ಕರ್ಕ : ಹಣಕ್ಕಾಗಿ ನಿಮ್ಮನ್ನು ಪೀಡಿಸುವವರ ಸಂಖ್ಯೆ ಕಡಿಮೆ

Written by: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ನಿಮ್ಮ ಆರ್ಥಿಕ ವಿಚಾರದಲ್ಲಿ ಬದಲಾವಣೆಗಳು ಆಗುವ ಸಾಧ್ಯತೆಗಳಿವೆ. ಒಂದು ಸಾಲದ ಸುಳಿಯಿಂದ ಹೊರಬಂದು, ಇನ್ನೊಂದು ದೊಡ್ಡ ಸಾಲದಲ್ಲಿ ಸಿಲುಕುವ ಸಾಧ್ಯತೆ ಸಹ ಇದೆ. ಆದರೆ ಏನೇ ಆಗಲೀ ಹಣಕ್ಕಾಗಿ ನಿಮ್ಮನ್ನು ಪೀಡಿಸುವವರ ಸಂಖ್ಯೆ ಕಡಿಮೆ ಆಗುವುದರಲ್ಲಿ ಸಂಶಯವಿಲ್ಲ.

ಭೂಮಿಯನ್ನು ಖರೀದಿಸುವ ವಿಚಾರಗಳು ಇದ್ದಲ್ಲಿ ಈ ತಿಂಗಳಿನಲ್ಲಿ ಪ್ರಯತ್ನಿಸಿದರೆ ಯಶಸ್ಸು ಸಿಗುವ ಸಾಧ್ಯತೆಗಳು ಹೆಚ್ಚು. ಕೆಲವರಿಗೆ ಭೂಮಿ ಖರೀದಿ ವಿಚಾರದಲ್ಲಿ ತಂದೆಯ ಸಹಾಯ ದೊರೆಯಲಿದೆ. ಸರಕಾರದಿಂದ ಆಗಬೇಕಿರುವ ಕೆಲಸಗಳನ್ನು ಈ ತಿಂಗಳಿನ ಮಧ್ಯಭಾಗದ ಒಳಗೆ ಆದಷ್ಟೂ ಮಾಡಿ ಮುಗಿಸಿ ಬಿಡಿ. ನಂತರ ಕಷ್ಟ.

ಈ ತಿಂಗಳ ಮಧ್ಯಭಾಗದ ನಂತರ ವಿದೇಶ ಪ್ರಯಾಣದ ವಿಚಾರದಲ್ಲಿ ಪ್ರಯತ್ನಿಸುತ್ತಿರುವವರಿಗೆ ಯಶಸ್ಸು ಇದೆ. ಉದ್ಯೋಗ ಕ್ಷೇತ್ರದಲ್ಲಿ ನಿಮಗೆ ಸಿಕ್ಕ ಬೆಲೆ ಹಾಗೂ ಪ್ರಾಮುಖ್ಯ ಕಂಡು ಈರ್ಷ್ಯೆಗೆ ಒಳಗಾಗುತ್ತಾರೆ. ಗೋಮುಖ ವ್ಯಾಘ್ರಗಳಿಂದ ಈ ಸಮಯದಲ್ಲಿ ಅತ್ಯಂತ ಎಚ್ಚರದಿಂದ ಇರಬೇಕಾಗುತ್ತದೆ.

Cancer monthly horoscope

ಕಠಿಣವಾದ ಮಾತುಗಳು ಹಾಗೂ ದೃಢವಾದ ನಿರ್ಧಾರ ನೀವು ಈ ಹಿಂದೆ ಕೊಟ್ಟಿದ್ದ ಹಣವನ್ನು ಈಗ ಮರುಪಾವತಿ ಆಗುವಂತೆ ಮಾಡಬಹುದು. ಉತ್ತಮ ಅವಕಾಶಗಳು ನಿಮಗೆ ಈ ಸಮಯದಲ್ಲಿ ಲಭಿಸುತ್ತವೆ. ಅದನ್ನು ಸರಿಯಾಗಿ ಬಳಸಿಕೊಂಡು ಮುನ್ನುಗ್ಗಿದರೆ ನಂತರ ಸಮಸ್ಯೆಗಳು ಹೆಚ್ಚು ಇಲ್ಲ.

