತ್ಯ ನಿಮ್ಮ ಕಣ್ಣು ಮುಂದು ಬರುತ್ತದೆ. ಉತ್ತಮವಾದ ಉದ್ಯೋಗವನ್ನು ಬಹಳ ಕ್ಷುಲ್ಲಕ ಕಾರಣಕ್ಕೆ ರಾಜೀನಾಮೆ ನೀಡಬೇಕಾದ ಸ್ಥಿತಿ ಬರುವ ಸಾಧ್ಯತೆಗಳಿವೆ.

ವಿವಾಹಿತ ಸ್ತ್ರೀಗೆ ತವರು ಮನೆಯಿಂದ ಕಲಹ ಹಾಗೂ ಅವಮಾನದ ಸಂಭವ. ನಿಮ್ಮ ಆರೋಗ್ಯ ಪೂರ್ಣ ಪ್ರಮಾಣದಲ್ಲಿ ಸರಿ ಹೋಗಬೇಕಾದಲ್ಲಿ ಇನ್ನು ಸ್ವಲ್ಪದಿನ ಕಾಯಬೇಕು. ಮಕ್ಕಳಿಂದ ಈ ಹಿಂದೆ ಉಂಟಾಗಿದ್ದ ಕಿರಿಕಿರಿ ಮಾತ್ರ ಈ ತಿಂಗಳು ಕಡಿಮೆ ಆಗುತ್ತದೆ. ಆದರೂ ಸಹ ಅವರು ಆಟವಾಡುತ್ತಿದ್ದಾಗ ಅವರ ಮೇಲಿನ ಗಮನ ಹೆಚ್ಚಾಗಬೇಕು. ನೀವು ನಿಮ್ಮ ಬಾಳ ಸಂಗಾತಿಗೆ ಎಷ್ಟೇ ಹೊಗಳಿ ಅಟ್ಟಕ್ಕೆ ಏರಿಸಿದರೂ ಸಹ ನಿಮ್ಮ ಕೆಲಸಗಳು ನೆರವೇರುವುದು ಕಷ್ಟಸಾಧ್ಯ. ಗರ್ಭಿಣಿ ಸ್ತ್ರೀಯರು ತುಸು ಎಚ್ಚರದಿಂದ ಇರಬೇಕು.

ವಿದ್ಯಾರ್ಥ್ಯಿಗಳು : ನಿಮ್ಮ ಜೊತೆಗೆ ಕೂತು ಓದುತ್ತಿದ್ದ ಸ್ನೇಹಿತರು ಕಾರಣಾಂತರಗಳಿಂದ ದೂರಾಗಿದ್ದಲ್ಲಿ ಈಗ ಹಳೆಯ ಮನಸ್ತಾಪ ಅಭಿಪ್ರಾಯ ಭೇದಗಳನ್ನು ಮರೆತು ಮರೆತು ಮತ್ತೆ ಒಟ್ಟಿಗೆ ಸೇರಿ ನಿಮ್ಮ ವಿದ್ಯೆಯನ್ನು ಮುಂದುವರಿಸುವ ಸಮಯ. ವಿದೇಶಕ್ಕೆ ಹೋಗಿ ಅಲ್ಲಿಯ ಶಾಲಾ ಕಾಲೇಜುಗಳಲ್ಲಿ ಸ್ಥಾನ ಪಡೆದು ಓದುವ ಕನಸು ಇಟ್ಟು ಪ್ರಯತ್ನ ಪಡುತ್ತಿರುವವರಿಗೆ ಮರ್ಗ ಕಷ್ಟ ಇದೆ ಹಿರಿಯರ ಹಾಗೂ ರಾಜಕೀಯ ಧುರೀಣರ ಸಹಾಯ ಅನಿವಾರ್ಯ ಆಗಬಹುದು.

ಮಾಸಾಂತ್ಯಕ್ಕೆ ಸರಿದಂತೆ ನಿಮ್ಮ ತಂದೆಯ ಮೇಲೆ ನಿಮಗೆ ಗೌರವ ಕಡಿಮೆ ಆಗುತ್ತದೆ. ಅವರ ಹಿತ ನುಡಿ ಮಾರ್ಗದರ್ಶನದ ಬೆಲೆ ಅರಿಯದೆ ಅವರ ಮೇಲೆ ಕೂಗಾಡುತ್ತೀರಿ {ಗಮನಿಸಿ : ಇದೆಲ್ಲಾ ರಾದ್ದಾಂತ ನಿಮ್ಮಿಂದ ಆಗದಿರಲಿ ಎಂದು ಮೊದಲೇ ತಿಳಿಸುತ್ತ ಇದ್ದೇನೆ}. ಏನೇ ಕೆಟ್ಟದು ಇದ್ದರೂ ಅದನ್ನು ಮೊದಲೇ ತಿಳಿದು ತಿದ್ದುಕೊಳ್ಳುವುದು ಬುದ್ದಿವಂತರ ಲಕ್ಷಣ.

ಪರಿಹಾರ : ಪ್ರತೀ ದಿನ ಶ್ರೀ ವಿಷ್ಣು ಸಹಸ್ರನಾಮ ಪಠಣ ಅಥವಾ ಶ್ರವಣ ಮಾಡಿ.

English summary
Get the complete month predictions of July 2017. Read monthly horoscope of Leo in Kannada. Get free monthly horoscope, astrology and monthly predictions in Kannada.
Please Wait while comments are loading...