ಕುಂಭ : ಭವಿಷ್ಯಕ್ಕಾಗಿ ದೃಢ ನಿರ್ಧಾರ ತೆಗೆದುಕೊಳ್ಳಿ

By: ಪಂಡಿತ್ ವಿಠ್ಠಲ್ ಭಟ್
Subscribe to Oneindia Kannada

ಪುರುಷರು : ಇದ್ದಕ್ಕಿದ್ದಂತೆ ಸಂಗೀತದಲ್ಲಿ ಆಸಕ್ತಿ ಬರುತ್ತದೆ. ಅದನ್ನು ಕಲಿಯಬೇಕು ಅನಿಸುತ್ತದೆ. ಆದರೆ ನೀವು ಆ ವಿಚಾರದಲ್ಲಿ ಮುಂದೆವರಿಯುವುದಿಲ್ಲ. ಪತ್ರಿಕಾ ರಂಗದಲ್ಲಿ ಇರುವವರಿಗೆ ಉತ್ತಮ ಲಾಭದಾಯಕ ಮಾಸ. ವೃತ್ತಿಯ ವಿಚಾರದಲ್ಲಿ ನಿಮಗಿರುವ ಆಸೆಗಳನ್ನು ಈಡೆರಿಸಿಕೊಳ್ಳುವ ಸಮಯ. ಆಶ್ಚರ್ಯ ರೀತಿಯಲ್ಲಿ ನಿರುದ್ಯೋಗಿಗಳಿಗೆ ಉತ್ತಮ ಅವಕಾಶಗಳು ಲಭಿಸುತ್ತವೆ ಆದರೆ ದೀರ್ಘ ಕಾಲಿಕ ಅಲ್ಲ.

ನ್ಯಾಯಾಲಯದಲ್ಲಿ ದಾವೆಗಳು ಇದ್ದಲ್ಲಿ ಮಾತ್ರ ಮುಂದಿನ ತಾರೀಖು ಲಭಿಸುತ್ತದೆ. ತಿಂಗಳಿನ ಮೊದಲೆರಡು ವಾರ ಮಾನಸಿಕವಾಗಿ ಅತ್ಯುತ್ತಮವಾಗಿದೆ. ನಂತರದ ಎರಡು ವಾರಗಳು ಮಾತ್ರ ಕೊಂಚ ಗೊಂದಲಮಯದಂತೆ ಕಾಣಿಸುತ್ತಿದೆ. ನೀವು ಸದಾ ಮೈಮೇಲೆ ಬಂಗಾರದ ಆಭರಣಗಳನ್ನು ಧರಿಸಿಯೇ ಇರುವವರು ಎಂದಾದಲ್ಲಿ ಈ ತಿಂಗಳು ಸ್ವಲ್ಪ ಎಚ್ಚರಿಕೆಯ ಅವಶ್ಯ ಇದೆ.

ಮನೆಯಲ್ಲಿ ಸಂತಸದ ವಾತಾವರಣವನ್ನು ತರಲು ನೀವು ಮಾತ್ರ ತುಸು ಹೆಚ್ಚು ಪ್ರಯತ್ನಿಸುತ್ತೀರಿ. ಆದರೆ ನಿಮ್ಮ ಕೈಯ್ಯಲ್ಲಿ ಏನೂ ಇಲ್ಲ. ನಿಮಗೆ ಇತ್ತೀಚೆಗೆ ಮೊಂಡುತನ ಜಾಸ್ತಿ ಆಗಿದೆ ಎಂದು ಎಲ್ಲರೂ ಬೈದರೂ ಸಹ ಕುಟುಂಬದ ಉತ್ತಮ ಭವಿಷ್ಯಕ್ಕಾಗಿ ದೃಢ ನಿರ್ಧಾರಗಳು ನಿಮಗೆ ಅನಿವಾರ್ಯ ಆಗಿಬಿಡುತ್ತದೆ.

Aquarius monthly horoscope in Kannada for July 2017

ಸ್ತ್ರೀಯರು : ವೃತ್ತಿಯಲ್ಲಿ ಕೆಲ ಬದಲಾವಣೆಗಳನ್ನು ಬಯಸುತ್ತೀರಿ ಆದರೆ ತಾತ್ಕಾಲಿಕವಾಗಿ ಅದು ಅಸಾಧ್ಯ. ನಿಮ್ಮ ಮೇಲೆ ಆಪಾದನೆಗಳು ಬರದಂತೆ ಎಚ್ಚರವಹಿಸುತ್ತೀರಿ. ಆದರೂ ನಿಮಗೆ ಅರಿವಿಲ್ಲದಂತೆ ಕೆಲ ಎಡವಟ್ಟುಗಳು ಆಗಿ ಮತ್ತೆ ನಿಮಗೆ ಸುತ್ತಿಕೊಳ್ಳುತ್ತದೆ.

