ಮಕರ: ಚಿಕ್ಕ ಅವಕಾಶವನ್ನೂ ತಪ್ಪಿಸಿಕೊಳ್ಳಬೇಡಿ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರಿಗೆ: ನಿರುದ್ಯೋಗಿಗಳಾಗಿದ್ದಲ್ಲಿ ಇತರರ ಸಹಾಯದಿಂದಾಗಿ ನಿಮಗೆ ತಾತ್ಕಾಲಿಕ ಉದ್ಯೋಗ ಲಭಿಸಲಿದೆ. ಆದರೆ ಸಿಕ್ಕಿದ ಇದೇ ಚಿಕ್ಕ ಅವಕಾಶವನ್ನು ಮಾತ್ರ ತಪ್ಪಿಸಿಕೊಳ್ಳದೆ ಸದುಪಯೋಗ ಪಡಿಸಿಕೊಂಡರೆ ಧನಲಾಭವಿದೆ. ಈ ತಿಂಗಳ ಆದಿಯಲ್ಲಿ ನಿಮ್ಮಲ್ಲಿ ಸದೃಢ ಮನಸ್ಸು ಹಾಗೂ ನೆಮ್ಮದಿ ಕಂಡುಬರುತ್ತದೆ. ಒಂದು ವೇಳೆ ಯಾವುದೋ ಕಾರಣಗಳಿಂದ ದುಃಖ ಆದರೂ ಸಹ ಬಾಳ ಸಂಗಾತಿ ಅಥವಾ ಸ್ನೇಹಿತರು ಆಡುವ ಧೈರ್ಯದ ಮಾತುಗಳಿಂದ ಮತ್ತೆ ಸಂತೋಷದಿಂದ ಇರುತ್ತೀರಿ. ನೀವು ಮಾಡಿದ ಖರ್ಚು ಅಥವಾ ಇನ್ನೊಂದಕ್ಕೆ ಏನೇ ಇರಲಿ ಹಣದ ವಿಚಾರದಲ್ಲಿ ತಿಂಗಳ ಮಧ್ಯ ಭಾಗದಲ್ಲಿ ಕುಟುಂಬದಲ್ಲಿ ಸ್ವಲ್ಪ ಕಲಹ ಸಂಭವಿಸುವುದು. ಪೂರ್ವಜರ ಆಸ್ತಿ ಹಂಚಿಕೆ ಆಗದೇ ಉಳಿದಿದ್ದಲ್ಲಿ ನಿಮಗೆ ಆ ಆಸ್ತಿ ಮೇಲೆ ಆಸೆ ಇದ್ದಲ್ಲಿ ಈ ತಿಂಗಳು ಆ ವಿಚಾರವಾಗಿ ಮಾತುಕತೆ ಮಾಡಿ, ಫಲಿಸಬಹುದು. ಆದರೂ ಯಾವುದೋ ಒಂದು ಅನಿರೀಕ್ಷಿತ ಕಾರಣಗಳಿಂದ ನಿಮಗೆ ಬರಬೇಕಾದ ಪಾಲು ಸಂಪೂರ್ಣ ನಿಮಗೆ ಸಿಗುವುದಿಲ್ಲ.

monthly horoscope of Capricorn

ಸ್ತ್ರೀಯರು: ನೀವು ವೈದ್ಯರಾಗಿದ್ದಲ್ಲಿ ಸ್ವಲ್ಪ ಹಿನ್ನಡೆ ಅನಿಸಬಹುದು. ಸರಕಾರದಿಂದ ಏನಾದರೂ ಸವಲತ್ತು ಅಥವಾ ಹಣ ಮಂಜೂರಾಗಬೇಕಿದ್ದಲ್ಲಿ ಈ ತಿಂಗಳ ಮಧ್ಯ ಭಾಗದ ನಂತರ ಪ್ರಯತ್ನಿಸಿ. ಆದರೆ ಕಷ್ಟ ಸಾಧ್ಯ. ಮೊದಲ ಬಾರಿ ನೀವು ಕಾನೂನು ಹೋರಾಟ ಮಾಡುವುದಾದಲ್ಲಿ ಈ ತಿಂಗಳಿನಲ್ಲಿ ಬೇಡ, ಸ್ವಲ್ಪ ತಡೆಯಿರಿ. ಇನ್ನೂ ಕಾಲಾವಕಾಶದ ಅವಶ್ಯಕತೆ ಇದೆ. ಅಧ್ಯಾಪಕಿ ಆಗಿದ್ದಲ್ಲಿ ನೀವು ನಿರ್ವಹಿಸಿದ ಕೆಲಸಕ್ಕಾಗಿ ಅಭಿನಂದನೆಗಳು ಲಭಿಸುತ್ತವೆ. ಇತರೆ ಉದ್ಯೋಗದಲ್ಲಿ ಇರುವವರು ಸಹ ಇರುವ ಕೆಲಸ ಬಿಟ್ಟು ಬೇರೆ ಕೆಲಸಕ್ಕೆ ಹೋಗಬೇಕೆಂದಿದ್ದಲ್ಲಿ ಸ್ವಲ್ಪ ಎಚ್ಚರಿಕೆ ಹೆಜ್ಜೆ ಇಡಿ. ನಿಮಗೆ ಮೋಸ ಆಗುವ ಸಾಧ್ಯತೆಗಳಿವೆ. ಇರುವ ಕೆಲಸಕ್ಕೆ ರಾಜೀನಾಮೆ ಕೊಟ್ಟು ಹೊಸ ಕೆಲಸ ಹುಡುಕುವ ಸಾಹಸ ಬೇಡ. ಆದರೆ ನೀವು ಈ ತಿಂಗಳು ಮಾಡುವ ಉತ್ತಮ ಕೆಲಸ ಅಂದರೆ, ಯಾರನ್ನು ಹತ್ತಿರ ಬಿಟ್ಟುಕೊಳ್ಳ ಬೇಕು ಹಾಗೂ ಯಾರನ್ನು ದೂರ ಇಡಬೇಕು ಎಂದು ತಿಳಿದು ಆ ಕೆಲಸವನ್ನು ಮಾಡುತ್ತೀರಿ.

ವಿದ್ಯಾರ್ಥಿಗಳು: ಈ ಹಿಂದೆ ಅರ್ಧ ಮಾಡಿ ಬಿಟ್ಟಿದ್ದ ಕೆಲಸಗಳನ್ನು ಈ ತಿಂಗಳು ಮಾಡಿ ಪೂರೈಸಲು ಆದೇಶ ಲಬಿಸುತ್ತದೆ.

ಪರಿಹಾರ: ಈ ತಿಂಗಳಿನ ಒಂದು ಶನಿವಾರ ಮನೆಯಲ್ಲಿ ಎಳ್ಳುಂಡೆ ಮಾಡಿ, ದೇಗುಲದಲ್ಲಿ ಅದನ್ನು ನೀವೇ ಹಂಚಿ

English summary
Get the complete month predictions of Aprill 2017. Read monthly horoscope of Capricorn in Kannada. Get free monthly horoscope, astrology and monthly predictions in Kannada.
Please Wait while comments are loading...