ಸ್ತ್ರೀಯರು:ತವರು ಮನೆಯಿಂದ ಆಸ್ತಿಯಲ್ಲಿ ಪಾಲು ಬಯಸುತ್ತಿರುವ ಗೃಹಿಣಿಯರಿಗೆ ಈ ತಿಂಗಳಿನಲ್ಲಿ ತಮ್ಮ ಕಾರ್ಯ ಸಾಧನೆ ಆಗುವ ಸಾಧ್ಯತೆ ಇದೆ. ಆದರೆ ಅಲ್ಲಿ ಸಹೋದರರು ಮಧ್ಯಪ್ರವೇಶ ಮಾಡಿ ಭೂಮಿಯ ಬದಲು ಹಣ ನೀಡುವುದಾಗಿ ವಿನಂತಿಸಬಹುದು. ಇಲ್ಲಿ ಗಮನಿಸಬೇಕಾದ ಅಂಶ ಎಂದರೆ ಭೂಮಿ ಅಥವಾ ಹಣ ಈ ಎರಡೂ ನಿಮಗೆ ಪ್ರಾಪ್ತಿ ಯೋಗ ಇರುವುದರಿಂದ ನಿಮ್ಮ ಆಯ್ಕೆಗೆ ಉತ್ತಮ ಅವಕಾಶಗಳಿವೆ. ಯಾವುದೂ ಸಹ ನಿಮಗೆ ನಷ್ಟ ಉಂಟು ಮಾಡುವುದಿಲ್ಲ.

ಸಾಫ್ಟ್‌ ವೇರ್ ಉದ್ಯೋಗಿಗಳಿಗೆ ತಿಂಗಳ ಆದಿಯಲ್ಲಿ ಅದ್ಭುತ ಯಶಸ್ಸು ಇದ್ದು, ಉದ್ಯೋಗದಲ್ಲಿ ಬಡ್ತಿ ಇತ್ಯಾದಿಗಳು ದೊರೆಯುತ್ತವೆ. ಆದರೆ ತಿಂಗಳ ಮಧ್ಯಭಾಗದ ನಂತರ ದೊರೆತ ಆ ಅಭಿವೃಧ್ಧಿಯೇ ನಿಮಗೆ ಹಿಂಸೆ ಅಥವಾ ಒತ್ತಡ ಅನಿಸತೊಡಗುತ್ತದೆ.

ವಿದ್ಯಾರ್ಥಿಗಳು: ನಿಮ್ಮ ಸಹೋದರರಿಂದ ಸಹಾಯ ಹಾಗೂ ಸಹಕಾರ ದೊರೆಯುತ್ತದೆ. ನಿಮ್ಮ ಶುಲ್ಕಗಳನ್ನು ಸಹ ಅವರೇ ಭರಿಸುವ ಸಾಧ್ಯತೆಗಳು ಹೆಚ್ಚು. ನಿಮಗೆ ವಹಿಸಿದ ಕೆಲಸಗಳನ್ನು ಮಾಡಿ ಮುಗಿಸಲು ಸಮಯ ಸಾಕಾಗದು. ಅದರ ಪರಿಣಾಮ ನಿಮ್ಮ ನಿಜವಾದ ಶಕ್ತಿ ಹಾಗೂ ಯುಕ್ತಿಯ ಪ್ರದರ್ಶನವಾಗದು.

ಪರಿಹಾರ: ಪ್ರತಿ ಶುಕ್ರವಾರ ಮನೆಯಲ್ಲಿ ಮಣ್ಣಿನ ಹಣತೆಯಲ್ಲಿ ತುಪ್ಪದ ದೀಪವನ್ನು ದೇವರ ಮನೆಯಲ್ಲಿ ಹಚ್ಚಿ.

English summary
Get the complete month predictions of May 2017. Read monthly horoscope of Gemini in Kannada. Get free monthly horoscope, astrology and monthly predictions in Kannada.
Please Wait while comments are loading...