ಹೆಣ್ಣು ಹೆತ್ತವರಿಗೆ ಸಂಭ್ರಮದ ಸಮಯ. ತವರು ಮನೆಯಿಂದ ನಿಮ್ಮ ಮನಸಿಗೆ ನೆಮ್ಮದಿ ಕೊಡುವ ಸುದ್ದಿಗಳು ಬರುವ ಸಾಧ್ಯತೆಗಳಿವೆ. ಆದರೆ ತಿಂಗಳಾಂತ್ಯದಲ್ಲಿ ಮಾತ್ರ ಸಹೋದರರೊಂದಿಗೆ ಚಿಕ್ಕದಾಗಿ ಮನಸ್ತಾಪ ಆಗುವ ಸಾಧ್ಯತೆಗಳಿವೆ. ಇತರರ ಅದರಲ್ಲಿಯೂ ವಿಶೇಷವಾಗಿ ಸ್ತ್ರೀಗೆ ಸಂಬಂಧಿತವಾದ ಯಾವುದೇ ಮನಸ್ತಾಪಗಳು ಅಥವಾ ಜಗಳಗಳು ಬಂದರೂ ಸಹ ಅದನ್ನು ಮುಂದುವರಿಸದೇ ಅಲ್ಲಿಗೇ ಬಿಟ್ಟು ಬಿಡುವುದು ಲೇಸು.

ನಿಮ್ಮ ಮಾತುಗಳಿಂದ ಇತರರ ಮನಸ್ಸಿಗೆ ಬೇಸರ ಆಗಬಹುದು. ಆದುದರಿಂದ ಮಾತನಾಡುವಾಗ ಎಚ್ಚರವಹಿಸಿ. ಹೊಸ ಅಥವಾ ಪರಿಚಯವೇ ಇಲ್ಲದ ಜನರೊಂದಿಗೆ ವ್ಯವಹಾರಗಳು ಬೇಡ. ಆಕಸ್ಮಿಕ ಧನ ಲಾಭ ಬೇಕು ಎಂದಾದಲ್ಲಿ ತಿಂಗಳಾಂತ್ಯದಲ್ಲಿ ಸ್ವಲ್ಪ ಸಾಧ್ಯತೆಗಳಿವೆ.

ವಿದ್ಯಾರ್ಥಿಗಳು : ಸಮಯದ ನಷ್ಟ ವಿದ್ಯಾರ್ಥಿಗಳಾದ ನಿಮಗೆ ಅತ್ಯಂತ ದೊಡ್ಡ ಪ್ರಮಾಣದ ನಷ್ಟವಾಗಿರುತ್ತದೆ ಆದುದರಿಂದ ಆ ವಿಚಾರದಲ್ಲಿ ಹೆಚ್ಚಿನ ಗಮನ ಕೊಡಿ. ಸಮಯ ವ್ಯರ್ಥ ಮಾಡಬೇಡಿ. ಹಿರಿಯರ ಮಾತುಗಳಿಗೂ ಸಹ ನೀವು ತೋರ್ಪಡಿಕೆಯ ಗೌರವ ಮಾತ್ರ ತೋರಿಸುತ್ತೀರಿ. ಅವರು ಹೇಳುವ ಉಪದೇಶಗಳನ್ನು ಅಳವಡಿಸಿಕೊಳ್ಳುವುದಿಲ್ಲ. ಆದರಿಂದ ನಿಮಗೇ ಹೆಚ್ಚಿನ ತೊಂದರೆ ನೆನಪಿರಲಿ.

ನಿಮಗೆ ಚಿಕ್ಕ ಸವಾಲುಗಳೇ ದ್ದೊಡ್ಡದಾಗಿ ಕಾಣುವ ತಿಂಗಳಿದು ಇನ್ನು ನಿಜವಾಗಲೂ ದೊಡ್ಡ ಸವಾಲುಗಳೇ ಬಂದರೆ ಏನು ಮಾಡಬೇಕು ಎಂದು ಮೊದಲೇ ಚಿಂತಿಸಿ ಸಿದ್ದವಾಗಿರಿ. ನೆನಪಿರಲಿ ವಿದ್ಯೆಗೆ ಸಹಕಾರಿ ಆಗುವ ವಿಚಾರಗಳು ಹಾಗೂ ವಿಷಯಗಳು ಎಲ್ಲಿಂದ ಬಂದರೂ ಸಹ ಅವುಗಳನ್ನು ಸ್ವೀಕರಿಸಲು ಸದಾ ಸಿದ್ಧರಿರಬೇಕು. ರಾಜಾರೋಷವಾಗಿ ಸುಳ್ಳು ನುಡಿಯುವ ನಿಮ್ಮ ಸ್ನೇಹಿತರಿಂದ ಸಾಧ್ಯವಾದಷ್ಟು ದೂರ ಇರಿ, ಇಲ್ಲವೆ ಅಂಥ ಜನರ ಸಹವಾಸ ಬಿಡಿ.

ಪರಿಹಾರ : ಈ ತಿಂಗಳ ಆರಂಭದಲ್ಲಿಯೇ ಯಾವುದಾದರೂ ಭಾನು ಅಥವಾ ಸೋಮವಾರದಂದು ದೇಗುಲದ ಅರ್ಚಕರಿಗೆ ಉತ್ತಮ ಗುಣ್ಮಟ್ಟದ ಅಕ್ಕಿಯನ್ನು ನಿಮ್ಮ ಶಕ್ತಿ ಇದ್ದಷ್ಟು ದಾನ ಮಾಡಿ.

English summary
Get the complete month predictions of July 2017. Read monthly horoscope of Aquarius in Kannada. Get free monthly horoscope, astrology and monthly predictions in Kannada.
Please Wait while comments are loading...