ಮಿಥುನ : ಮೊದಲು ಮೋಸ ಮಾಡಿದವರಿಂದಲೇ ಮೋಸ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು : ಹೊಸ ಉತ್ಸಾಹ ನಿಮ್ಮನ್ನು ಈ ತಿಂಗಳು ಸ್ವಾಗತಿಸುತ್ತದೆ. ಏನೇನೋ ಹೊಸದಾಗಿ ಮಾಡಬೇಕು ಎಂಬ ಆಲೋಚನೆಗಳು ಬಹಳವಾಗಿ ಕಾಡುತ್ತವೆ. ಸುಮಧುರ ಸಂಗೀತ ನಿಮ್ಮನ್ನು ಬಹಳವಾಗಿ ಆಕರ್ಷಿಸುತ್ತದೆ. ವ್ಯಾಪಾರ ಆರಂಭಿಸುವ ಆಸಕ್ತಿ ಇದ್ದರೆ ಇನ್ನೂ ಕಾಯಬೇಕು. ಕೆಲವರ ವಿಚಾರದಲ್ಲಿ ನಿಮಗೆ ಭಾವನೆಗಳು ಆರಂಭಕ್ಕೂ ಮುನ್ನವೇ ಅಂತ್ಯ ಆಗುತ್ತದೆ. ನಿಮ್ಮನ್ನು ನೋಡಿ ಅಸೂಯೆ ಪಡುವ ಜನ ಹೆಚ್ಚಾಗಿದ್ದಾರೆ ಎಂದನಿಸುತ್ತದೆ.

ನೀವು ಯೋಚಿಸಿ ಮಾತನಾಡುವುದನ್ನು ರೂಢಿ ಮಾಡಿಕೊಳ್ಳುವುದು ಉತ್ತಮ. ಯಾರಿಗೂ ಸಹ ಕೆಲಸ ಕಾರ್ಯಗಳನ್ನು ಮಾಡಿಕೊಡುವುದಾಗಿ ಆಶ್ವಾಸನೆ ಕೊಡುವ ಕೆಲಸ ಮಾಡಬೇಡಿ. ನಿಮ್ಮ ನಿತ್ಯ ಜೀವನದ ಹಾಸ್ಯ ಸ್ವಲ್ಪ ಕಡಿಮೆ ಆಗುವ ಸಮಯ. ಸ್ವಂತ ಉದ್ಯೋಗ ಮಾಡುತ್ತಿರುವವರಿಗೆ ಉತ್ತಮ ಅವಕಾಶ ಲಭಿಸದೇ ಚಿಕ್ಕ ಕೆಲಸಕ್ಕೂ ಹೆಚ್ಚಿನ ಓಡಾಟ ಮಾಡಬೇಕಾಗಿ ಬರುತ್ತದೆ. ಹಾಸ್ಯಾಸ್ಪದ ವಿಚಾರ ಎಂದರೆ, ನಿಮ್ಮನ್ನು ಈ ಮೊದಲು ಮೋಸ ಮಾಡಿದವರೇ ಈಗ ಮತ್ತೊಮ್ಮೆ ಹೊಸ ವೇಷ ಧರಿಸಿ ಹೊಸ ಪಾತ್ರಧಾರಿಗಳಂತೆ ನಿಮ್ಮ ಮುಂದೆ ಮತ್ತೆ ಬಂದು ನಿಲ್ಲುವರು.

Gemini monthly horoscope in Kannada for July 2017

ಸ್ತ್ರೀಯರು : ಮಾತಿನ ಮೋಡಿ ಈ ಹಿಂದೆ ಚಲಿಸಿದಷ್ಟು ಕರಾರುವಾಕ್ಕಾಗಿ ಚಲಿಸದೇ ನಿಮಗೆ ಹಿನ್ನಡೆ ಇದೆ. ನಿಮ್ಮ ಆಲೋಚನೆಗಳು ಕಾರ್ಯರೂಪ ಪಡೆಯುವ ಮುನ್ನವೇ ನೀವು ಆ ವಿಚಾರವನ್ನು ಜಗಜ್ಜಾಹೀರು ಮಾಡಿ ದೃಷ್ಟಿ ತಾಕಿಸಿಕೊಂಡು ಕಾರ್ಯ ಹಾನಿ ಮಾಡಿಕೊಳ್ಳುತ್ತೀರಿ. ಹಿರಿಯರು ನಿಮಗೆ ಮಾರ್ಗದರ್ಶನ ಮಾಡುವಾಗ ಅವರಿಗೆ ಸ್ವಲ್ಪ ಮಾತನಾಡಲು ಅವಕಾಶ ಕೊಡಬೇಕು. ನಿಮ್ಮ ಮಾತೇ ಅಂತಿಮ ನಿಮ್ಮ ಪರವೇ ತೀರ್ಪು ಬರಬೇಕು ಎಂದು ಕೂಗಿದರೆ ನ್ಯಾಯ ಸಿಗದು.

