ಮೇಷ : ಭೂಮಿಗೆ ಸಂಬಂಧಪಟ್ಟ ವ್ಯವಹಾರಗಳಲ್ಲಿ ಉತ್ತಮ ಲಾಭ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು: ಭೂಮಿಗೆ ಸಂಬಂಧಪಟ್ಟ ವ್ಯವಹಾರಗಳಲ್ಲಿ ಉತ್ತಮವಾದ ಲಾಭ ಕಂಡು ಬರುತ್ತಿದೆ. ಷೇರು ವ್ಯವಹಾರಗಳಲ್ಲಿಯೂ ಲಾಭ ಆಗುವುದರಲ್ಲಿ ಸಂಶಯವಿಲ್ಲ. ಆದರೆ ಇದೇ ವೇಗದಲ್ಲಿ ಬಡ್ಡಿಯ ಆಸೆಗೆ ಬಿದ್ದು ಯಾರಿಗೂ ಸಾಲ ಮಾತ್ರ ಕೊಡಲು ಹೋಗಬೇಡಿ.

ದ್ವಿಚಕ್ರವಾಹನ ಸವಾರರು ಈ ತಿಂಗಳಿನ ಕೊನೆಯ ಹತ್ತು ಹನ್ನೆರಡು ದಿನ ಜಾಗ್ರತೆಯಿಂದ ಇರಬೇಕು. ಅಧ್ಯಾಪಕರಿಗೂ ಹಾಗೂ ಉಪನ್ಯಾಸಕರಿಗೂ ಲಾಭದಾಯಕ ತಿಂಗಳು. ಶಾರೀರಿಕವಾಗಿ ಸತ್ವ ಸಂಪನ್ನರಾಗಿರುತ್ತೀರಿ, ತೊಂದರೆ ಇಲ್ಲ. ಗುರು ಹಿರಿಯರಲ್ಲಿ ಗೌರವ ಭಾವನೆ ಹೆಚ್ಚುತ್ತದೆ.

aries monthly horoscope

ಆದರೆ, ದಾಯಾದಿ ಕಲಹವೊಂದು ಮುಂದೊಂದು ದಿನ ನ್ಯಾಯಾಲಯದ ಮೆಟ್ಟಿಲೇರುವುದರ ಮುನ್ಸೂಚನೆ ಸಿಗುತ್ತದೆ. ಅದನ್ನು ನೀವು ಅರ್ಥ ಮಾಡಿಕೊಳ್ಳಬೇಕು ಅಷ್ಟೇ. ವಯಸ್ಕರಿಗೆ ಮಕ್ಕಳಿಂದ ಧನ ಪ್ರಾಪ್ತಿ ಇದೆ. ಅಲ್ಲದಿದ್ದರೆ ನಿಮಗಾಗಿ ಮಕ್ಕಳು ವಾಹನ ಖರೀದಿ ಮಾಡಬಹುದು.

ಸ್ತ್ರೀಯರು: ಖಾಸಗಿ ಸಂಸ್ಥೆಯಲ್ಲಿ ಲೆಕ್ಕ ಪರಿಶೋಧಕರಾಗಿ ಉದ್ಯೋಗ ಮಾಡುತ್ತಿರುವವರಿಗೆ ಸ್ವಲ್ಪ ಪರೀಕ್ಷಾ ಸಮಯ. ಆದರೆ ಉತ್ತಮ ಫಲ ಹಾಗೂ ನಿರೀಕ್ಷಿಸದ ಗೌರವ- ಲಾಭಗಳಿವೆ. ಸಹೋದರರ ಮೇಲೆಯೇ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದರೆ ಅವರು ಸಂಧಾನ ಮಾಡಿಕೊಳ್ಳಲು ನಿಮ್ಮ ಮನೆ ಬಾಗಿಲು ಬಡಿಯುತ್ತಾರೆ. ನಿರ್ಧಾರ ನಿಮ್ಮ ಬಳಿಯೇ ಇರುತ್ತದೆ. ನಿ

ಮಗೆ ಕಲ್ಪನೆ ಇಲ್ಲದೆಯೇ ಉತ್ತಮ ಗೃಹಿಣಿಯರ ಸ್ನೇಹ ಸಿಕ್ಕಿ ಮನಸಿಗೆ ಆನಂದವಾಗುತ್ತದೆ. ವಿದ್ಯಾ ಇಲಾಖೆಗೆ ಸಂಬಂಧಪಟ್ಟು ಉದ್ಯೋಗದಲ್ಲಿ ಇರುವವರಿಗೆ ಆದಾಯ ಉತ್ತಮವಾಗಿ ಕಾಣಿಸುತ್ತಿದೆ. ಆಭರಣಗಳನ್ನು ಖರೀದಿಸಬೇಕು ಎಂದುಕೊಂಡಿದ್ದಲ್ಲಿ ಈ ತಿಂಗಳು ಉತ್ತಮ. ಮತ್ತೆ ಇಷ್ಟು ಉತ್ತಮ ಸಮಯ ಈ ಸದ್ಯದಲ್ಲಿ ಸಿಗುವುದಿಲ್ಲ.

ವಿದ್ಯಾರ್ಥಿಗಳು: ಅಧ್ಯಾಪಕರಿಗೆ ಬಹಳ ಹತ್ತಿರವಾಗುತ್ತೀರಿ ಹಾಗೂ ಅವರಿಂದ ಪ್ರಶಂಸೆಯನ್ನೂ ಪಡೆಯುತ್ತೀರಿ. ಎಲ್ಲ ವಿಧದ ಪರೀಕ್ಷೆಗಳಲ್ಲಿ ಉತ್ತಮವಾಗಿ ತೇರ್ಗಡೆ, ಎಲ್ಲೆಡೆಯಿಂದ ಪ್ರಶಂಸೆ ಲಭಿಸಲಿದೆ. ಇಲ್ಲಿಯ ತನಕ ವಿದ್ಯಾರ್ಜನೆಯಲ್ಲಿ ಉತ್ತಮ ಸಾಧನೆ ಮಾಡದೆ ಇದ್ದು ಅನುತ್ತೀರ್ಣರಾದವರೂ ಈ ಮಾಸದಲ್ಲಿ ಪ್ರಯತ್ನಿಸಿದರೆ ಎಲ್ಲರೂ ಆಶ್ಚರ್ಯ ಪಡುವಂತೆ ಸಾಧನೆ ಮಾಡುತ್ತಾರೆ.

ಪರಿಹಾರ: ಪ್ರತೀ ಬುಧವಾರ ಹತ್ತಿರದ ಮಹಾ ವಿಷ್ಣು ದೇಗುಲದಲ್ಲಿ ಪುರುಷ ಸೂಕ್ತದಿಂದ ಕ್ಷೀರಾಭಿಷೇಕ ಹಾಗೂ ತುಳಸಿಯಲ್ಲಿ ಅರ್ಚನೆ ಮಾಡಿಸಿ.

Mesh Rashi : Know the nature of people who belongs to this sign | Watch video

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Get the complete month prediction for the month of august 2017. Read monthly horoscope of Aries in Kannada. Get free monthly horoscope, astrology and monthly predictions in Kannada.
Please Wait while comments are loading...