ಪ್ರಪಂಚವನ್ನು ನೋಡುವ ದೃಷ್ಟಿಕೋನ ಅತ್ಯಂತ ತ್ವರಿತವಾಗಿ ಬದಲಿಸಿ ನಂತರ ತಡ ಆದೀತು. ನಿಮ್ಮ ಬಾಳ ಸಂಗಾತಿಯ ಸಹಾಯ ಸಹಕಾರ ನಿರಾತಂಕವಾಗಿ ಲಭಿಸುತ್ತದೆ. ನಿಮ್ಮ ಮಕ್ಕಳ ಕೆಲ ಸಾಧನೆಗಳು ಅಥವಾ ಅವರು ಕಲಿತ ಲಲಿತ ಕಲೆಗಳು ನಿಮ್ಮನ್ನು ಹೆಚ್ಚು ಆಕರ್ಶಿಸಿ ನಿಮಗೆ ಮುದವನ್ನು ನೀಡುತ್ತದೆ.

ವಿದ್ಯಾರ್ಥಿಗಳು : ನಿಮಗೆ ವಹಿಸಿದ ಕೆಲಸಗಳಿಂದ ಪಲಾಯನ ಮಾಡಲು ಯೋಚಿಸುತ್ತೀರಿ. ಆದರೆ ಅದು ಸೂಕ್ತವಾದ ನಿರ್ಧಾರ ಆಗುವುದಿಲ್ಲ. ನಿಮಗೆ ಅರಿವಿಲ್ಲದೆ ನಿಮ್ಮನ್ನು ಹೆಚ್ಚು ಪರೀಕ್ಷೆಗೆ ಒಳಪಡಿಸುತ್ತಾರೆ. ನಿಮ್ಮ ಗುಣ ಅವಗುಣಗಳು ತಿಳಿಯಲು ನಿಮ್ಮೊಂದಿಗೆ ನಾಟಕ ಆಡಲಾಗುತ್ತದೆ. ವಿದ್ಯೆ ಮೇಲೆ ನಿಮಗೆ ಸರಿಯಾದ ಶ್ರದ್ಧೆ ಇದೆ ಎಂದು ನೀವು ಈ ಪರೀಕ್ಷೆಯಲ್ಲಿ ತೋರಿಸಲೇ ಬೇಕಾಗುತ್ತದೆ.

ನಿಮಗೆ ಕಷ್ಟ ಅನಿಸಿದರೂ ಸಹ ವಿದ್ಯೆಯತ್ತೆ ಹೆಚ್ಚು ಗಮನ ಕೊಡಲೇಬೇಕು. ನೆನಪಿನ ಶಕ್ತಿಯು ಕುಂದಿ ನಿಮಗೆ ದೊಡ್ಡ ತಲೆ ನೊವಾಗಿ ಪರಿಣಮಿಸಬಹುದು. ಪ್ರತೀ ದಿನ ಧ್ಯಾನ ಪ್ರಾಣಾಯಾಮ ಮಾಡಿ ನಿಮ್ಮಲ್ಲಿ ಏಕಾಗ್ರತೆ ವೃದ್ಧಿಸಿಕೊಳ್ಳಿ. ನಿಮಗೆ ಸಂಬಂಧಿಸದ ವಿಚಾರಗಳತ್ತ ದೃಷ್ಟಿ ಹರಿಸದೇ ನಿಮ್ಮ ಗುರಿ ಸ್ಪಷ್ಟವಾಗಿರಲಿ.

ಪರಿಹಾರ : ಪ್ರತೀ ದಿನ ಸಂಧ್ಯಾಕಾಲದಲ್ಲಿ ದೇವರ ಮನೆಯಲ್ಲಿ ಮಣ್ಣಿನ ಹಣತೆಯಲ್ಲಿ ಶುದ್ಧ ತುಪ್ಪ ಬಳಸಿ ದೀಪ ಹಚ್ಚಿ.

English summary
Get the complete month predictions of July 2017. Read monthly horoscope of Gemini in Kannada. Get free monthly horoscope, astrology and monthly predictions in Kannada.
Please Wait while comments are loading...